Yɛrɛmaya 51:61 - ALLALA KUMƐ

⁶¹ N ya a fɔ Sɛraya ye ko, “I wa ke Babilɔn, n ya min bɛɛ sɛbɛ kɛ rɔ, i ni wo karan nyɔ-mɔgɛnu ye.

Yɛrɛmaya 51:61 Iomraidhean Croise

Yɛrɛmaya 51:60

Kasarɛ anubɛ ko-gbɛrɛ minnu tabɛnnɛ Babilɔn kan ma, nde, Yɛrɛmaya ya wo bɛɛsi sɛbɛ buku do rɔ.

Yɛrɛmaya 51:62

I wa ban a karanna anu ye, i ni Alla madiya anu yala ko, ‘Mari, i ko i si kan-tinɛ kɛ kasara. I wa ban a tinyana, a hadama-den wo, a sogo wo, wo fenfen ti to sigini a rɔ, ado i ko a si to wula-da-rakolonyɛ le la habadan!’

Matiyu 24:1

Yisa ye bɔla Alla-Bato-Bɔn la tumɛ min, ala karan-dannu nara a wara ka Alla-Bato-Bɔn sɔ-nya yira a la.

Maraka 13:1

Yisa ye bɔla Alla-Bato-Bɔn la tumɛ min, ala karan-den kelen ya a fɔ a ye ko, “Karan-mɔgɔ, kuru-belebele-wɛ kɛnu mafɛlɛn! Nba de, ado bon-makawanɛ le kɛnu na!”

Kɔlɔsi 4:16

Wo wa ban kɛdi kɛ karanna tumɛ min, wo ni a lata Leyodisiya chɔchi ma fanan. Anu fanan ni a karan. Leyodisiya kɛnu bi kɛdi min natala wo ma, wo fanan ni wo karan.

1 Tɛsalonaika 4:18

Woletɔ wo ni wo nyɔgɔn yisi-kimɛ kumɛ kɛnu na.

1 Tɛsalonaika 5:27

N bi wo madiyala ma Mari tɔgɔ rɔ ko wo ni kɛdi kɛ karan dɛnkɛninya-mɔgɛ bɛɛ ye.

Lankɛnimayɛ 1:3

Mɔgɔ-sewanɛ le wo mɔgɛ la min bi kitabu kɛ karanna. Mɔgɔ-sewanɛ le wonu na minnu bi anu tole masɔla wɔlɔyiya-kumɛ kɛnu na anubɛ min sɛbɛnɛ kitabu kɛ rɔ ka wonu bira, ado koe kɛ bɛɛ kɛ-tumɛ ara gbɛrɛn.