Yɛrɛmaya 51:53 - ALLALA KUMƐ

⁵³ Hali Babilɔn yɛlɛta ha ka ke banda-kole ma, anu ni kan-tina-layan-bɛ sɔ nyɔ, Mari ko a si mɔgɛnu nana nyɔ ka anu kasara. Mari kan le kɛ la.

Yɛrɛmaya 51:53 Iomraidhean Croise

Ko-Dabirɛnu 11:4

Anu ya a fɔ anu nyɔgɔn ye tun ko, “Wo na, ma ni so-karantan sɔ. Wo kɔma, ma ni san-bon-nayan-bɛ sɔ min si tugu san-kole la. Woletɔ ma tɔgɛ si bɔ. Ni ma ma wo ma, ma ra si nyɛnsɛn dugu-kole bɛɛ kuma.”

Yobu 20:6

Hali a wa yanya, a kunyɛ ni tugu san-kole la, hali a kunyɛ tugura banda-finyɛ la,

Aiseya 13:17

Mari ko a ye Midi kɛnu nakɛla Babilɔn kɛnu ma. Anuna sɛnɛ anubɛ anuna wodi-gbɛ miriya fenfen sa anu yoge wonu na

Aiseya 41:25

“Nde, Mari ara mɔgɛ do tɔnbɔn tele-bɔɛ wara la. A si wo kɛlɛ dabira kantɔ-wara la. Wo wa na, a si kun-tiginu tatɛntɛn iko bore. A si wonu tatugutugu iko bɔnku-daga-sɔlɛ si bɔnkɛ ramaga nya min.

Aiseya 47:5

Mari ko, “Ile Babilɔn, i radenɛ ni to pinpi rɔ. Nyamanɛnu ti i kele tun ko musu-mansɛ.”

Aiseya 47:7

Ile Babilɔn miri ko i ye tola musu-mansayɛ le la tolon, ado i miri ma ke ko su kɛnu ma nun. I miri ma ke ko a si a laban i bolo ka.

Yɛrɛmaya 49:16

Anuna wasinteyɛ ara anu bolo labira bawo mɔgɔ-wo-mɔgɔ ti kilan anu na tun iko anu miriya ye nya min nun. Hali anu sigira fara-kolo-kɔnkɔ-layan-bɛnu kuma, hali anu yɛlɛta san ma pon iko kokɛ, Mari ko a si anu fɛrɛn dugi la. Mari kan le kɛ la.

Yɛrɛmaya 50:21

Mari ko Babilɔn yogenu ni Mɛrateyim kɛnu anubɛ Pikɔdinu kɛlɛ. Anu ni anu faga ka anu halaki feu! Anu ni anu kasara iko ale Mari ya a fɔ anu ye nya min.

Yɛrɛmaya 50:25

Mari ko a ara ala kɛlɛ-kɛ-miran-bɔn laka anu kan ma. A ko a fonde ara bɔ ha a si na ala kɛlɛ-kɛ-fan bɛɛsi labɔ anu kan ma bawo ale Mari Sɛnbɛ-Bɛɛ-Tigi ko wɔlɛ ye ata kɛlɛ-dannu ye Babilɔn nyamanɛ rɔ.

Yɛrɛmaya 50:45

Mari ko a ara koe min tabɛn Babilɔn kɛnu kan ma, anu ni anu tole masɔ wo la. Hali anuna dannu, anu yogenu si wonu sagan dugi la. Bɛɛ kun ma si kɔ.

Yɛrɛmaya 51:11

Mari ara Midiya mansɛnu natugu Babilɔn kɛnu ma bawo a miriya sa fenfen ma fɔ ka anu nato. Anu bara a Bato-Bɔn tinya min kɛ, a ye wo le yili-sarɛ la wo la. Midiya kɛlɛ-den-kunyɛnu si a fɔ ko, “Wo ni wola kalabɛnnu nasulen boiboi! Wo ni wola nɛgɛ-lufɛ bira wo bolo tɔ ka wo sɔ-bole rabɛn.

Yɛrɛmaya 51:25

A ko Babilɔn mani de iko fara-belebele-wɛ min si duninya bɛɛ halaki. Kɔnɔ Mari ko a yoge le ale la. A ko a si a latosokoro a kɔɛn la kɔnkɛ ma ka a mintan ka anu ma gbangban la!

Yɛrɛmaya 51:48

Kantɔ-mɔgɛnu ba na Babilɔn nyamanɛ tii dugi la tumɛ min, fan min bɛɛsi ye san anubɛ dugi ma, wo bɛɛ si yerelen tɛgɛ sewɛ bolo.

Yɛrɛmaya 51:56

Anu bi nala Babilɔn kasara kan le ma. Anu bi Babilɔn kɛlɛ-dannu birala ka anuna kalabɛnnu takerikeri. Mari ko Alla le ale la min si ko-yogoma-kɛlɛnu tɔrɔ, ado a bɛnta, a ni min ke Babilɔn ma, a si wo sigi nyɔ ma.

Yɛrɛmaya 51:58

Babilɔn tara-layan-bɛ si gbesi dugi la fugbu! A don-da-layan-bɛnu si mintan gburr! Sibole bɛɛ tɔrɔta min sɔ-tinɛ, tɛ si wo firan fegba! Mari Sɛnbɛ-Bɛɛ-Tigi kan le kɛ la.

Daniyɛli 4:30

N bi a fɔla ko, ‘Babilɔn so-karantan kɛ mafɛlɛn. Nde le ya soe kɛ sɔ alako ka nta sɛnbɛ mayira. Mɔgɛnu si a lɔn fanan ko n bi gbiliyɛ rɔ soe kɛ sɔ-nya bolo.’

Emɔsi 9:2

A ko hali minnu ba denkɛ sin fɔɔ lakira, a si wo bira nyɔ. Hali minnu yɛlɛta san ma pon, a si wo layigi dugi ma.

Emɔsi 9:4

Wo yogenu ba ta wo la biralɛ rɔ, a ko a si a ma, wo yogenu ni wo faga. A ko a ye wo kasara-koe le tɔ, wo kisi-ko ma de!

Habakuku 2:9

Wole karagbɛlɛnu, wo si wota nondɔn sɔrɔn de serr! Wo ya minnu bɔ mɔgɛnu bolo karagbɛlɛyɛ la duninya rɔ, wo ara a ma, wola denbayɛnu bara ma fen-tiginu na. Wo ara wo raya ka wola soenu natanka tɔrɔyɛ ma.