Yɛrɛmaya 51:5 - ALLALA KUMƐ

⁵ Hali Isirɛla mɔgɛnu anubɛ Yuda mɔgɛnu bara hakɛ kɛ Mari-Sɛnimɛ la, ale anuta Mari Alla Sɛnbɛ-Bɛɛ-Tigi ko a ma a ban anu na.

Yɛrɛmaya 51:5 Iomraidhean Croise

1 Mansɛnu 6:13

ado n si to nta Isirɛla mɔgɛnu fɛ. N ti anu boloka muk!”

2 Mansɛnu 21:16

Mansa Manasa ya a ma, Yuda mɔgɛnu bara hakɛ kɛ Mari la ka anu don bɛsi-kɔ-koe rɔ. Min sanɛ wo kuma, sɔn-yogoma sa mɔgɛ minnu na, mansɛ ya wonu mɔgɔ-siyaman faga ha wonu yele tugura a rɔ Yerusalɛm kilɛnu na iko gboron-gboronna-yi.

Ɛsira 9:9

Hali ma ye yɔɔnyɛ rɔ, i ma nyina ma ko. I ya a ma, ma diyara Pasiya mansɛnu ye kɔikɔi! Anu ya ma to ma niyi la ka ma masara alako ma si ke i Bato-Bɔn sɔla nya min, ado Bɔn wo ara tii nun mɛmɛ! I ya a ma, ma sigira Yuda anubɛ Yerusalɛm ma fanbolo fanan.

Yaburi 94:14

Ile Mari ti ila mɔgɛnu boloka. I ti i kan-kɔ sɔ anu na.

Aiseya 44:21

Mari ko male Isirɛla mɔgɛnu, ma yili ni to kɛ ko. A ko ala wɔli-kɛlɛ le male la. A ya ma dan de ka ma ma ata wɔli-kɛlɛnu na, ado a ti nyina ma ko muk!

Aiseya 51:15

Mari ko ale le wota Mari Alla la. Ale le ya kɔgɔ-yi ramaga a worɔn la ka a ma, a la ni sɔnkɔ. A tɔgɛ le Mari Sɛnbɛ-Bɛɛ-Tigi.

Aiseya 62:12

Wole, ata mɔgɛnu si kele ko, “Allata Mɔgɔ-Sɛnimɛnu.” Mɔgɛnu si wo kele fanan ko, “Marita Mɔgɔ-Kunkanɛnu.” Anu si ile Yerusalɛm kele ko, “Alla Diyana-Soe.” Anu si i kele fanan ko, “Alla Ma A Ban Soe Min Na.”

Yɛrɛmaya 14:19

Mari, i wara i ban bɛrɛbɛrɛkɛ male, Yuda mɔgɛnu na, wa? Yerusalɛm gbo i ye, wa? Nfen bara a to, i wara ma tanban boloko-yogomɛ-kɛ ha ma sa kɛndɛyala tun? Ma yili ye yisi-kimɛ le ma nun kɔnɔ ma ma a sɔrɔn. Ma yili-madiyanɛ ma kɛndɛya-koe la Yaga, kumakɔɛ le ma kuma.

Yɛrɛmaya 14:9

I mani de iko anu bi mɔgɛ min natɛrɛnala kɛlɛ la. I mani de iko kɛlɛ-nyana min ti ke mɔgɛ kunyɛ bɔla ko rɔ. Kɔnɔ Mari, hali wo, i ye ma tɛma. Ma ye ila hɔrɔmɛ rɔ. Woletɔ i kana ma boloka bawo ma dɛnbɛna sa.

Yɛrɛmaya 16:18

A ko wole, Yuda mɔgɛnu ya karagbɛlɛyɛ min bɛɛ ma, a si wo yili sara wo la ka wo tɔrɔ hakɛ wo la iko fila fila. A ko a si wo ma bawo wo ara nyamanɛ latinya wola kisimiriya-bɛsɛnu na, ado wo ara ale Marita nyamanɛ kɛ lafa bɛsɛnu na pen!

Yɛrɛmaya 19:4

A ko a ye wo mala le bawo wole, Yuda mɔgɛnu bara wo kan-kɔ sɔ a la. A ko wo ara kan-tinɛ kɛ ma bɛsi-kɔ-tinɛ la ka saraka-mintantɛnu mintan wola bɛsɛnu ye nyɔ, ado wo benbanu wo, wola Yuda mansɛnu wo, wole wo, fɔlɔ nun wo do-wo-do ma bɛsɛ wonu kɔ. A ko a ya a ma, kan-tinɛ kɛ la ara fa mɔgɔ-yele la minnu ma ko tinya.

Yɛrɛmaya 23:15

Woletɔ Mari Sɛnbɛ-Bɛɛ-Tigi ye kɛ fɔla ka a tɛgɛ Yerusalɛm nɛbinuna ko la. A si dɔn-fen-kunanɛnu di anu ma. Wo kɔma, a si dawara-yi di anu ma. A ko a ye wo mala le bawo anu bara nyamanɛ mumɛ bɛɛ latinya anuna wunduyogoyɛ la.

Yɛrɛmaya 31:37

Ni hadama-dan si ke san-kole sumanna, ni a si ke dugu-kurukɛ-tinɛ bɛɛ lɔnna, nba, mani ale Mari si a ban wole, ala mɔgɛnu na ka a tɛgɛ wo hakɛ ma. Mari kan le kɛ la.

Yɛrɛmaya 46:28

A ko wole, Yakoba kegeyɛnu, wo kana kilan. A ko a si na wo wara ka wo lakisi. A ya wo ranyɛnsɛn kan-tinɛ min bɛɛ rɔ, a ko a si sibole wo bɛɛ kasara kɔnɔ a ti wole lato. A ko hali wo, a ti wo tɔrɔbɛlɛ to kɔnɔ a ye tɔrɔya-bɛnmatɛ dila wo ma. Mari kan le kɛ la.

Yɛrɛmaya 50:20

Wo wulɔn-tele wa ke, mɔgɔ ti hakɛ-wo-hakɛ taran Isirɛla nyamanɛ rɔ. Karagbɛlɛyɛ fanan ti taran Yuda nyamanɛ rɔ. Wo ye mala le bawo Mari ko a ara minnu niyi lakanan, a ara wonu makoto. Mari kan le kɛ la.

Yɛrɛmaya 51:19

Kɔnɔ Yakobata Alla sa iko bɛsɛ kɛnu. Alla le ya fan bɛɛ ladan. A ya Isirɛla mɔgɛnu ma a halalɛ la. A tɔgɛ le Mari Sɛnbɛ-Bɛɛ-Tigi.

Isikiyɛli 8:17

Mari ya n manyinika ko, “Ile hadama-dan, i wara wo yen? Anu bi ko kɔsɔnɛ min bɛɛsi mala yan tɔ wo, anu bi karagbɛlɛyɛ ranyɛnsɛnna nyamanɛ rɔ nya min wo, wo dɔrɔn sa Yuda bɔnsɔn-mɔgɛ kɛnu wasala. Anu bi sɛgila nala ko-yogomɛnu kɛla Bato-Bɔn la yan tɔ tun. Kɛ le dama ara n kɔrɔtɔ dɔgɔma-ma-de! N nanyini-koe gbansan, anu bi bɔla wonu denu na yan tɔ.

Isikiyɛli 9:9

Alla ara a fɔ ko, “Isirɛla bɔnsɔn-mɔgɛnu anubɛ Yuda bɔnsɔn-mɔgɛnu yilikinɛ anu hakɛ-yogomɛnu bolo. Anu bara niyi-siyaman bɔ anuna nyamanɛ bɛɛ rɔ ka Yerusalɛm soe mumɛ lafa tɔn-tinyɛ la. Anu kɛnɛna a fɔla wo rɔ ko nde, Mari ara n ban anuna nyamanɛ la, ado anu bi a fɔla fanan ko n ya sa anu na.

Hoseya 1:10

Hali wo, Isirɛla mɔgɛnu si na siyaya iko ba-kɛnkɛn. Mɔgɔ ti ke anu danna siyayɛ bolo. Kaka, Alla ye a fɔla anu ma ko ata mɔgɔ ma Isirɛla mɔgɛnu na kɔnɔ yarɔma, a si na a fɔ anu ma ko ale Alla-nimɛta dan le anu na.

Hoseya 2:1

Wo tumɛ wa ke, wo si wo ta-nyɔgɛ Isirɛla mɔgɛnu kele ko, “Allatɛ” anubɛ “Mari ara hina minnu na.”

Hoseya 2:3

Ni a ma sɔn, n si a makolonya iko a na ya a sɔrɔn nya min. A si ma iko dugu-magbalanɛ anubɛ gbangban. Kan-nagbalɛ si a faga.

Hoseya 4:1

Mari ko a ye Isirɛla mɔgɛnu sɔn fɛrɛnna anu na. Wole Isirɛla mɔgɛnu, wo ni wo tole masɔ a la. A ko telenbagayɛ anubɛ keninteya fenfen sa wola nyamanɛ rɔ tun. Min sanɛ wo kuma, a ko mɔgɔ-wo-mɔgɔ ma ale lɔn Alla la tun.

Hoseya 4:2

A ko wo ye mɔgɛnu dankala. Wo sa wola lanyirinu natɔnbagayala. Wo ye mɔgɔ-fagɛ kɛla, wo ye kankanyɛ kɛla, wo ye yɛlɛnyɛ kɛla. Wo ara wunduyogoyɛ dan-natenbi. Yanni do ni kimɛ, wo ara do faga.

Maika 7:18

Alla gbɛrɛ sa nyɔ min manɛ iko ile Mari. Mɔgɛ minnu bi anu niyi la kaka, ile si wonu makoto anu hakɛ la. I fonde magboyani ma ita mɔgɛnu kuma tuma-wo-tuma. I nyagalennɛ ka ila keninteyɛ yira anu na tuma-wo-tuma.

Maika 7:20

I si ita lanayɛ anubɛ ila keninteyɛ yira Iburayima anubɛ Yakoba kegeyɛnu na, ita mɔgɛnu, kɔni, iko i ya lanyiri kiri anu ye nya min nun!

Sakaraya 12:6

Wo wati wa ke, a ko a si Yuda bɔnsɔn-kun-tiginu ma iko tɛ wa na a labɔ sɔgɔ-ladɛnnɛ ma. Ni wo ma, a ko anu si ma iko kala-mɛlan wa a kun nabɔ bin-gbalɛ ma. Sibole minnu bi ala foolɛ rɔ, a ko Yuda kɛnu si wonu halaki kɔnɔ anu Yerusalɛm kɛnu si to anu gbɛ rɔ yiri!

Sakaraya 12:8

Wo wati wa ke, ale Mari si Yerusalɛm kɛnu nakanan. Hali minta ma gbɛlɛ, wo kole si gbɛlɛya iko Mansa Dawuda. A kegeyɛnu si sɔ kɛlɛ-dannu yarɔ iko ale Marita melika ye a mala nya min, Alla, kɔni.

Sakaraya 2:12

Mari si Yuda ma a halalɛ la tun ata dugu-sɛnimɛ rɔ. Yerusalɛm soe si diya a ye ka tenbi soe bɛɛ la.

1 Samuwɛli 12:22

Mari ara lanyiri kiri wo ye a sɛbɛ la. A ko a ara ban a latɛgɛla ko ata mɔgɛ le wole la, ado a ti wo boloka.