Yɛrɛmaya 51:49 - ALLALA KUMƐ

⁴⁹ Babilɔn kɛnu ya a ma, mɔgɛnu bi fagala duninya mumɛ bɛɛ rɔ, ado Babilɔn nyamanɛ ye nala buila bawo anu bara a ma, Isirɛla mɔgɛnu bara faga. Mari kan le kɛ la.

Yɛrɛmaya 51:49 Iomraidhean Croise

Yɛrɛmaya 50:11

Mari ko Babilɔn kɛnu bara bui ala nyamanɛ ma ka a raku. A ko anu sewanɛ iko ninki tenbi kala-nɔrɔn rɔ. Anu nyagalennɛ iko soee wa ke gbere-kole ma.

Yɛrɛmaya 50:29

A ko kalabɛn-nakɛlɛnu ni Babilɔn kɛlɛ. Minnu kusan kalabɛnnu nakɛla, anu dama ni ta. Anu ni anu mini anuna so-karantan ma alako mɔgɔ-den-kelen-kunyɛ kana bɔ a rɔ. Anu ni anuna karagbɛlɛyɛ yili sara anu na. Anu ni Babilɔn bira boloko-yogomɛ-kɛ iko anu bara doinu bira nya min, ado Babilɔn taranta anu nyɛrɛ kɔrɔbila ale Isirɛlata Alla-Sɛnimɛ kan ma.

Yɛrɛmaya 51:24

Mari ko ata mɔgɛnu si a yen, a ye a tayili sarala Babilɔn kɛnu na ka a tɛgɛ anu ya min sigi ata mɔgɛnu ma Yerusalɛm soe burɔ.

Yɛrɛmaya 51:35

Yerusalɛm kɛnu bi a fɔla ko, “Alamɛ Babilɔn birara a la ka a tɛgɛ anu ya karagbɛlɛyɛ min sigi ma ma. Anu bara ma tɔrɔ min kɛ, alamɛ wo yili sarata anu na.”

Matiyu 7:2

bawo wo ye mɔgɛnu yilikila nya min, Alla ye wole fanan yilikila wo nya na le. Wo wa a ma mɔgɛnu ye nya min, Alla si a ma wole fanan ye wo nya na le.

Yemesi 2:13

Alla tenbi kinikinibɛlɛnu kitila tumɛ min, a ti kinikini wonu ma. Kɔnɔ kinikini tigi wa sɔ kiti tɛgɛ tinɛ, Alla si kinikini wo tigi ma.

Lankɛnimayɛ 18:24

Babilɔn tɔrɔta bawo nɛbinu yele anubɛ Allata mɔgɛnu yele taranta soe wo burɔ. Ɔnde, min bɛɛ fagara dugu-kole kuma, wonu yele taranta soe wo burɔ.

Kɛlɛ-Kurugbɛnu 1:7

Ale mansɛ ya a fɔ anu ye ko, “Nde fanan bara mansa bi-wɔrɔnfila bolo-gbungburu-wɛnu anubɛ anu kin-gbungburu-wɛnu tɛgɛ anu na nun. Mansɛ wonu tora dɔn-fen-pɛrɛnu denu matɔnbɔnna nna tebulu kɔrɔ. Kɔnɔ n ya min ma wonu na, Alla ara wonu denu tayili sara n na kɛ la.” Anu tara ale mansɛ la Yerusalɛm, a fagara kan min.