Yɛrɛmaya 51:48 - ALLALA KUMƐ

⁴⁸ Kantɔ-mɔgɛnu ba na Babilɔn nyamanɛ tii dugi la tumɛ min, fan min bɛɛsi ye san anubɛ dugi ma, wo bɛɛ si yerelen tɛgɛ sewɛ bolo.

Yɛrɛmaya 51:48 Iomraidhean Croise

Hɛnkilimaya-Kumɛnu 11:10

Ni mɔgɔ-telennɛ fɛ-koe ye tala yarɔ soe burɔ, so-burɔ-mɔgɛ bɛɛ si sewa. Kɔnɔ ni mɔgɔ-yoge fagara soe burɔ, mɔgɛnu si sewa ka tolɔn kɛ a rɔ.

Aiseya 44:23

Wole san-kolenu, wo ni wo dɛ sa-a-rɔ sewɛ bolo! Denka-rayan-bɛnu ni anu dɛ sa-a-rɔ! Wole kɔnkɛnu, wole gbɔngbɔn-makilannɛ, wo ni wo dɛ sa-a-rɔ sewɛ bolo! Mari ya male ata Isirɛla mɔgɛnu kisi tumɛ min, a ya ata kabana-koe mayira.

Aiseya 48:20

A ko wole, ata mɔgɛnu, wo ni wo tiriya bɔla Babilɔn. Wo ni a lasɔnkɔ sewɛ bolo kan tinɛ bɛɛ rɔ. Wo ni a fɔ mɔgɛ bɛɛ ye duninya rɔ ko Mari ara wole, ata wɔli-kɛla Isirɛla mɔgɛnu kisi.

Aiseya 49:13

San-kole ni a dɛ sa-a-rɔ sigi sa tinɛ. Dugu-kole ni a lawɔyɔ sewɛ bolo. Kɔnkɛnu ni sigi-sɛ dabira anu sɛbɛ-kuna-wɛ la. Mari si ala mɔgɛnu nafɛrɛ ka kinikini ata mɔgɔ-tɔrɔnɛnu ma.

Yɛrɛmaya 50:3

“Sibole min bi kantɔ-wara la, wo si na kɛ Babilɔn kɛnu ma. A si Babilɔn nyamanɛ ma wula-da-rakolɔn la. Hadama-den wo, sogo wo, bɛɛ si a buri, ado hali mɔgɔ-den-kolo-kelan ti sigi nyɔ tun.”

Yɛrɛmaya 50:41

Mansa-siyaman tabɛnnɛ kɛlɛ-koe la, ado anuna kɛlɛ-dannu bi bɔla kantɔ-findan ma, sibolo-makilannɛ min fɛ-yan anu na, kɔni.

Yɛrɛmaya 50:9

N si sibolo kurun nabɔ kantɔ-wara la ka na kɛ Babilɔn kɛnu ma. Wonu si nyamanɛ kɛlɛ ka a nɔ. Donso-nyana le wonu na, min bole di kalabɛn la dɔgɔma-ma-de!

Yɛrɛmaya 51:56

Anu bi nala Babilɔn kasara kan le ma. Anu bi Babilɔn kɛlɛ-dannu birala ka anuna kalabɛnnu takerikeri. Mari ko Alla le ale la min si ko-yogoma-kɛlɛnu tɔrɔ, ado a bɛnta, a ni min ke Babilɔn ma, a si wo sigi nyɔ ma.

Isikiyɛli 35:14

“Nde, i Tigi Mari ko n si a ma, Idɔm nyamanɛ ni bui, ado duninya mumɛ si sewa anuna buiyi wola ko la

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!