Yɛrɛmaya 51:30 - ALLALA KUMƐ

³⁰ Babilɔn kɛlɛ-dannu munna si tɛgɛ. Anu si belenna sigila anuna so-latankanɛnu tɔ. Anu si ma iko musi. Tarɛ don-dɛnu si keri. Tɛ si na tugu bɔnnu na.

Yɛrɛmaya 51:30 Iomraidhean Croise

Yaburi 107:16

A ya sila-kankannu keri ka a balan-nɛgɛnu takerikeri.

Yaburi 147:13

A si ila tarɛ-don-dɛnu tagbɛlɛya gbon! A ye duwala ila mɔgɛnu ye.

Yaburi 76:5

Wo ya a ma, anuna kɛlɛ-kurugbɛnu bara foo anu bolo-fan bɛɛ la. Wonu sanɛ anuna kinɔgɔ-laban rɔ, ado anuna sɛnbɛ anubɛ anuna kusanyɛ bɛɛ ara ma fuyi la.

Aiseya 19:16

Wati ye nala, Iyipiti kɛnu si anu famayigi iko musinu. Anu ba a yen ko Mari Sɛnbɛ-Bɛɛ-Tigi ara a kɔɛn kɔrɔbi anu kan ma, anu si yɛrɛyɛrɛn kilan bolo.

Aiseya 47:14

I makawandilɛ kɛnu si ma iko tɛ wa sigi yefe-gbalɛ la. Hali ka anu nyɛrɛ lakanan, anu ti ke. Tɛ wo wuyan si anu tabɔ, ado anu gbala ta ma kɛ la.

Yɛrɛmaya 48:41

Anu si Mohabu soe bɛɛ bira-a-la anubɛ a so-latankanɛnu. Tele wo ma, Mohabu kɛlɛ-dannu si kilan iko musi buyi wa a lamaga.”

Yɛrɛmaya 50:15

Wo ni kɛlɛ-sɔnkɛ layɛlɛ Babilɔnna foolɛ bɛɛ rɔ, ado nyɔ-mɔgɛnu bara dɛgɛ min. Anuna soe tarɛ si keri ka bui fugbu! Nde, Mari si n tayili sara Babilɔn kɛnu na. Woletɔ wo ni anu bira boloko-yogomɛ-kɛ iko anu fanan taranta mɔgɛnu birala nya min.

Yɛrɛmaya 51:32

Anu yogenu si na bɛ-tɛgɛ-tinɛ bira-a-la ka kan-tina-layan-bɛnu mintan. Babilɔn kɛlɛ-dannu buyi ra si basan.

Yɛrɛmaya 51:57

A kun-tigi wo, a hɛnkilima wo, a mɔgɔ-ba wo, a kɛlɛ den wo, a si wo bɛɛ lamin. Anu ba kinɔgɔ, anu ti kunden tun! Mansɛ min tɔgɛ Mari Sɛnbɛ-Bɛɛ-Tigi, wo kan le kɛ la.

Nimisa Koe 2:9

Tarɛ wo don-da-wɛnu tora sani yefe-gbalɛ rɔ. A dɛ-balan-kɔnnu ta ara kerikeri. Nna mansɛ anubɛ nna mɔgɔ-banu bi biralɛ rɔ nyamani-gbɛrɛkɛnu tɔ. Nta saraka-masɔlɛnu sa mɔgɛnu karanna tɔn ma tun. Mari sa wɔlɔyiya-kumɛnu yirala nta nɛbinu ma tun.

Emɔsi 1:5

A ko a si Damasika tara-dɛ keri. A ko a ye nala mɔgɛ wonu gbenna minnu bi Efɛn lɛɛ rɔ anubɛ wola kun-tigi min bi Bɛti-Idɛn soe kun na. Mɔgɛ donu si na bui Siriyanu ma ka ta anu na Kira nyamanɛ rɔ.” Filisitinu

Nehami 3:13

Wola kɛlɛ-dannu ma kɛlɛ-kɛ-kɛwuya fenfen lɔn tun. Anu mun na ara tɛgɛ iko musi. Wola nyamanɛ mumɛ ti ke anu nyɛrɛ kumafunfanna tun. Tɛ si wola tarɛ-da-rasɔgɔ-fan mintan.

Lankɛnimayɛ 18:10

Anu si anu sɔ wulɛ la pon alako anu kana do sɔrɔn ala nyagbɛ wo rɔ. Anu si a fɔ ko, “E, gbalo! Gbalo! Ile Babilɔn-so-belebele, so-sɛnbɛlamɛ, ila tɔrɔyɛ ara na kɛ i ma hawa kelen pe kɔrɔ!”