Yɛrɛmaya 51:27 - ALLALA KUMƐ

²⁷ A ya a fɔ Babilɔn yogenu ye ko, “Wo ni falafalɛ layɛlɛ tamasereyɛ la ka kɛlɛ-buri fɛ alako sibole bɛɛ ni a lamɔɛn. Ararati nyamanita-mɔgɛnu wo, Mini nyamanita-mɔgɛnu wo, Asikɛnasi nyamanita-mɔgɛnu wo, wo dama ni wo rabɛn kɛlɛ-kan ma. Wo ni kɛlɛ-kurugba kelen bɔ min si sɔ kɛlɛ yarɔ. Wo ni soeenu natugu Babilɔn kɛnu ma iko kondɔnnu. Sibole bɛɛ ni a mabɛn Babilɔn kɛlɛ-kan ma.

Yɛrɛmaya 51:27 Iomraidhean Croise

Ko-Dabirɛnu 10:3

Yefɛtila den Kɔmari wo ya den-kei mɔgɔ sawa sɔrɔn, Asikɛnasi wo, Rifati wo, anubɛ Togarama.

Ko-Dabirɛnu 8:4

Nowa sɔrɔn-san kɛmɛ wɔrɔ nyɔgɛ, wo karɛ wɔrɔnfilɛ, tele tan-ni-wɔrɔnfila nyɔgɛ ma, kulɔn wo sigira Ararati kɔnkɔ-layan-bɛ do kuma.

2 Mansɛnu 19:37

Lunyɛ do, Mansa Sɛnakaribu ye ala bɛsi Nisirɔki kɔ tinɛ tumɛ min, ala den fila Adamɛlɛki anubɛ Sarisa tara anu fa wo faga nyɔ. Wonu ya anu buri tala Ararati nyamanɛ rɔ. Ala dan do min tɔgɛ Isahadɔn, wo sigira a gbɛ rɔ.

1 Ko-Kɔrɔta-Karan 1:6

Yefɛtila den Kɔmari, wo ya den-kei mɔgɔ sawa sɔrɔn, Asikɛnasi wo, Rifati wo, anubɛ Togarama.

Aiseya 18:3

Duninya mɔgɛ bɛɛ, wo ni wo yɛ lata. Falafalɛ min bi tamasereyɛ la, wo ni wo yɛ lakalan wo ma kɔnkɛnu kuma. Wo ni wo tole masɔ buru-fɛ-kan la.

Aiseya 37:38

Lunyɛ do, ale Sɛnakaribu ye ala Bɛsi Nisirɔki kɔ tinɛ tumɛ min, ala den fila Adamɛlɛki anubɛ Sarisa tara anu fa wo faga nyɔ. Wonu ya anu buri tala Ararati nyamanɛ rɔ. Ala dan do min tɔgɛ Isahadɔn, wo sigira a gbɛ rɔ.

Yɛrɛmaya 25:14

Mari ko a si sibolo-gbɛrɛ donu tayili sara Babilɔn kɛnu na ka a tɛgɛ anu sɔn-yogomɛ ma. Sibolo siyamɛ anubɛ anuna mansɛnu si anu ma anuna yɔɔn la.

Yɛrɛmaya 46:23

ka gbɔngbɔn makeri-keri nya min. Anuna kɛlɛ-dannu dan sa. Anu siyayanɛ iko kondɔn.

Yɛrɛmaya 50:2

“Wo ni kɛ fɔ sibolenu ye ka a mayon ko anu ka a ma gbundu la de! Wo ni falafalɛ layɛlɛ tamasereyɛ la ko Babilɔn si na bui, yɔ! Anuna bɛsɛ min tɔgɛ Maraduku, wo si na nyɛnsɛn kesemeren! Babilɔn kɛnuna bɛsɛnu bara miliya kɔgɔrɔyɔlɔ! Anuna kisimiriya-bɛsɛ wonu si na serendi ha ka anu nunku iko gbangban.

Yɛrɛmaya 50:3

“Sibole min bi kantɔ-wara la, wo si na kɛ Babilɔn kɛnu ma. A si Babilɔn nyamanɛ ma wula-da-rakolɔn la. Hadama-den wo, sogo wo, bɛɛ si a buri, ado hali mɔgɔ-den-kolo-kelan ti sigi nyɔ tun.”

Yɛrɛmaya 50:9

N si sibolo kurun nabɔ kantɔ-wara la ka na kɛ Babilɔn kɛnu ma. Wonu si nyamanɛ kɛlɛ ka a nɔ. Donso-nyana le wonu na, min bole di kalabɛn la dɔgɔma-ma-de!

Yɛrɛmaya 51:12

Wo ni kɛlɛ-tamasere-falafalɛ layɛlɛ san ma alako ma ni soe tarɛ keri. Wo ni kila-kandannɛnu kuma sa. Wo ni anu napɛrɛnnɛnu nata.” Mari ko a ye min sigila Babilɔn kɛnu ma, a si na wo sigi anu ma, yɔ!

Yɛrɛmaya 51:14

Mari Sɛnbɛ-Bɛɛ-Tigi ara a keli ko a si sibolo-siyaman natugu Babilɔn kɛnu kan ma iko kondɔnnu. Anu si anu dɛ bolobɔ ko anu bara Babilɔn nɔ.

Yɛrɛmaya 51:28

Wo ni Midiya mansɛnu anubɛ anuna kun-tiginu kelelɛnu nata, anubɛ anuna mɔgɔ-banu, anubɛ anuna kɛlɛ-den-siyamɛnu.”

Yɛrɛmaya 6:1

Wole Bɛnyamɛ bɔnsɔn, wo ni wo buri wo niyila ko la. Wo ni wo buri bɔla Yerusalɛm soe burɔ. Wo ni kɛlɛ-buri fɛ Tekoya soe burɔ. Wo ni tamasere layɛlɛ ka bɔ Bɛti-Hakɛram soe burɔ. Wo ni a fɔ ko kasarɛ ye yigila a ma ka bɔ kantɔ-wara la. Kasara-belebele ye nala wo kuma.

Yowɛli 3:9

Wo ni kɛ fɔ bɛɛ ye duninya rɔ ko, “Bɛɛ ni a rabɛn kɛlɛla ko la. Wo ni wola kɛlɛ-kurugbɛnu kele. Wola kɛlɛ-dan bɛɛ ni anu gbɛrɛn anu nyɔgɔn ma ka kɛlɛ labui anu yogenu ma.

Emɔsi 3:6

Kɛlɛ-buri si fɛ soe burɔ, a ni to, mɔgɔ ma kilan? Soe do si halaki a nyɛrɛ ma, ni Mari ma sɔn min ma?

Sakaraya 14:2

Mari ko a si sibole bɛɛ kundɛn kan-tina-kelen ka Yerusalɛm kɛlɛ. Anu si wola soe bi wo bolo ka wola bɔnnu nakolonya ka digin wola musinu ma. Kɛlɛ si ta nyama tɔnkɔn la. A toenu si to wola so-tinyanɛ burɔ nyɔ.

Kɛlɛ-Kurugbɛnu 6:5

Anu bi nala anuna kolo-fen siyamɛnu na anubɛ anuna fani-bɔnnu iko kondɔnnu ka Isirɛla nyamanɛ rakolonya.