Yɛrɛmaya 51:20 - ALLALA KUMƐ

²⁰ Mari ko, “Ile Babilɔn, nta kundu-wɛ le ile la. Nta kɛlɛ-kɛ-fan le ile la. N si ile bi alako ka sibolenu anubɛ nyamanɛnu kasara.

Yɛrɛmaya 51:20 Iomraidhean Croise

Aiseya 10:15

Kɔnɔ ale Mari ko tɛgɛran si a fɔ ko a sɛnbɛ kolo a lawɔlilɛtɛ ko? Sɛrɛ sɛnbɛ kolo a lawɔlilɛtɛ ko? A ko gbelekɛ ti mɔgɛ kɔrɔbi. Mɔgɛ le si gbelekɛ kɔrɔbi.

Aiseya 10:5

Mari ko wole Asiriya kɛnu! A ko a fonde bɔnɛ mɔgɛ minnu kan ma, a si wole bi ka wo ma gbelekɛ la anu kɛlɛ tinɛ.

Aiseya 13:5

Anu bi bɔla nyamani-yan le tɔ pon! Mari si na nyamanɛ wo fi-koro-tiyi-kɛ ka a daga-koro-tiyi-kɛ ata fondo-bɔɛ la.

Aiseya 37:26

“A ko ale Sɛnakaribu ma a lamɔɛn ko Marita miriya le kɛ la? Ado nfan, a ye wo dafa tinɛ le. Mari le ya sɛnbɛ di ale Asiriya mansɛ ma ka so-kunbɛnu yɛlɛma tonbɔnnu na.

Aiseya 45:1

Mari le wara Sairasi yabɔ ko a ni ma mansɛ la. A ya a yabɔ alako a ni sibolenu nɔ kɛlɛ rɔ. A ya ale Sairasi sɔ ko a ni sibole wonuna mansaya-sɛnbɛ dɛ makeri. Mari nyɛrɛ le ye soe wonu tarɛ-dɛnu nakala alako ale Sairasi ni don anu kuma. Mari ya a fɔ Sairasi ye ko

Aiseya 8:9

A ko wole sibolo-gbɛrɛnu, wo ni wo ladɛn kilan bolo. Wole minnu bi duninya-dan la pon, a ko wo ni wo tole masɔ. Hali wo rabɛnnɛ kɛlɛ-koe la kɔnɔ wo kun ma si kɔ kilan bolo.

Yɛrɛmaya 25:11

Nyamanɛ mumɛ bɛɛ kasaranɛ si to. San bi-wɔrɔnfila dɛgɛdɛgɛ, wobɛ wo dan-masa-nyɔgɛnu bi Babilɔn mansɛ kɔrɔ.

Yɛrɛmaya 25:9

a si kantɔ-mɔgɛ bɛɛ kele wo kan ma katarala Babilɔn Mansa Nɛbukanasa ma, ata wɔli-kɛlɛ, kɔni. A ko mansɛ wo si na wole Yuda nyamanita-mɔgɛ bɛɛ kɛlɛ anubɛ wo dan-masa-nyɔgɛnu. Anu ba ban wo kɛlɛla, anu si wola nyamanɛ kasaranɛ to. Mɔgɛ min ba nyɔ yen, wo kuma si tɛgɛ.

Yɛrɛmaya 50:23

Babilɔn mara kundu-wɛ la nun ka duninya bɛɛ ratiitii. Kɔnɔ kaka, kundu-wɛ wo ra si nyɛnsɛn gbesenkirin! Sibole bɛɛ kun ma si kɔ ka a tɛgɛ min bi nala mala nyamanɛ wo rɔ.

Isikiyɛli 21:11

Faan wo masusani de a lawɔli-koe la. A dɛ lasanɛ, a ye malan-malanna, alako ka a don mɔgɔ-fagalɛ bolo.’

Isikiyɛli 21:31

N ba nna diminyɛ labɔ wo ma iko ta-mɛlan, wo si a lɔn. N si wo kunyɛ don yisi-gbɛlɛtenu bolo minnu si wo faga boloko-yogomɛ-kɛ.

Maika 4:12

Kɔnɔ mɔgɛ kɛnu ma a lɔn Mari ara min tabɛn anu kan ma. Anu ma a lɔn ko Mari ara anu nadɛn anu gbesi koe la iko sɛni-salɛ wa fui-fan ladɛn gbere ma a gbesi-koe la.

Maika 4:13

Wole Yerusalɛm kɛnu, wo ni wo lasɔ wo yogenu kɛlɛ-koe la. Mari si wo kolo gbɛlɛya iko turɛ min kere gbɛlɛ iko nɛgɛ. A kin-turi gbɛlɛyanɛ iko silɛɛ. Wole Isirɛla mɔgɛnu si wo yogenu bunden gburr! Wo ye fan minnu bila anu bolo kɛlɛ rɔ, wo si wonu natenbi duninya-tigi-Mari ma.

Nehami 2:1

E, Ninɛfa kɛnu, Ninɛfa tiilɛ ara na. Wo ni wo sɔ-tinɛnu bi tarɛ kuma. Wo yɛ bɛnnɛ ni to kilɛ ma wo yogenuna ko la. Wo ni wo rabɛn kɛlɛ yarɔ. Wo ni wola kɛlɛ-dannu kundɛn kan-tina-kelen.

Sakaraya 10:4

A kun-tigi wo, a mɔgɔ-ba wo, a kɛlɛ-kurugba wo, a ko wonu dama si bɔ Yuda bɔnsɔn rɔ ka to ala mɔgɛnu kuma.

Matiyu 22:7

Mansɛ diminyara bɛrɛkɛ! A ya ala kɛlɛ-dannu nata mɔgɔ-fagalɛ wonu faga tinɛ ka anuna soe mintan.