Yɛrɛmaya 51:15 - ALLALA KUMƐ

¹⁵ Mari ya duninya ladan ata fanka le la. A ya duninya ladan ata hɛnkilimayɛ le la. A ya san-kole rafulen ata ko-nya-yen le la.

Yɛrɛmaya 51:15 Iomraidhean Croise

Yobu 9:8

Mɔgɔ-wo-mɔgɔ ma Alla dɛnbɛ san-kole rafulen tinɛ. A kelen pe le si ke tagamana kɔgɔ-yi kuma.

Yaburi 104:2

I wara waan ma i nyɛrɛta duruku-ba la. I wara san-kole rafulen iko fani-bɔn.

Yaburi 104:24

Mari, i wara fen-siyaman dan. Ita hɛnkilimayɛ le ya wo bɛɛ dan. Duninya lafanɛ ila nima-fannu na.

Yaburi 107:25

Alla wa kuma, mankana-fɔn-belebele ni wuli. A si a ma, kɔgɔ-yi ni to magala-a-rɔ tangbon-tangbon!

Yaburi 136:5

A ya san-kole ladan ata hɛnkilimayɛ le la. Ala keninteyɛ dan sa.

Hɛnkilimaya-Kumɛnu 3:19

Mari ya dugu-kole kɛ dan hɛnkilimayɛ le tɔ. A ya san-kole sa a sa-tinɛ ata lɔnnɛ rɔ.

Aiseya 40:22

Duninya-dannɛ le siginɛ ala mansaya-waganɛ rɔ. A ye san-kole kɔma duninya kuma pon! Mɔgɛ mani de a yala iko mɛnɛ-mɛnɛnɛnu. A ya san-kole rafulen de iko yorolan, ni wo ma, fani-bɔn.

Aiseya 40:26

I yɛ layɛlɛ san-kole ma. I yɛ ye lole minnu na wo la, yon ya wonu dan? Min bi anu tatalala iko kɛlɛ-dannu, wo le ya anu yirika lɔn, ado a bɛɛ kelen-kelennamɛ tɔgɛ ye a bolo. A fanka makawara, hali lolo kolo-kelen-bɛrɛn ti tantan sɔgɔ.

Aiseya 42:5

Alla ya san-kole dan ka a rafulen san ma. A ya dugu-kole dan anubɛ a rakɛ-fannu. A ya niyi di mɔgɛ bɛɛ ma. Mari Alla ye a fɔla ala wɔli-kɛlɛ ye ko

Aiseya 44:24

Mari ko ma kisilɛ le ale la. A ko ale le ya ma dan kebi ma ye ma na burɔ, ado a ko ale le ya fan bɛɛ dan. A kelen pe le ya san-kole rafulen. A ye dugu-kole danna tumɛ min, mɔgɔ ma a madɛnbɛ.

Aiseya 45:12

A ko ale le ya duninya dan anubɛ mɔgɛ minnu bi a rɔ. A ya san-kole rafulen ata fanka le la. Tele anubɛ karɛ anubɛ lolenu bi ata sɛnbɛ le kɔrɔ, ata kɛlɛ-dannu, kɔni.

Aiseya 48:13

A ya duninya kurukɛ a kɔɛn le la ka san-kole rafulen. A ko a wa dugu-kole anubɛ san-kole rakele, wonu si na sɔ a yakɔrɔ tiriya!

Aiseya 51:13

Wo ma nyina ale Mari ko min ya wo dan? Ale le ya san-kole rafulen ka dugu-kole kurukɛ. Nfenna wo kumakɔnɛ tonɛ kilan bolo? Anu bi wo niyi ragbɛrɛnna. Anu tabɛnnɛ wo kasara-koe ma. Kɔnɔ anuna kɔnkɔn ti ko-wo-ko ma wo la.

Yɛrɛmaya 27:5

a mɔgɔ wo, a sogo wo, a dugu-kolo wo, Mari ko ale le ya wonu nadan a sɛnbɛ-makawanɛ la. A ko mɔgɛ min ba diya ale ye, a ye fan kɛ bɛɛ latenbila wo le ma.

Yɛrɛmaya 32:17

“E, ma Tigi Mari, i ya san-kole anubɛ dugu-kole ladan ita fanka le la. I ti kuri fenfen na.

Sakaraya 12:1

Mari min ya san-kole rafulen ka dugu-kole ladan ka hadama-dan-niyi bila a rɔ, Mari kelan wo le ya kumɛ kɛ fɔ Isirɛla ko la.

Kɛwɔlɛnu 14:15

“N fanu, wo ye kɛ mala nfenna? Wo hadama-den-nyɔgɛnu de male la! Ma ye yan ka kibara-nyimɛ lake wo ma. Wo ni bɔ ko-fuyi kɛnu tɔ ka wo yɛ lamunun Alla nimɛ ma min ya san-kole anubɛ dugu-kole anubɛ kɔgɔ-yi dan anubɛ fan min bɛɛ ye wonu tɔ.

Kɛwɔlɛnu 17:24

Alla min ya duninya dan anubɛ fan min bɛɛ ye a rɔ, wo le ye san-kole anubɛ dugu-kole kun-tigi la. A sigini ma mɔgɛnuna bato-bon-sɔnɛnu na,

Romu 1:20

Allata habadan-sɛnbɛ anubɛ ata Allayɛ, wonu ti yen. Kɔnɔ kebi Alla ya duninya dan tumɛ min, a ara ban wonu bɔla gbɛ ma wo ye feu! Mɔgɛ si wonu yen ata dali-fannu denu fɛ. Woletɔ mɔgɔ-wo-mɔgɔ ti ke a fɔla ko, “Ka a fɔ ko n bi ko-yogomɛ le mala nun, n ma wo lɔn!”

Romu 11:33

Allala nɔnfuli kolo de! Ala hɛnkilimayɛ anubɛ ata lɔnnɛ ti ban mumɛ! Yon si ke ata ko-latɛgɛnɛnu faranfasila? Yon si ke a miriyanu lɔnna?

Lankɛnimayɛ 4:11

“Mata Mari le ile la anubɛ mata Alla! A bɛnnɛ i ni to bonyɛ anubɛ gbiliyɛ anubɛ sɛnbɛ sɔrɔnna. Ile le ya fan bɛɛ dan, ado ile le sɔnta wonu dan-koe ma ko anu ni nimayɛ sɔrɔn.”