Yɛrɛmaya 51:12 - ALLALA KUMƐ

¹² Wo ni kɛlɛ-tamasere-falafalɛ layɛlɛ san ma alako ma ni soe tarɛ keri. Wo ni kila-kandannɛnu kuma sa. Wo ni anu napɛrɛnnɛnu nata.” Mari ko a ye min sigila Babilɔn kɛnu ma, a si na wo sigi anu ma, yɔ!

Yɛrɛmaya 51:12 Iomraidhean Croise

Hɛnkilimaya-Kumɛnu 21:30

Ni Mari ye min kan ma, hali hɛnkili ye wo tigi bolo, a ya ko lɔn, wonu ti ko nyinya a ma.

Aiseya 11:12

Mari tenbi Isirɛla mɔgɛnu anubɛ Yuda mɔgɛnu kundɛnna ka bɔ duninya-tonko-nanɛ bɛɛ rɔ, a si falafalɛ layɛlɛ tamasereyɛ la ka wo yira duninya bɛɛ la.

Aiseya 13:2

Wo ni kɛlɛ-kura-falafalɛ layɛlɛ san ma kɔnkɔ-manunkunɛ kuma. Wo ni seren-seren wola kɛlɛ-dannu ye. Wo ni wo bole keri anu ye alako anu ni ta bui mɔgɔ-wasinɛnu ma Babilɔn soe burɔ.

Yɛrɛmaya 23:20

ado tɔrɔyɛ wo ti bɔ anu kuma fɔ a wa ban a miriya lawɔlila. Wo wati rɔ, wole Marita mɔgɛnu si ata miriyanu nya-yen ka a ragbɛ.

Yɛrɛmaya 4:28

Nyamanita-mɔgɛnu si anu dɛ sa-a-rɔ lungbɔn! San-kole si fin. Mari ko kɛ ye mala le bawo ale ti a kuman-kan dɔn. A ara ban a latɛgɛla, ado a ti a miriya yɛlɛma.

Yɛrɛmaya 50:2

“Wo ni kɛ fɔ sibolenu ye ka a mayon ko anu ka a ma gbundu la de! Wo ni falafalɛ layɛlɛ tamasereyɛ la ko Babilɔn si na bui, yɔ! Anuna bɛsɛ min tɔgɛ Maraduku, wo si na nyɛnsɛn kesemeren! Babilɔn kɛnuna bɛsɛnu bara miliya kɔgɔrɔyɔlɔ! Anuna kisimiriya-bɛsɛ wonu si na serendi ha ka anu nunku iko gbangban.

Yɛrɛmaya 50:25

Mari ko a ara ala kɛlɛ-kɛ-miran-bɔn laka anu kan ma. A ko a fonde ara bɔ ha a si na ala kɛlɛ-kɛ-fan bɛɛsi labɔ anu kan ma bawo ale Mari Sɛnbɛ-Bɛɛ-Tigi ko wɔlɛ ye ata kɛlɛ-dannu ye Babilɔn nyamanɛ rɔ.

Yɛrɛmaya 51:11

Mari ara Midiya mansɛnu natugu Babilɔn kɛnu ma bawo a miriya sa fenfen ma fɔ ka anu nato. Anu bara a Bato-Bɔn tinya min kɛ, a ye wo le yili-sarɛ la wo la. Midiya kɛlɛ-den-kunyɛnu si a fɔ ko, “Wo ni wola kalabɛnnu nasulen boiboi! Wo ni wola nɛgɛ-lufɛ bira wo bolo tɔ ka wo sɔ-bole rabɛn.

Yɛrɛmaya 51:27

A ya a fɔ Babilɔn yogenu ye ko, “Wo ni falafalɛ layɛlɛ tamasereyɛ la ka kɛlɛ-buri fɛ alako sibole bɛɛ ni a lamɔɛn. Ararati nyamanita-mɔgɛnu wo, Mini nyamanita-mɔgɛnu wo, Asikɛnasi nyamanita-mɔgɛnu wo, wo dama ni wo rabɛn kɛlɛ-kan ma. Wo ni kɛlɛ-kurugba kelen bɔ min si sɔ kɛlɛ yarɔ. Wo ni soeenu natugu Babilɔn kɛnu ma iko kondɔnnu. Sibole bɛɛ ni a mabɛn Babilɔn kɛlɛ-kan ma.

Yɛrɛmaya 51:29

Duninya ra si maga ka pirinkan bawo Mari miriya bɛnni ma fenfen ma fɔ ka Babilɔn ma wula-da-rakolɔn la, mɔgɔ ti sigi kan min tun!

Nimisa Koe 2:17

Mari ara a fɔ ko a ye min mala nun, a ara wo le ma kɛ la. A ara ban Yerusalɛm soe kasara-koe latɛgɛla nun, ado a ara wo le ma kɛ la gbɛ! A ara a ma, ma yogenu bara sewa bawo soe ara tinya.

Yowɛli 3:2

A ko a si sibole bɛɛ kundɛn lɛɛ do rɔ min tɔgɛ Kiti Sa Lɛɛ. A ko a si anu kiti nyɔ rɔ ka a tɛgɛ anu bara min ma wole, ata mɔgɛnu na. A ko anu bara wole, Isirɛla mɔgɛnu tanyɛnsɛn duninya-tonko-nanɛ bɛɛ rɔ ka wola nyamanɛ tala anu nyɔgɔn na.

Nehami 2:1

E, Ninɛfa kɛnu, Ninɛfa tiilɛ ara na. Wo ni wo sɔ-tinɛnu bi tarɛ kuma. Wo yɛ bɛnnɛ ni to kilɛ ma wo yogenuna ko la. Wo ni wo rabɛn kɛlɛ yarɔ. Wo ni wola kɛlɛ-dannu kundɛn kan-tina-kelen.

Yasowa 8:14

Wo banda kɛ, Eyai mansɛ ya Yasowa anubɛ ala mɔgɛnu yen. Mansɛ anubɛ ala mɔgɛnu ya anu buri ka ta Yorodan-ba-lɛɛ rɔ ka Isirɛla mɔgɛnu kɛlɛ iko anu ya a ma nya min fɔlɔn. Kɔnɔ anu ma a lɔn ko mɔgɛnu bi anu kɔma minnu si anu kɛlɛ.