Yɛrɛmaya 50:9 - ALLALA KUMƐ

⁹ N si sibolo kurun nabɔ kantɔ-wara la ka na kɛ Babilɔn kɛnu ma. Wonu si nyamanɛ kɛlɛ ka a nɔ. Donso-nyana le wonu na, min bole di kalabɛn la dɔgɔma-ma-de!

Yɛrɛmaya 50:9 Iomraidhean Croise

2 Samuwɛli 1:22

Yonatan kusan kalabɛn lakɛla, ado ni a fa Sɔlila faan ye a bolo, a ti kinikini mɔgɔ-wo-mɔgɔ ma. Anu kɛnɛna anu yogenu fagala hali minnu makilannɛ.

Keninteya-Siginu 3:8

Wonu dama kusan faanna kɛlɛ la. Kɛlɛ-kɛla-kɔrɛ le wo bɛɛ la. Wo bɛɛ rabɛnnɛ anuna faannu na anu bolo. Hali suyi le tɔ, anu tabɛnnɛ.

Aiseya 21:2

N ya min yen ko-rayirɛ wo rɔ, yanfɛ anubɛ kasarɛ. Ilam kɛlɛ-dannu, wo ni wo sɛbɛ don! Midiya kɛlɛ-dannu, wo ni wo bui soenu ma! Babilɔn kɛnu bara tɔrɔyɛ min nana, Alla si yili kiri wo dan la.

Aiseya 41:25

“Nde, Mari ara mɔgɛ do tɔnbɔn tele-bɔɛ wara la. A si wo kɛlɛ dabira kantɔ-wara la. Wo wa na, a si kun-tiginu tatɛntɛn iko bore. A si wonu tatugutugu iko bɔnku-daga-sɔlɛ si bɔnkɛ ramaga nya min.

Yɛrɛmaya 15:14

A ko a si wo don yɔɔnyɛ rɔ wo yogenu bolo. Anu si ta wo la nyamani-gbɛrɛ rɔ, wo ma min lɔn kɔrɔma la. A ko a fonde kaliyanɛ iko ta-belebele-wɛ. A si wo dama mintan gburr!

Yɛrɛmaya 25:14

Mari ko a si sibolo-gbɛrɛ donu tayili sara Babilɔn kɛnu na ka a tɛgɛ anu sɔn-yogomɛ ma. Sibolo siyamɛ anubɛ anuna mansɛnu si anu ma anuna yɔɔn la.

Yɛrɛmaya 25:26

anubɛ kantɔ-nyamani-mansɛ minnu fɛ-yan wo, minnu fɛ ma yan wo. Sibole minnu bi duninya kɛ rɔ, wo bɛɛ ya Marita tɔrɔya-yi-lafɛ min kɛ la. A laban min ya a min a la, wo le Babilɔn mansɛ la.

Yɛrɛmaya 50:14

Mari ko, “Wole kalabɛn-nakɛlɛnu, wo ni mini Babilɔn ma a kɛlɛ-tinɛ. Wo ni wola kalabɛn damasi lakɛ Babilɔn ma bawo a ara hakɛ kɛ nde, Mari la.

Yɛrɛmaya 50:21

Mari ko Babilɔn yogenu ni Mɛrateyim kɛnu anubɛ Pikɔdinu kɛlɛ. Anu ni anu faga ka anu halaki feu! Anu ni anu kasara iko ale Mari ya a fɔ anu ye nya min.

Yɛrɛmaya 50:26

Anu ni anu kɛlɛ a tɔnkɔn bɛɛ rɔ. Anu ni anuna fui-fen namara-tinɛnu takeri. Kɛlɛ-dannu ni anuna fen-kolomɛnu madɛn ka anu sigi anu nyɔgɔn kuma iko dɔn-fen-sendi. Anu ni nyamanɛ wo bɛɛ kasara. Anu kana fenfen to.

Yɛrɛmaya 50:29

A ko kalabɛn-nakɛlɛnu ni Babilɔn kɛlɛ. Minnu kusan kalabɛnnu nakɛla, anu dama ni ta. Anu ni anu mini anuna so-karantan ma alako mɔgɔ-den-kelen-kunyɛ kana bɔ a rɔ. Anu ni anuna karagbɛlɛyɛ yili sara anu na. Anu ni Babilɔn bira boloko-yogomɛ-kɛ iko anu bara doinu bira nya min, ado Babilɔn taranta anu nyɛrɛ kɔrɔbila ale Isirɛlata Alla-Sɛnimɛ kan ma.

Yɛrɛmaya 50:3

“Sibole min bi kantɔ-wara la, wo si na kɛ Babilɔn kɛnu ma. A si Babilɔn nyamanɛ ma wula-da-rakolɔn la. Hadama-den wo, sogo wo, bɛɛ si a buri, ado hali mɔgɔ-den-kolo-kelan ti sigi nyɔ tun.”

Yɛrɛmaya 51:11

Mari ara Midiya mansɛnu natugu Babilɔn kɛnu ma bawo a miriya sa fenfen ma fɔ ka anu nato. Anu bara a Bato-Bɔn tinya min kɛ, a ye wo le yili-sarɛ la wo la. Midiya kɛlɛ-den-kunyɛnu si a fɔ ko, “Wo ni wola kalabɛnnu nasulen boiboi! Wo ni wola nɛgɛ-lufɛ bira wo bolo tɔ ka wo sɔ-bole rabɛn.