Yɛrɛmaya 50:7 - ALLALA KUMƐ

⁷ Min ba ale Marita mɔgɛ kɛnu yen, wonu si anu mawulen. Anu yoge wonu kɛnɛna a fɔla ko, “Male ma ko-yogoma ma. Isirɛla mɔgɛ kɛnu bara bila Mari la min kɛ, woletɔ ma ara anu mawulen. Anu benbanu ya anu yigi sa Mari rɔ, ado a bɛnta, anu fanani ni Mari gbiliya nun.”

Yɛrɛmaya 50:7 Iomraidhean Croise

Yaburi 71:5

Ma tigi Mari Alla, n yigi sanɛ ile le tɔ, ado kebi n dennɛ, n ya nna lanayɛ sa ile le tɔ.

Yaburi 79:7

Bawo wonu denu nyɛrɛ-nyɛrɛ ya ita mɔgɛnu faga. Wonu denu bi ila nyamanɛ tinya tinɛ nun.

Yaburi 90:1

E, n tigi, ka a bi fɔlɔ ma, ha duninya si ban, ma sulen tinɛ le ile la.

Yaburi 91:1

Ni min bi tala Mari wara a lakanan-koe la, ni min bi tola Alla Sɛnbɛ-Bɛɛ-Tigita latankɛ kɔrɔ,

Aiseya 47:6

Mari ko ale diminyanɛ male ata Isirɛla mɔgɛnu ma nun. Ma biranɛ a bolo iko ata ma ma la. A ko a ara ma kunyɛ don Babilɔn kɛnu bolo, ado anu ma kinikini ma ma. A ko hali mala kɛmɔgɛnu, anu bi wonu natofi-tafila.

Aiseya 56:9

Mari ko wole sogo-feremɛnu, wo na sagɛnu tafarafara. Wole firarɔ-sogenu, wo na ala mɔgɛnu dɔn kedeku!

Aiseya 9:12

Siriya minnu bi tele-bɔɛ wara la anubɛ Filisiti minnu bi tele-yigi wara la, wonu bara anu dɛ sa-a-ma fagba, Isirɛla mɔgɛnu dɔn-koe la. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Yɛrɛmaya 10:25

Ita fondo-bɔɛ rawuya sibolo-gbɛrɛnu ma. Anu ma i lɔn. Anu ti ile matara. Sibolo-gbɛrɛ wonu denu ya male, Yakoba kegeyɛnu kasara ka ma lato dogbe! Wonu denu ya mala nyamanɛ fanan kasara.

Yɛrɛmaya 14:8

Alla, Isirɛla mɔgɛnu yigi le ile la. Isirɛla mɔgɛnu ya yakɔrɔ-mamɔɛ sɔrɔn tuma-wo-tuma, i si anu denkun. Kɔnɔ kaka gbɛ, ile ye sundanyɛ le la nyamanɛ kɛ rɔ. I mani de iko mɔgɛ min bi belenna kila ka tenbi.

Yɛrɛmaya 17:13

Mari, Isirɛla mɔgɛnu yigi le ile la. Mɔgɔ-wo-mɔgɔ wa a kan-kɔ sɔ i la, wo tigi si miliya. Min bi a bɔla ile Marita kilɛ fɛ, wo tigi mani de iko tɔgɛ min sɛbɛnɛ gbangban rɔ. Wo sa mɛla bawo a ara ile Mari boloka. Tenke-kimanɛ le ile Mari la.

Yɛrɛmaya 2:3

Isirɛla mɔgɛ wonu mara Mari-halalɛ la. Anu dantɛgɛnɛ a ma iko dɔn-fen-kun-fɔlɛ tɔnsɔn. Minnu ya ko sigi Isirɛla mɔgɛnu ma, wonu ya yilikiyi sɔrɔn. Mari ko mɔgɛ wonu kasarata le! Ale Mari kan le!

Yɛrɛmaya 31:23

Mari Sɛnbɛ-Bɛɛ-Tigi, Isirɛlata Alla ko a wa mɔgɛnu nasɛgi anuna nyamanɛ rɔ tumɛ min, anu si to a fɔla nyɔ ko, “Alamɛ Marita duwɛ yigira ata kɔnkɔ-sɛnimɛ kuma, a mayiginɛ kan min, kɔni.”

Yɛrɛmaya 33:15

Wo wati rɔ, a si Mansa Dawuda kegeyɛ do ma mansa-latelennɛ la. Wo si to ko-telennɛ kɛla nyamanɛ wo kan tinɛ bɛɛ rɔ.

Yɛrɛmaya 33:16

Yerusalɛm anubɛ Yuda kɛ toenu nakisinɛ si to, ado mɔgɛnu si soe wo nyɛrɛ kele ko, “Ma Kisilɛ Mari.”

Yɛrɛmaya 5:17

Anu si wola fui-fannu anubɛ wola dɔn-fannu ban fegba! Anu si wola dannu dɔn sa! Anu si wola kolo-fannu nato dogbe! Anu si wola ki-fan bɛɛ dɔn tɛrr! Wo lanɛ wola so-latankanɛ minnu na, anu si wonu takerikeri.

Yɛrɛmaya 50:14

Mari ko, “Wole kalabɛn-nakɛlɛnu, wo ni mini Babilɔn ma a kɛlɛ-tinɛ. Wo ni wola kalabɛn damasi lakɛ Babilɔn ma bawo a ara hakɛ kɛ nde, Mari la.

Yɛrɛmaya 50:17

Mari ko Isirɛla mɔgɛnu mani de iko yarɛ wa sagɛnu tanyɛnsɛn. Asiriya mansɛ fɔlɔn ya anu dɔn dabira. Wo kɔma, Babilɔn Mansa Nɛbukanasa tora anu kolenu masusunna.

Yɛrɛmaya 50:33

Mari Sɛnbɛ-Bɛɛ-Tigi ko Isirɛla mɔgɛnu anubɛ Yuda mɔgɛnu niyi ra ara gbɛrɛn anu ma. Anu maranɛ minnu bolo, anu buru-kunya sa ka bɔ wo bolo.

Isikiyɛli 34:5

Saga-fɛ-birala sa sagɛnu kun na min kɛ, woletɔ anu mara sogenu harayɛgɛ la.

Isikiyɛli 35:12

Idɔm kɛnu bara a fɔ nun ko Isirɛla kɔnkɛnu mara nyamani-tinyanɛ la. Anu bara a fɔ fanan ko anu denu denuta ye wonu na. N ba anu tɔrɔ, anu si a lɔn wo le ma ko nde, Mari nyɛrɛ ya anu yen de a fɔla.

Daniyɛli 9:16

Kebi fɔlɔ, ile le ya ma latanka. Hali i fonde ma ma gboya Yerusalɛm soe ma bawo i halalɛ le wo la, ita kɔnkɔ-sɛnimɛ, kɔni. Ka a tɛgɛ ma benbanu anubɛ maleta hakɛ ma, sibolo-gbɛrɛ minnu bi mala foolɛ rɔ, wonu yoonɛ ma ma.

Daniyɛli 9:6

Mala mansɛnu wo, mala mɔgɔ-banu wo, ma benbanu wo, anubɛ mala nyamanita-mɔgɛ bɛɛ, i ya nɛbinu sɔ ka ila kumɛ fɔ ma ye kɔnɔ ma ma ma tole masɔ wo fenfen na.

Sakaraya 1:15

A ko a diminyanɛ sibolo-gbɛrɛnu ma minnu siginɛ yisi-kimɛ rɔ kaka. A ko a diminyanɛ anu ma bawo wo tumɛ wole, ala mɔgɛnuna koninteyɛ siginɛ a burɔ, anu bi wo yakɔrɔ-mamɔla kosɛbɛ!

Sakaraya 11:5

Minnu bi anu sanna, wonu si anu faga, anu ti nanparan-wo-nanparan sɔrɔn. Minnu bi anu soge mayirala, anu si a fɔ ko, “Mari tanto, n bi mala fen-tigi la.” Minnu bi saga-fɛ-birala nun, wonu bɛrɛn ma kinikini sagɛnu ma.

1 Timoti 1:1

Nde, Pɔli le ye kɛdi kɛ sɛbɛla, Kirasiti Yisala kilayɛ, kɔni. Ma kisilɛ Alla le ya n sɔ ko n ni wɔlɛ kɛ ma, ado ma yigi sanɛ ale Yisa Kirasiti kuma.