Yɛrɛmaya 50:16 - ALLALA KUMƐ

¹⁶ Mɔgɔ kana sɔn, anu ni fui-fannu fui nyamanɛ wo rɔ. Mɔgɔ kana fui-fan tɛgɛ nyɔ tun. Sibolo-gbɛrɛ minnu siginɛ anu tɛma, wonu si kilan kɛlɛ-dannuna kɛlɛ la. Wo si a ma, anu ni sɛgi anuta nyamanɛnu tɔ.”

Yɛrɛmaya 50:16 Iomraidhean Croise

Aiseya 13:14

Wo wati rɔ, sundan minnu siginɛ Babilɔn, wonu burumatoe si sɛgi anu barɛnu tɔ. Anu ta si nyɛnsɛn iko woyan wa donso-keminɛ yen. Anu si ma iko saga-fɛ-birala sa sagɛ minnu kuma.

Yɛrɛmaya 25:38

Mari ara ala nyamanɛ boloka iko yarɛ wa bɔ faran la dɔnta-nyini-tinɛ a yisi ma. Mari ara wola nyamanɛ bɛɛ tinya a fondo-bɔnɛ la, ado yan bara ma nyamani-makilannɛ la ka a tɛgɛ kɛlɛ ma.

Yɛrɛmaya 46:16

Iyipitila kɛlɛ-dannu bi tonko-tankanna ka bui kilan bolo. Anu bi a fɔla anu nyɔgɔn ye ko, ‘Ma ni ma buri tala mala mɔgɛnu bara ma halala-nyamanɛ rɔ. Ma ni ma buri ma yogenu kɔrɔ.’ ”

Yɛrɛmaya 51:9

Sibolo-gbɛrɛ minnu siginɛ anu tɛma, wonu si a fɔ ko, “Babilɔn dɛnbɛ-sɔgɛ ye ma la kɔnɔ a fɛrɛ sa! Ma ni a to nyɔ. Ma ni sɛgi ma warɛnu tɔ. Alla ara a fanka ban Babilɔn kasarɛ ma. A ara tinya pɔ!”

Yowɛli 1:11

Wole sɛni-salɛnu, wo di soee, bawo wola sɛnita-fannu bara tinya pɔ! Wole ki-fen-kilɛnu, wo dɛ sa-a-rɔ lungbɔn, bawo wola ki-fannu na ara gbala nyawo! Ki-fannuna gbalɛ, wo le ya a ma, mɔgɛnu yisi ma ara gboya.

Emɔsi 5:16

“Allatala ko ka a tɛgɛ wola sɔn-yogomɛnu ma, wole mɔgɔ-yogomɛnu si faga. Mɔgɛnu si di-kɛ-kannu namɔɛn soenu kuma belenna. Anu si ta fɛlɛtenɛnu kele anuna sɛnɛnu tɔ alako anu ni na kofu mamusu-dɔn-kɛlɛnu ma wole, mɔgɔ sɔn-yogomɛnu saya-di-kɛ-tinɛ.