Yɛrɛmaya 50:13 - ALLALA KUMƐ

¹³ Mari ko ka a tɛgɛ ata fondo-bɔɛ ma, mɔgɔ-wo-mɔgɔ ti to sigini Babilɔn tun. Nyɔ si to tonbonyɛ la. Min tenbimatoe wa a yen, wo si kawa ka a bole sa a dɛ la.

Yɛrɛmaya 50:13 Iomraidhean Croise

Yobu 27:23

Anu burumatoe tenbi tala, fɔnyɔ ye a dɛ gbesila anu kɔma. Ala kasara-mankan ye anu kumakɔla.

Yɛrɛmaya 18:16

Woletɔ wole, Yuda nyamanɛ si ma nyamani-fuyi la. Nyamanɛ wo si ma yɛlɛnma-fan la mɔgɛnu ye. Mɔgɛnu ba bɔ nyɔ, anu si kawa ka anu kunyɛ firifiri. Wola nyamanɛ wo tinya-koe si ma tɛrɛna-koe la mɔgɛnu bolo.

Yɛrɛmaya 19:8

A ko a si so-karantan kɛ rade dogbe! So-karantan kɛ si ma yɛlɛnma-fan la mɔgɛnu ye. Mɔgɛnu tenbi tenbila, anu si anu kunyɛ firifiri. Anu ba so-karantan kɛ tinya-bole mafɛlɛn, anu si kawa.

Yɛrɛmaya 25:12

San bi-wɔrɔnfilɛ kɛ wa tenbi tumɛ min, Mari ko a ni na to Babilɔn anubɛ ala mansɛ tɔrɔla ka a tɛgɛ anuna yogoyɛ ma. A ko nyamanɛ wo kasaranɛ si to tolon!

Yɛrɛmaya 34:22

A ko a wa wo kɛlɛ-koe fɔ wo yogenu ye tumɛ min, wonu si ta wo kɛlɛ-tinɛ ka wola soe bira ka a mintan gburr! A ko a si Yuda soenu ma wula-da-rakolɔn la, mɔgɔ sa kan min. Ale Mari kan le kɛ la.

Yɛrɛmaya 49:17

Mari ko kasarɛ min bi sigila Idɔm kɛnu na, wo ma si kilan. Hali min tenbi tenbila nyɔ, anu yigi si tɛgɛ kumakɔɛ bolo gbat!

Yɛrɛmaya 50:3

“Sibole min bi kantɔ-wara la, wo si na kɛ Babilɔn kɛnu ma. A si Babilɔn nyamanɛ ma wula-da-rakolɔn la. Hadama-den wo, sogo wo, bɛɛ si a buri, ado hali mɔgɔ-den-kolo-kelan ti sigi nyɔ tun.”

Yɛrɛmaya 51:26

Hali kuri min bi a rɔ, wonu ti ma bon-sɔ-fan la. A ko a si ma kuru-faganɛ la. Mari kan le kɛ la.

Yɛrɛmaya 51:29

Duninya ra si maga ka pirinkan bawo Mari miriya bɛnni ma fenfen ma fɔ ka Babilɔn ma wula-da-rakolɔn la, mɔgɔ ti sigi kan min tun!

Yɛrɛmaya 51:37

Nyamanɛ wo si ma tonbɔn la. Mɔgɔ ti taran nyɔ fɔ bintɔ-sogenu. Mɔgɔ-wo-mɔgɔ ya nyɔ yen, a kun ma si kɔ.

Yɛrɛmaya 51:62

I wa ban a karanna anu ye, i ni Alla madiya anu yala ko, ‘Mari, i ko i si kan-tinɛ kɛ kasara. I wa ban a tinyana, a hadama-den wo, a sogo wo, wo fenfen ti to sigini a rɔ, ado i ko a si to wula-da-rakolonyɛ le la habadan!’

Isikiyɛli 27:36

A ara tinya pɔ, ado duninyama-yila bɛɛ ara kilan. A ti sɔ tun habadan!”

Sɛfanaya 2:15

Minnu bi Ninɛfa soe burɔ, wonu wasinɛ dɔgɔma-ma-de! Anu mirinɛ ko laa-wo-laa sa anu na. Anu kɛnɛna a fɔla ko, “Mala soe kɛ makawara ka tenbi soe dama la.” Kɔnɔ tɔ-a-la, nyɔ si ma tonbon-bɛrɛbɛrɛ la. Fɔ sogenu dɔrɔn, wonu denu si taran nyɔ. Mɔgɔ-wo-mɔgɔ wa tenbi nyɔ, a si nyima a rɔ, wo kɔma, a si a bole sa a dɛ la ka a dɛ bosi a kɔrɔ.

Sakaraya 1:15

A ko a diminyanɛ sibolo-gbɛrɛnu ma minnu siginɛ yisi-kimɛ rɔ kaka. A ko a diminyanɛ anu ma bawo wo tumɛ wole, ala mɔgɛnuna koninteyɛ siginɛ a burɔ, anu bi wo yakɔrɔ-mamɔla kosɛbɛ!

Tɔn-Fɔɛ-Fila-Nyɔgɛ 29:22

“Ni wo ma lanyiri kɛ tɔnnu bira, wo kegeyɛnu anubɛ sibolo-gbɛrɛkɛ-mɔgɛnu ba sɔ wula-yan la ka sɛgi wola nyamani-kɔrɛ mafɛlɛn tinɛ tumɛ min, anu si wola nyamanɛ kasara-nya yen Mari bolo.