Yɛrɛmaya 50:1 - ALLALA KUMƐ

¹ Mari ya min fɔ nde, Yɛrɛmaya ye Babilɔn nyamanɛ anubɛ a mɔgɛnuna ko la, wo le kɛ la.

Yɛrɛmaya 50:1 Iomraidhean Croise

Ko-Dabirɛnu 10:10

Ale Nimirɔdi ya so-karantan sawɛ datɛgɛ Babilɔn nyamanɛ rɔ, Babɛli wo, Ɛreki wo, anubɛ Akadi.

Ko-Dabirɛnu 11:31

Tɛra ya ala dan Burama anubɛ wola musi Sirayi bi. A ya a mamanɛ, Hɛranna dan Lɔti fanan bi. Anu wulita Yuri soe burɔ Babilɔn nyamanɛ rɔ ka Kenan nyamanita-kilɛ bira. Kɔnɔ anu kera Hɛran soe burɔ tumɛ min, anu ya anu daga makɛ nyɔ.

Ko-Dabirɛnu 11:9

Nyɔ-tɔgɛ sara Yabasanya kamasɔrɔn Mari ya duninya-mɔgɛ bɛɛ kuman-kan yabasan nyɔ le ka anu tanyɛnsɛn dugu-kole bɛɛ kuma.

2 Samuwɛli 23:2

“Marita Ni-Sɛnima kumara n ye. Ala sarakanɛ wo ye n da rɔ.

2 Mansɛnu 17:24

So loli kɛnu, Babilɔn, Kuti, Ifa, Hamati, anubɛ Sifafeyim, Asiriya mansɛ ya ala nyamanita-mɔgɛ donu bi nyɔnu tɔ. A tara wonu to Samariya soenu tɔ Isirɛla nyamanɛ rɔ ka anu sɔ Isirɛla mɔgɛnu gbɛ rɔ. Asiriya mɔgɛ kɛnu ya Isirɛla so-kunbɛnu bi ka wonu ma anu halalɛ la.

Yobu 1:17

Yanni wo ni a kuman-kan wo laban, kilayɛ do burumatoe nara a fɔ ale Yobu ye tun ko, “Kaladiya bumali-kɛlɛ kurun sawa nara bui ma ma. Anu tara ila nyomɛ bɛɛ la ka ila wɔli-kɛlɛ dama faga tɛrr, fɔ nde min kelan kunyɛ bɔra a rɔ!”

Aiseya 14:4

Mari wa wo ma tumɛ min, anu si Babilɔn mansɛ mayɛlɛn ko, “Mansa-karagbɛlɛ ara faga. A ti mɔgɔ-wo-mɔgɔ niyi ragbɛrɛn a ma tun!

Aiseya 23:13

Wo ni wo yɛ lata Babilɔn nyamanɛ ma. Nyamani ma a la tun. Asiriyanu buira anu ma ka anuna tarɛnu nabui ka a tonbon-nɛ to. Sogo-feremɛnu denu siginɛ nyɔ gbɛ!

Yɛrɛmaya 25:12

San bi-wɔrɔnfilɛ kɛ wa tenbi tumɛ min, Mari ko a ni na to Babilɔn anubɛ ala mansɛ tɔrɔla ka a tɛgɛ anuna yogoyɛ ma. A ko nyamanɛ wo kasaranɛ si to tolon!

Yɛrɛmaya 27:7

Ale mansɛ wo, ala dan wo, a mamanɛ wo, nyamanɛ bɛɛ si mansɛ wonu sako kɛ ha ale fananna nyamanɛ bu-wati ni ke. Wo wati wa ke, ale fananta mɔgɛnu kunyɛ si don mansa-gbɛrɛkɛnu bolo min sɛnbɛ kolo aletɛ ko.

Daniyɛli 1:1

Mansa Yahoyakimta mansayɛ san sawa nyɔgɛ Yuda nyamanɛ rɔ, mansɛ min tɔgɛ Nɛbukanasa, wo ye Babilɔn nyamanɛ kun na. Wo wati rɔ, mansɛ wonubɛ ala kɛlɛ-dannu tara kurɔn don Yerusalɛm soe ma ka nyɔ-mɔgɛnu kɛlɛ.

Kɛwɔlɛnu 7:4

Woletɔ a bɔra Kalidiya nyamanɛ rɔ ka ta a sigi Hɛran soe burɔ. A fa fagara tumɛ min, Alla ya a lana nyamanɛ kɛ rɔ, wo siginɛ kan min kaka.

2 Pita 1:21

Kɛnu ma bɔ anu nyɛrɛta hɛnkili rɔ! Alla ya kumɛ min don nɛbinu da rɔ, anu ya wonu denu fɔ Allala Ni-Sɛnimɛ baraka rɔ.

Lankɛnimayɛ 14:8

Melika fila nyɔgɛ bilara a fɔlɔtɛ fɛ. A ye a fɔla ko, “A ara bui. Babilɔn-so-belebele ara bui fogbo! Ala yɛlɛnya-nata min si mɔgɔ bira iko baan, a ara wo di mɔgɛ bɛɛ ma alako anu ni anu min wo la.”