Yɛrɛmaya 5:9 - ALLALA KUMƐ

⁹ Mari ko nfenna a ti mɔgɛnu tɔrɔ kɛla ko la? A ko a ni mɔgɔ-su kɛnu tɔrɔ iko a bɛnta, wo ni tɔrɔ nya min.

Yɛrɛmaya 5:9 Iomraidhean Croise

Hɛnkilimaya-Kumɛnu 6:29

Ni masiba-koe le wo la i yala, nba, ka i sa kei-gbɛrɛla musi fɛ, masiba-koe le wo fanan na. Mɔgɔ-wo-mɔgɔ ya wo ma, fɔ a wa tɔrɔya.

Aiseya 1:24

Woletɔ Isirɛlata Mari Alla Sɛnbɛ-Bɛɛ-Tigi ye nala min fɔla, wo ni wo tole masɔ wo la. A ko a si a tayili sara wo la, wole, a yogenu, kɔni. A ko wo ti nanparan-wo-nanparan di a ma tun!

Aiseya 57:6

Wo ye kuru-manunkunɛnu kɔla. Wo ye minni-sarakɛnu nabonna kuri wonu ma ka dɔn-fen-kun-fɔlɛ-sarakɛnu di anu ma. Wo ni wo miri ko kɛnu wara-ko si a ma, Mari ni wo makoto, wa?

Yɛrɛmaya 23:2

A ko a bɛnta, wole ni Mari Isirɛlata Allata mɔgɛnu kumafunfan nun kɔnɔ wo ara anu gben ka anu tanyɛnsɛn. Woletɔ a ko fɔ a wa wo tɔrɔ wola karagbɛlɛyɛla ko la.

Yɛrɛmaya 32:31

Ka a bi soe kɛ sɔ-wati ma, a ko dugu dannu bara a ma, a ara kɔrɔtɔ wɛ kɛ. Woletɔ a ara soe kɛ kasara-koe latɛgɛ

Yɛrɛmaya 44:22

Bi, wola nyamanɛ ye tonbonyɛ le la gbɛ! Mɔgɔ sigini sa a rɔ. Mɔgɛnu ba nyɔ yen, anu si anu bole sa anu dɛ la ka kawa. Anu si wo tɔgɛ ma dankali-kɛ-fan la bawo Mari ti ke a munyuna wola karagbɛlɛya-koe kɛnu kɔrɔ muk!

Yɛrɛmaya 5:10

Mari ko a si a fɔ wole, Yuda mɔgɛnu ye ko wo yogenu ni ta wole, Yuda kɛnu malanfan iko mɔgɛ si ki-fannu malanfan nya min kɔnɔ anu kana wo bɛɛ malanfan de! Anu ni mɔgɛnu faga kelen-kelenyɛ ma iko kɔlɔma-gbendalɛ. Anu ni wo ma bawo Marita ma wole, ata mɔgɛ kɛnu denu na tun.

Yɛrɛmaya 5:29

Kɔnɔ ale Mari ko a si karagbɛlɛ wonu tɔrɔ kɛnuna ko la. Mari ko fɔ a wa mɔgɛ kɛnu tayili sara.

Yɛrɛmaya 6:11

Kɔnɔ n dɛ la ara fa Marita fondo-bɔɛ la. N ti ke a birala n tɔ tun. Mari ko ala fondo-bɔɛ ni bon dennɛnu ma minnu bi tolonna soe tɔnkɔnnu tɔ. A ni bon kemini-mɛsɛnu ma minnu nadɛnnɛ kan-tina-kelen. Ala fondo-bɔɛ si keinubɛ ala nyaganɛ bira anu nyɔgɔn fɛ. A si kɛmɔgɛnu anubɛ musu-kɔrɛnu fanan bira.

Yɛrɛmaya 6:6

Mari Sɛnbɛ-Bɛɛ-Tigi ya a fɔ Yerusalɛm yogenu ye ko, “Kɔlɔma minnu bi Yerusalɛmna foolɛ rɔ, wo ni wonu tɛgɛ. Wo ni yɛlɛ-tinɛ ladan Yerusalɛm tarɛ ma ha a kun tɛma alako wo ni anu kɛlɛ. Fɔ soe kɛ wa tɔrɔ serr! Fenfen sa soe kɛ rɔ fɔ niyi-ragbɛran.

Yɛrɛmaya 9:8

Wo nagan manɛ kalabɛn-nasulennɛ la. Wo dɛ ye foninyɛ fɔla tolon! Wo bɛɛ ye a da le le fɔla a sigi-nyɔgɛ ye kɔnɔ wo burɛ ye wo burɛ la. Yaga, wo ye ko-yogomɛ sigi-koe rɔ wo ta-nyɔgɛnu ma!

Yɛrɛmaya 9:9

Mari ko a ti wo tɔrɔ wola ko la, wa? A ko a bɛnta, wo ni tɔrɔyɛ min sɔrɔn, a kana wonu sigi wo ma, wa? Ale Mari kan le kɛ la.

Nimisa Koe 3:42

“Male ara murutiya ile Mari ma ka ko-yogomɛ kɛ, ado i ma ma yulumu kafari.

Nimisa Koe 4:22

Yerusalɛm kɛnuta tɔrɔyɛ dan na ara tenbi. Mari ti sɔn anu ni ta biralɛ rɔ tun. Kɔnɔ lunyɛ do, a si wole Idɔm kɛnu tɔrɔ ka wo hakɛ labɔ gbɛ rɔ.

Isikiyɛli 7:9

N ti n yɛ labelen wola hakɛ ma ka kinikini wo ma. N ti wo to wo niyi la. Fɔ n ba wo tɔrɔ ka a tɛgɛ wola kisimiriya-koenu ma alako wo ni a lɔn yati, ko Mari le nde la. Fɔ wo wa a lɔn de ko wo tɔrɔlɛ le nde la.

Hoseya 2:13

N si a tɔrɔ bawo a ye n bolokɛ min kɛla ka ta isɛnti mintan ala bɛsi Beyali ye. N bi a tɔrɔla bawo a ye a makiri boloko-nyimɛ-kɛla ka bila ala keminɛnu fɛ. Mari kan le kɛ la.

Hoseya 8:13

Wo ye sarakɛnu bɔla wo buyinu denu ye, nde, Mari ma de! Nde, Mari sewani ma wonuna ko la mumɛ! N si n yili to wo hakɛ ko ka wo latuntun yɔɔnyɛ rɔ wo tɔrɔya-koe la iko wo taranta Iyipiti nya min nun.

Saraka-Masɔlɛnuta Tɔnnu 18:25

Anuna sɔn-yogoyɛ ya a ma, anuna dugi ma sɛninya. Kenan mɔgɛnu ya miliya-koe kɛ sufa bɛɛ ladan, woletɔ anuna dugi wo ma sɛninya. Mari nyɛrɛ si dugi wo tɔrɔya. Dugi wo si ko-yogoma-kɛlɛnu nateseri iko mɔgɛ si fen-kasanɛ lateseri nya min. Wo kana ko-yogomɛ wo sufa ma mumɛ! Isirɛla mɔgɛ wo, sundan wo, wo do-wo-do kana bɔ Marita tɔnnu kɔrɔ.

Saraka-Masɔlɛnuta Tɔnnu 26:25

N si mɔgɛnu nana wo tɛma ka wo kɛlɛ. Wonu si wo tɔrɔya bawo wo ara sarama-kan tinya min bi ma tɛma wo na. Hali wo ya wo ladɛn wola soenu tɔ alako wo ni kisi wo yogenu ma, n si kiraya-yogomɛ lana wo tɛma min ti dandan muk! Wo ra si nama anu kɔrɔ ka wo nyɛrɛ don anu bolo.

Nehami 1:2

Mari Alla ti sɔn a senɛ ma. Minnu bi a rasɛla, a si wonu tɔrɔ. A fonde bɔnɛ si a tayili sara.

Tɔn-Fɔɛ-Fila-Nyɔgɛ 32:35

Wota Mari si wota yili sara ka anu tɔrɔ kosɛbɛ! Anu fanan bu-wati si na. Anu halaki-wati ara gbɛrɛn.

Tɔn-Fɔɛ-Fila-Nyɔgɛ 32:43

Wole sibolo-gbɛrɛnu, a ko wo ni ale Marita mɔgɛ kɛnu matɔgɔ. Ni minnu ya kɛnu faga, Mari si wonu tɔrɔ. Mari si a tayili sara a yogenu na ka ata mɔgɛ wonu makoto anu hakɛ la.