Yɛrɛmaya 5:7 - ALLALA KUMƐ

⁷ Mari ko nde ni ma makoto-kunya fɔ a ye bawo wole, ata mɔgɛnuna ko sa ala ko rɔ tun. Wo dama ara wo gboro bɛsɛnu tɔ Alla ma minnu na. Alla ko a ye wo hayu bɛɛ kasala kɔnɔ hali wo, wo telenni ma a ye. Wo kɛnɛ wo nyɔgɔn kɔma yɛlɛnnuna bɔn la.

Yɛrɛmaya 5:7 Iomraidhean Croise

2 Ko-Kɔrɔta-Karan 13:9

Marita saraka-masɔlɛ minnu bɔra Aruna kebilɛ rɔ, a ya wonu gben. Wo kɔma, wo ya Lifayinu gben fanan ka mɔgɔ-gbɛrɛnu ma saraka-masɔlɛnu na iko nyamanɛ doinu bi a mala nya min. Ni a taranta, turɛ ye min bolo, ni wo ma, saga wɔrɔnfilɛ, wo si wo tigi ma saraka-masɔlɛ la wola bɛsi-fuyinu ye.

Yobu 31:12

Ni a taranta, n bara ko sufa wo ma, n bolo-fan bɛɛ ni mintan nyahanama-tɛ rɔ.

Yaburi 50:18

Wo wa kankan-wo-kankan yen, wo si ma wo diyana-mɔgɛ la. Wobɛ yɛlannu bi tola ko kelen tɔ.

Yɛrɛmaya 12:16

A ko a sɔgɛ le ye a la nun ko anu ni wole, ata mɔgɛnu kɛ-nya karan. A ko fɔlɔ nun, anu ya wole, ata mɔgɛnu nabila lanyiri-kiri-bole la bɛsi Beyali ye. Kɔnɔ kaka, a sɔgɛ ye a la, anu ni ale Mari tɔgɛ ratɛgɛ lanyiri-kiri-tinɛ. A ye a fɛ anu ni a fɔ ko, “A ye mabɛ Mari tɛma… A ko ni anu ya wo ma, anu bara-koe ti sɛgi kɔma. A ko a si a ma, anu ni taran wole, ata Isirɛla mɔgɛnu kurun tɔ.

Yɛrɛmaya 13:27

Mari ko wo ye kinsin-kansan-koe minnu kun na, a ara wo bɛɛ yen. A ko wo ye bɛsi-kɔ-koe min bɛɛ kun na min manɛ iko yɛlɛnyɛ, a ya wo bɛɛ lɔn. Wo ye miliya-koe min bɛɛ la, a ye wonu kalama. Wo ye sɔn-yogoyɛ min kun na sɛnɛnu tɔ anubɛ kɔnkɛnu ma, a ko wo bɛɛ ragbɛnɛ le a bolo. Mari ko gbalo ye wole, Yerusalɛm kɛnu ma. Wo kɔsɔnɛ si to ha muntuma?

Yɛrɛmaya 16:11

Mari ko n ni a fɔ wole fanan ye ko ni wo ya kɛ yen mala wo la, wo benbanu denu fɔlɔn ya ale Mari boloka. Anu ya bɛsɛnu kɔ ka anu taya wonu ma. A ko wo benbanu fɔlɔn bara anu masɛgi Mari la. Anu ya anu ban ale Marita tɔn-bira-koe ma.

Yɛrɛmaya 16:20

Hadama-dan si ke bɛsɛ ladanna a nyɛrɛ ma, wa? Ɔn, kɔnɔ Alla ma bɛsɛ wonu na.”

Yɛrɛmaya 2:31

Wole Isirɛla mɔgɛnu, wo ni wo tole masɔ ale Mari kan la! A ko a mani ma wo ye nun iko wula-da-rakolɔn. A ko a mani ma wo ye iko nyamani-makilanni-tapinpini-bɛ. A ko nfenna wo rɔ wo ye a fɔla ko min di wole ye, wo ye wo le mala? Nfenna wo ye a fɔla ko wo ti sɛgi a ma tun?

Yɛrɛmaya 23:10

Minnu telenni ma Mari ye, mala nyamanɛ lafanɛ wonu denu na pen! Anu bi karagbɛlɛyɛ le kun na tolon! Anu bara anuna sɛnbɛnu bɔrɔbɔ. Ka a tɛgɛ Marita dankɛ ma, dugi ye kurunna. Kolo-fen de-nyini-tinɛnu bara gbala.

Yɛrɛmaya 3:19

Ale Mari ko a si sewa nun ka wo bira iko a halala-dannu. A sewanɛ si nyamani-hakikɛ di wo ma nun, ado nyamanɛ wo kin sibole bɛɛta nyamanɛ ko. A ko ale ya a lɔn nun ko wo ye a fɔla a ma ko, “Ma Fa,” ado wo ti wo kan-kɔ sɔ a la nun.

Yɛrɛmaya 3:8

Isirɛla nyɛrɛ ya a lɔn ko n bara a boloka nun ka a tɛgɛ ala yɛlɛnyɛ ma iko kei si ala musi boloka nya min. Kɔnɔ hali wo, wo ma a na-kelen-nyɔgɛ Yuda lakilan. Wo fanan tara anu sa bɛsɛnu kɔrɔ,

Yɛrɛmaya 7:9

Ha bi, wo ye kankanyɛ kɛla. Ha bi, wo ye mɔgɔ-fagɛ kun na. Ha bi, wo bole ye yɛlɛnyɛ rɔ. Ha bi, wo ye tɔgɛ sala mɔgɛnu na. Ha bi, wo ye bɛsi Beyali kɔla. Ha bi, wo nɔrɔnɛ sibolo-gbɛrɛnuna bɛsi-kɔ-koenu ma.

Yɛrɛmaya 9:1

Alamɛ n kunyɛ mara iko tenke woletɔ n ya-denkɛ ra ti gbala. Ka a tɛgɛ nna mɔgɛnuna sayɛ ma, n bi diyi le kun na su-ni-tele.

Yɛrɛmaya 9:2

Alako bon-nɛ taranta n bolo wulɛ rɔ nun, n si to n dan na kan min. Ni wo mara, n si ke bɔla le wole, nta mɔgɛnu tɛma worɔ. N si n masɛgi wo la worɔ. N bi wo mala bawo wo do-wo-do ma telen Alla ye. Wo dama ara wo kan-kɔ sɔ Mari la.

Nimisa Koe 3:42

“Male ara murutiya ile Mari ma ka ko-yogomɛ kɛ, ado i ma ma yulumu kafari.

Isikiyɛli 22:11

Donu bi anu tɛma, anu bi yɛlɛnyɛ kɛla mɔgɛnuna musinu fɛ. Donu bi anu sala anu mama-nyaganɛ anubɛ anu fa-kelen-tirisannu fɛ.

Hoseya 11:8

“N si ile Isirɛla don bolo tɔ kama? N si wo boloka kama? N si wo kasara kama iko n ya a ma nya min Adima anubɛ Sebom soe la? N ti sɔn wo kasara-koe ma. Nta keninteyɛ da rakolo wo ye.

Hoseya 13:6

Wo kenɛ nyamani-hakikɛ kɛ rɔ, wo makoe bɛɛ nyinyara ha wo wasara. Wo kɔma, wo wasira ka nyina nde, Mari ko.

Hoseya 4:2

A ko wo ye mɔgɛnu dankala. Wo sa wola lanyirinu natɔnbagayala. Wo ye mɔgɔ-fagɛ kɛla, wo ye kankanyɛ kɛla, wo ye yɛlɛnyɛ kɛla. Wo ara wunduyogoyɛ dan-natenbi. Yanni do ni kimɛ, wo ara do faga.

Hoseya 7:4

Setani-mɔgɛ le wo dama la. Wo telenni ma mansɛ ye. Wola koninteyɛ mani de iko mɔgɔ wa ta-wɔlɔn bɔ ta-kɔnɛ kuma.

Saraka-Masɔlɛnuta Tɔnnu 20:10

“Ni kei do ya a sa a ta-nyɔgɛla musi fɛ, Mari ko wo ni anubɛ musi wo faga.

Emɔsi 8:14

Wo ye tola tala Samariya bɛsɛnu bara wo dɛnbɛn-koe rɔ. Wo ye belenna wo gborola Dan kegeyɛnuta bɛsɛ rɔ. Wo ye tagamana min kɛ ka ta Biri-Siba, wo ara wo yigi sa wo kuma. Kɔnɔ fufafu le wo la. Mari ko a si wo labui. Wo ti ke wo lasɔla tun.

Sɛfanaya 1:5

Mɔgɔ-wo-mɔgɔ yɛlɛta kan-tina-layan-bɛ kuma alako a ni tele anubɛ karɛ anubɛ lole bato nyɔ, Mari ko a si wo tigi kasara pɔ! Minnu bi Mari batola ka telenbagaya-lanyiri kiri a ye, wo kɔma, a ni ta a gboro bɛsɛ wo rɔ min tɔgɛ Molɛki, Mari ko a si wonu fanan kasara.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

1 Kɔrɛnti 6:9

Wo ya a lɔn serr, ko mɔgɔ-yogomɛnu ti Allala mansayɛ sɔrɔn. Wo kana wo nyɛrɛ mayuwaya. Sɔn-yogoma-tiginu wo, bɛsi-kɔlɛnu wo, yɛlannu wo, minnu bi anu ta-nyɔgɔ-keinu makila wo, minnu bi anu ta-nyɔgɔ-musinu makila wo,

1 Kɔrɛnti 8:4

Woletɔ bɛsɛnu si kɔ soge minnu na, n si min fɔ wonuna ko la, wo le kɛ la. Ma ya a lɔn ko bɛsɛ, fen de wo la niyi sa min tɔ. Ma ya a lɔn fanan ko Alla kelen de!

Kalesiya 4:8

Yanni wole sibolo-gbɛrɛ ni ma Allatɛ la tumɛ min, wo taranta yɔɔnyɛ la wonu sɛnbɛ kɔrɔ, Alla ma minnu na.

Tɔn-Fɔɛ-Fila-Nyɔgɛ 32:15

“Wole Marita mɔgɛnu mara nɔnfulu-tiginu na kɔnɔ hali wo, wo murutiyara a ma. Wo ara tɔlɔ ha wo bu-dagɛnu bara sigi kɔnɔ hali wo, wo ya ale Dali-Mari boloka. Wota Fara-Kole min ya wo lakisi, wo ya wo ban wo la.

Tɔn-Fɔɛ-Fila-Nyɔgɛ 32:21

Wo ara a ma, Mari fonde ara bɔ wola bɛsi-kɔ-koenu tɔ. Wo ara a ma, Mari ye wo makeliyala bawo wo ye bɛsɛnu kelela ko alla, ado Alla ma wonu na hali! Wo ye yɛlɛnna sibole minnu ma, Mari si wonu bi ka anu ma wole lamɔniya-fan la. Wo tɛgɛnɛ mɔgɛ minnu tɔ, wonuna keliyɛ si wuli wo fanannu na.

Hiburunu 13:4

Mɔgɛ bɛɛ ni furi gbiliya. Keinubɛ musinu ni telen anu nyɔgɔn ye dɛɛ, ado Alla si sɔn-yogoma-tiginu anubɛ yɛlannu kiti.

Yemesi 4:4

Wole lanayabɛlɛnu, ka a fɔ ko ni duninya kɛ diyara mɔgɔ-wo-mɔgɔ ye, Alla yoge le wo tigi la, wo ma wo lɔn, wa? N ni a fɔ tun, mɔgɛ min bi mala duninya kɛ diyana-mɔgɛ la, wo si a nyɛrɛ ma Alla yoge la.

Yasowa 23:7

Wo kana bila mɔgɛ wonu fɛ minnu bi wola nyamanɛ rɔ. Wo kana anuna bɛsɛnu tɔgɛ rakele. Wo kana lanyiri kiri hali ka wo gboro anuna bɛsɛnu tɔ. Wo kana wo nyɛnkin bɛsɛ wonu kɔrɔ ka anu kɔ.