Yɛrɛmaya 5:4 - ALLALA KUMƐ

⁴ Kɔnɔ n sigira, n ya n miri. N ko bolo-kolon-gbɛ le mɔgɛ kɛnu na, anu hɛnkili sa. Anu ma Marita ko-ladan-nya lɔn. Alla ye nyinina min ma anu bolo, anu ma wo lɔn.

Yɛrɛmaya 5:4 Iomraidhean Croise

Aiseya 27:11

Nyɔ-kɔlɔmanu nafɔsɔnɛ, anu bolɔnnu kerikerinɛ. Musinu si nyɔ ma sɔgɔ-nyini-tinɛ la. Mari ya mɔgɛ wo minnu dan, anuna hina-wo-hina ma taran ale rɔ bawo anu ya anu ban a nya-yen-koe ma.

Aiseya 29:12

Ni i tara a la karanbɛlɛ wara ko a ni a karan, a si a fɔ ko a ma a karan-nya lɔn.

Yɛrɛmaya 10:8

Hɛnkilimɛ wonu hɛnkili sa, ado kuntan le anu na. Anuna hɛnkilimayɛ wonu bɔnɛ anuna bɛsi-fuyi wonu denu tɔ.

Yɛrɛmaya 4:22

Mari ko kun-takolɔn le wole, ala mɔgɛnu na bawo wo ma ale lɔn. A ko denniya-hɛnkili le ye wo bolo. Wo ma fenfen lɔn. A ko wo kusan wunduyogoyɛ la kɔnɔ wo ma ko-wo-ko lɔn ko-nyimɛ wara-koe rɔ.

Yɛrɛmaya 7:8

Kɔnɔ i ma a yen, wo lanɛ foninyɛnu na, ado lanaya-fuyi le wonu na.

Yɛrɛmaya 8:7

Hali konanu, wonu ya anu nyɛrɛta ko-ladan-wati lɔn. Hali kulangbɛ anubɛ serekokonu ya anu tunu-wati lɔn. Kɔnɔ Mari ko a ye nyinina min ma wole, ata mɔgɛnu bolo, wo ma wo lɔn.

Yɛrɛmaya 9:3

Mari ko wo dɛ ye kumɛ filila mɔgɛ ma iko kalɛ. Foninyɛ ye gbanna wo dɛ rɔ iko kalabɛn. Sɛnbɛ ye foninyɛ bolo nyamanɛ rɔ ka tenbi tonyɛ la. Wo tenbi wo kian bɔla ko-yogoma-kɛ rɔ, wo ye wo kian bilala dogbɛrɛ tɔ. Mari ko wo ma a lɔn min bi ale la.

Hoseya 4:6

Gbalo ye nta mɔgɛnu kuma bawo anu ma nde, Alla lɔn wole, saraka-masɔlɛnu bolo. N lɔn-sɔgɔ sa wole, saraka-masɔlɛnu na. Wo ara wo kan-kɔ sɔ nta karan la. Woletɔ wo ye wo banna a la. Hali wota dannu, n ti wonu yatɛ saraka-masɔla la.

Matiyu 11:5

Ya-fiyɔnnu bi fan yenna, namarɛnu bi tagamana, kunatoenu bara kɛndɛya, tolo-gberenu bi ko lamɔɛnna, furinu na ara wuli ka niyi lafɛ, kibara-nyima-kawandili ara bɔ bolo-kolɔnnu ye.