Yɛrɛmaya 5:3 - ALLALA KUMƐ

³ Mari, i sa nyinina tonyɛ le ma mɔgɛnu bolo, wa? Hali i ye Yuda kɛnu gbesila, bosɛ bɔrɔ sa anu ye. Hali i ya anu tabunden, anu ti kilɛ bira. Anu tole gbɛlɛyanɛ iko farɛ. Anu ya anu ban sɛgila ile Mari ma.

Yɛrɛmaya 5:3 Iomraidhean Croise

Ko-Dabirɛnu 19:34

Wo banda kɛ, ala den fɔlɔtɛ ya a fɔ a dɔgɔ-musi ye ko, “N ya n tasagan n fa fɛ kunu suyi rɔ. A ya a sa n fɛ. Ma ni ma fa lamin gbɛɛ la bi suyi rɔ fanan. Ile fanan ni don ka i rasagan a fɛ alako ma fa sugi la kana to.”

1 Mansɛnu 13:33

Koe kɛ bɛɛ tenbira nkɛkuna, Isirɛla mɔgɛnuna Mansa Yɛrabowami ma a fara ko-yogoma-kɛ la. A tora kebila-gbɛrɛkɛ-mɔgɛnu mala saraka-masɔlɛnu na, hali Lifayi bɔnsɔn-mɔgɔ ma minnu na. Saraka-masɔlɛ wonu tora wɔlila saraka-mintan-tinɛnu tɔ, Mansa Yɛrabowami ya minnu nadan ala bɛsɛnu ye. Saraka-masɔ-sɔgɛ ye mɔgɛ min bɛɛ la, a ya wo bɛɛ ma saraka-masɔlɛnu na.

2 Mansɛnu 1:13

Wo kɔma, mansɛ wo ya ala kɛlɛ-den bi-loli bila ala kɛlɛ-den-kunyɛ do fanan fɛ tun ko anu ni ta Nɛbi Ilaya bira. Wonu fanan ke nɛbi ma, kɛlɛ-den-kunyɛ wo ya kɔnkɛ yɛlɛ ka ta a taran. A ke a ma, a ya a nyɛnkin a kɔrɔ. A ko, “Ile Allata mɔgɛ, i yandi, mabɛ nna mɔgɛ kɛnu niyi latanka.

2 Ko-Kɔrɔta-Karan 16:9

Mari ye duninya mumɛ bɛɛ kumafɛlɛnna, ado a si ata sɛnbɛ di ata mɔgɔ-latelennɛnu ma. Mansɛ, i wara yuwayɛ kɛ. Ka a bi bi ma ha tumɛ min di ale ye, kɛlɛ ti bɔ i kun ma mumɛ!”

2 Ko-Kɔrɔta-Karan 28:22

Tɔrɔyɛ fafara Mansa Ehasi kuma tumɛ min, wo ya a ma, a ya hakɛ kɛ Mari la ka a dan-natenbi.

Yaburi 51:6

Kɔnɔ ile ye nyinina min ma n yisi rɔ fɔ ko-latelennɛ anubɛ tonyɛ dɔrɔn. I ni n sɔndɔmɛ lafa ita hɛnkilimayɛ la.

Yaburi 51:8

Nyagalan anubɛ sewɛ lana n yisi rɔ tun. Hali i wara n tatɛrɛgbɛn, n si sewa i bolo tun, yɔ!

Yaburi 55:20

N ta-nyɔgɛ kɛ le ya a diyana-mɔgɛnu kɛlɛ. Diyanayɛ min bi anu tɛma, a ya a waralɛ tinya.

Hɛnkilimaya-Kumɛnu 21:29

Karagbɛlɛ si a nyɛrɛ layiri ka a nyɛrɛ ma iko a kerinte kɔnɔ mɔgɔ-latelennɛ si anu miri anuna ko-ladan-nya ma.

Hɛnkilimaya-Kumɛnu 22:12

Mari ti sɔn foninya-fɔlɛla foninyɛ ma, kɔnɔ a si tonyɛ kumafunfan.

Hɛnkilimaya-Kumɛnu 23:35

I si to a fɔla ko, “A manɛ iko anu bara n gbesi le kɔnɔ n ma kala sɔrɔn wo ma. N ti ke n kunyɛ kɔrɔbila ni n ma n da raka gbɛɛ la.”

Hɛnkilimaya-Kumɛnu 27:22

Hali i ya kun-takolɔn gbesi ka a niyi madɔgɔya a rɔ, iko mɔgɛ si fui-fan bunden kolɔn rɔ nya min, a ti ala kun-takolonyɛ boloka.

Aiseya 26:11

Mari, i yogenu ma a lɔn mumɛ, ko i si anu tɔrɔ dɛɛ! Anu namiliya le serr, anu ni tɔrɔ. I ya tɔrɔ-dagɛ min namara anu ye, i ni wo rawuya anu kunyɛ ma. Ita mɔgɛnu di i ye nya min, i ni wo yira anu na.

Aiseya 42:25

Woletɔ a ya a ma, ma ara ata diminya-makawanɛ lɔn anubɛ ka kɛlɛ-masibɛ lɔn fanan. Ata diminyɛ ya mintannɛ kɛ Isirɛla nyamanɛ rɔ iko tɛ kɔnɔ ma sa a kalama. Ma ma hɛnkili sɔrɔn wo fenfen ma.

Aiseya 48:4

A ko a ya a lɔn ko wo si ma tolo-gbɛlɛnu na. Wo tole gbɛlɛ iko nɛgɛ anubɛ silɛɛ.

Aiseya 9:13

Hali Mari Sɛnbɛ-Bɛɛ-Tigi ara anu tɔrɔ, Isirɛla mɔgɛnu ma anu sɔ anu hakɛ la, ado anu ma sɔn anu ya-lamununna a la.

Yɛrɛmaya 15:7

Ale Mari ko a si wole, ata mɔgɛnu gbesi foron-tagbesi-bosɛ la ka wo ranyɛnsɛn soe tarɛ don-dɛnu na. A ko bawo wole, ata mɔgɛnu sa wo kɛ-nya yɛlɛmana, a si wo kasara pɔ! A si wola dannu gbɔrɔndo wo kɔrɔ ka anu faga.

Yɛrɛmaya 17:23

Kɔnɔ Mari ko wo benbanu ma sɔn anu tole masɔla a la hali ka ata kumɛ bira. A ko anu tengberenta. A ko Mari ara wo benbanu tɔrɔ nun kɔnɔ anu ma anu bɔ anu gbɛ dala. A ko anu ma anu tole masɔ a la mumɛ!

Yɛrɛmaya 19:15

Mari Sɛnbɛ-Bɛɛ-Tigi, Isirɛlata Alla ko a si kasarɛ lana Yerusalɛm anubɛ a dafɛ-soenu ma. A ti mɛ tun. A ye kɛ fɔla le bawo wo ara wo yisi gbɛlɛya ka wo tengberenya.

Yɛrɛmaya 2:30

A ko a ya wole Isirɛla mɔgɛnu tɔrɔ kɔnɔ tɔrɛ wo ma wo yɛ mabɔ. Wo ya wola nɛbinu faga iko yara-kɔnkɔtoe wa a labɔ soge ma, a ye wo fagala nya min.

Yɛrɛmaya 3:3

Ka a tɛgɛ wo sɔn wonu ma, banda ma na wɛ fɔlɔn de, ado hali banda-yi-kun-fɔlɛ, wo ma na. Wo ya-lakalan-nya manɛ iko yɛlantɛ. Mɔgɛ ti miliya-sumɛ yen wo yakɔrɛ ma.

Yɛrɛmaya 32:19

I miriya kolo. I kɛ-nya kolo. I ye mɔgɛnuna ko-ladan-bole bɛɛ kalama. I si bɛɛ sara iko anu bi wɔlila nya min.

Yɛrɛmaya 44:10

Ha bi, wo ma wo famayigi Mari kɔrɔ wɛ, ado ha bi, wo ma ale Mari gbiliya. Ale Mari ya tɔn minnu di wobɛ wo benbanu ma, ha bi, wo ma wonu bira.

Yɛrɛmaya 7:26

Kɔnɔ a ko wo benbanu ma sɔn anu tole masɔla nɛbi wonu na ka anu kuman-kan bira. Kɔnɔ wole karagbɛlɛ ka tenbi wo benbanu na.

Yɛrɛmaya 7:28

Woletɔ a ko n ni a fɔ wo ye ko sibole le wole la min ti sɔn wo nyɛrɛta Mari Alla kan tola a gbɛ rɔ. A ko a tenbi wo latelenna, ko ti bɔ a rɔ. Wo tole gbɛlɛ dɔgɔma-ma-de! A ko wo sa tonya-wo-tonya fɔla. A ko tonyɛ ara sama wo ma yen!

Yɛrɛmaya 8:5

Nfenna wole, Yuda kɛnu bi samala, wa? Nfenna wole, Yerusalɛm kɛnu sa wo sɛgila kilɛ ma? Wo lanɛ foninyɛnu denu na, wota bɛsɛnu, kɔni. Wo ya wo ban sɛgi-koe ma.

Isikiyɛli 2:4

Anu tole gbɛlɛ, ado anu sa n gbiliyala. Woletɔ n bi ile kilayala anu ma ko nde, wo Tigi Mari Alla ye min fɔla, i ni wo latenbi anu ma.

Isikiyɛli 24:13

Yerusalɛm soela sɔn-yogomɛ ara a kɔsɔ feu! Hali n ya n karan ka a sɛninya, a kɔsɔnɛ si to. A ti ban sɛninyala fɔ n ba nna diminya-wɛ bɛɛ labɔ a ma.

Daniyɛli 9:13

I ya ma tɔrɔ iko Musa ya a sɛbɛ ala tɔn-buku rɔ nya min. Kɔnɔ mata Mari Alla, ma ma ma raya ka duwɛ nyini i bolo ka fara mala hakɛnu na alako ma ni bila ita kila-telennɛ fɛ.

Saraka-Masɔlɛnuta Tɔnnu 26:23

“Ni n ya tɔrɔya su kɛ bɛɛsi lana wo kuma, hali wo, wo ma yɛlɛma ka kalabanteyɛ boloka,

Emɔsi 4:10

Mari ko ale le ya tɔrɔyɛ sigi wo la iko a ya a ma Iyipiti kɛnu na nya min. Ale le ya a ma, wola den-keminɛnu fagara kɛlɛ rɔ. Wo yogenu tara wola soeenu na. A ya a ma, furinu tulun-sumɛ ya wo tɔrɔ wola dagɛnu tɔ. Hali wo, wo ma sɔn wo ya-lamununna Mari la mumɛ!

Emɔsi 4:11

Mari ko ale le ya wole, Isirɛla mɔgɛ donu kasara iko a ya Sɔdɔm anubɛ Kɔmɔra soenu tɔrɔ nya min. Mɔgɔ-toe minnu tora anu niyi la, wonu mani de iko ta ma sɔgɔ kundi. Kɔnɔ hali wo, wo ma sɔn sɛgila Mari ma.

Emɔsi 4:6

Mari ko ale nyɛrɛ-nyɛrɛ nara kɔnkɔ-fitinɛ la wole kuma kɔnɔ hali wo, Mari sɔgɔ-labɔnɛ wo la lass!

Emɔsi 4:8

Wo sɔn magbalata dɔgɔma-ma-de! Hali min ba wuli ka ta soe do rɔ yi-nyini-tinɛ, a ti yi taran nyɔ. Kɔnɔ hali wo, wo ma sɛgi Mari ma mumɛ!

Emɔsi 4:9

Mari ko a ya fɔn-kalamɛ lana wola ki-fannu kuma ka anu bɛɛsi lagbala. A ya kondɔnnu natugu wola ki-fannu anubɛ wola fui-fannu kuma ka anu gbenda feu! Hali wo, wo ma sɔn sɛgila Mari ma.

Sɛfanaya 3:7

Mari ko ni wo ya a yen, a ya a ma wo nya, a ya a lɔn nun ko wole, ata mɔgɛnu si a gbiliya ka kolo a ma lɛp! A ko a miri nun ko wo ara kabana-koe minnu tayen wo yɛ la, wo ti nyina wonu ko nun muk! Kɔnɔ a ko a ma mɛ lefan, wo ya wo ya-lamunun karagbɛlɛyɛ la tun!

Romu 2:2

Ma ya a lɔn ko minnu bi ko-sufa kɛnu mala, yoe ye Alla bolo ka wonu kiti.

Hiburunu 12:9

Ma fa minnu bi duninya kɛ rɔ, wonu bi ma kolola, ado ma ye wonu gbiliyala. Ni ma ye wonu gbiliyala, ma fa min bi Arinyɛni tɔ don? A fisa, ma ni ma famayigi wo kɔrɔ alako ma si ni-bɛrɛ sɔrɔn nya min.