Yɛrɛmaya 5:22 - ALLALA KUMƐ

²² Mari le ale la. Nfenna wo sa kilanna a la? Nfenna wo sa yɛrɛyɛrɛnna a kɔrɔ? Ale le ya kɔgɔ-yi-dan ma kɛnkɛn la alako yi ni to a dagɛ rɔ tolon! Hali a ye tugula a rɔ nya-wo-nya, a ti tenbi a dan kun na. Hali a ye kurunna, a ti a dan keri.

Yɛrɛmaya 5:22 Iomraidhean Croise

Ko-Dabirɛnu 1:9

Wo kɔma Alla ko, “Yi min bi dugu ma, wo la ni dɛn kan-tina-kelen. Dugu-kole ni bɔ yi wo tɛma.” Wo mara iko a ya a fɔ nya min.

1 Mansɛnu 13:28

A tara ka Allata mɔgɛ furi sanɛ yen kilɛ la, yarɛ wonubɛ sofɛlɛ sɔnɛ a dafɛ. Kɔnɔ yarɛ ma furi wo soge fenfen dɔn hali ka ko ma sofɛlɛ wo la.

Yobu 26:10

Pinpi anubɛ waan ye bɛnna kɔgɔ-yi kuma kan min, a ya dan tɛgɛ anu tɛma nyɔ.

Yobu 37:24

Mɔgɛ bɛɛ ye kawala a ma. Ni mɔgɛ min miri ko a hɛnkili kolo, Alla ti a wɔlɔ matɔlɔ wo tigi la.

Yobu 38:8

Dugi tenbi wolonna kɔgɔ-yi la ka a punsɔgɔ tumɛ min, yon ya a buyi lafaga a kɔma nun ka yi wo dan sa?

Yaburi 104:9

I ya dan sa anu ye, anu ti tenbi min kun na mumɛ alako yi wonu kana na dugi mumɛ yamatogon tun!

Yaburi 119:120

N fɛrɛ ye a burila n ma bawo n bi kilanna i la. N kumakɔnɛ kilan bolo ka a tɛgɛ ila kitila ko ma.

Yaburi 33:7

A ya kɔgɔ-yi ladɛn daga kelen tɔ. A ya kɔgɔ-yi-dumɛ balan iko mɔgɛ wa fui-fan kɛ bondɔn rɔ.

Yaburi 46:3

Hali kɔgɔ-yi tora bɔrɔndɔ-bɔrɔndɔla iko sogo-feremɛ, kɔnkɛ bɛɛ ni yɛrɛyɛrɛn a nya-su-bɛɛ ma, ma ti kilan.

Yaburi 99:1

Mari le mansɛ la. A bɛnta mɔgɛnu ni yɛrɛyɛrɛn a kɔrɔ. A mayiginɛ ala mansaya-waganɛ rɔ melika-muninya filɛ tɛma. A bɛnta duninya ni yɛrɛyɛrɛn a kɔrɔ.

Hɛnkilimaya-Kumɛnu 8:29

Alla ya kɔgɔ-yi-dan sa n yala le. Alla ya duninya kurukɛ n yala le.

Aiseya 50:2

A ko a tara i lakisi tinɛ lunyɛ min, nfenna i ma i tole masɔ a la? Nfenna i ma ala keleli labira? A ko ile miri ko i kisi-sɛnbɛ sa a bolo? A ko hali a kumara dɔrɔn, kɔgɔ-yi mumɛ si gbala todo! Bɛnu si yɛlɛma gbangban la. Yɛgɛ minnu bi yi wonu tɔ, wonu si faga.

Aiseya 64:2

Anu si ma iko yi min bi gbonsanna tɛ kuma. I ni ma iko tɛ wa sigi yerima-gbalɛ la. Ni i ya wo ma, i yogenu si i lɔn. Anu ba i yen, anu si to yɛrɛyɛrɛnna kumakɔɛ bolo.

Aiseya 66:5

Wole min bi Marita kumɛ birala, wo ni wo tole masɔ a kan la. A ko wo gboyara wo na-kelen-nyɔgɛnu ye. Anu wulita wo kan ma bawo wo bilanɛ ale Mari fɛ. Anu bi wo rasɛ-kumɛnu fɔla ko, “Nba, alamɛ ata fanka ya wo lakisi, woletɔ ma si to wo sewanɛ yenna.” Kɔnɔ Mari ko fɔ mɔgɔ-mayɛlɛnnɛ kɛnu ba tɔrɔ le serr!

Yɛrɛmaya 10:7

Ile min bi duninya mumɛ kun na, a bɛnta, mɔgɛ bɛɛ ni ile le gbiliya. A bɛnta, anu ni i gbiliya yati! Hɛnkilima-siyaman bi nyɔ kɔnɔ mɔgɔ-wo-mɔgɔ hɛnkili ma gbɛrɛn itɛ rɔ.

Yɛrɛmaya 2:19

A ko wola karagbɛlɛyɛ si tɔrɔyɛ lana wo ma. Wola ko-yogomɛnu si wo don nyagbɛ rɔ. Wo ni wo miri a ma a kilɛ fɛ alako wo ni ko nya-yen. Ka wo kan-kɔ sɔ wota Mari Alla la, wo yogo dɔgɔma-ma-de! A ko ka a fɔ wo ti kilan a la, wo ma telen. Wo Tigi Mari Sɛnbɛ-Bɛɛ-Tigi kan le kɛ la.

Yɛrɛmaya 31:35

Alla ya tele labɔ le alako waan ra ni to kala. A ye a mala, karɛ anubɛ lolenu ta ni gbɛ suyi rɔ. A ye kɔgɔ-yi latugula a rɔ alako anu ni kuma. A tɔgɛ le Mari Sɛnbɛ-Bɛɛ-Tigi.

Daniyɛli 6:26

Min sanɛ wo kuma, n bara ban a latɛgɛla nun nyamanɛ kɛ rɔ, n ko, mɔgɛ bɛɛsi ni kilan Daniyɛlita Alla la ka a gbiliya. Alla-nimɛ le ale la, Aado ale le ye ma lamarala burubukai! Ala mansayɛ ti tinya mumɛ, ado ala fanka dan sa.

Emɔsi 4:12

Woletɔ Mari ko a si wole, Isirɛla mɔgɛnu tɔrɔ. Bawo a ye nala wo tɔrɔla, nba, wo ni wo rabɛn Mari yarɔ min bi wo kitila.

Emɔsi 9:6

Mari warɛ le ye san-kole kɔma pon! A ya dugu-kole kɛ tuwa-fen sigi san-kole kuma. A wa kɔgɔ-yi rakele san ma a si wo labɔn dugu-kole ma, ado a tɔgɛ le Mari!

Yona 1:16

Anu ya a yen min kɛ, fɔnyɔ ra ara to, anu kilanta Nɛbi Yonata Mari la dɔgɔma-ma-de! Anu ya sarakɛ bɔ ka lanyiri kiri Mari ye a matara koe la.

Nehami 1:4

A wa a fɔ kɔgɔ-yi ma, “gbala,” latiriya-bole ma, wo ni gbala todo! Wo si a ma fanan, bɛnu ni gbala. A si a ma fanan, Basan-nyamanita-binyɛnu na ni fɔsɔ. Kamɛli-kɔnkɔ-binyɛnu si ma samayo! Lɛbanan-kɔn-ferenu si gbala kerr!

Matiyu 10:28

Minnu si ke fɛrɛ-bɔnkɛ fagala kɔnɔ a ti ke niyi fagala, wo kana kilan wonu na. Wo ni kilan Alla la bawo wo si ke niyi anubɛ fɛrɛ-bɔnkɛ le kɛla nyahanama rɔ nya-kun-kelen.

Maraka 4:39

Yisa kundenta. A ya a fɔ fɔnyɔ anubɛ yi ye ko, “Fɔnyɔ ma ni kima don!” A sigira a la don! Fɔnyɔ ma tugu tun.

Luka 12:5

Wo ni kilan min na, n si wo yira wo la. Wo ni kilan Allatala la bawo sɛnbɛ ye a bolo ka wo niyi bi, wo kɔma, a ni wo lakɛ nyahanama rɔ. Ɔnde, n bi tonyɛ le fɔla wo ye, wo ni kilan wo la!

Tɔn-Fɔɛ-Fila-Nyɔgɛ 28:58

“Ni wo ma wota Mari Alla tɔgɔ-makawanɛ gbiliya ka ata tɔn kɛnu bira minnu sɛbɛnɛ kitabu kɛ rɔ,

Lankɛnimayɛ 15:4

Mari, yon ti kilan i la? Yon si a ban ila gbiliya-fɔ-koe ma? Ado nfan, i kelen pe le sɛnima. Sibole bɛɛ si na ka batolɛ kɛ i yakɔrɔ bawo mɔgɛ bɛɛ ara ila telenbagaya-kɛwɔlɛnu tayen.”