Yɛrɛmaya 5:17 - ALLALA KUMƐ

¹⁷ Anu si wola fui-fannu anubɛ wola dɔn-fannu ban fegba! Anu si wola dannu dɔn sa! Anu si wola kolo-fannu nato dogbe! Anu si wola ki-fan bɛɛ dɔn tɛrr! Wo lanɛ wola so-latankanɛ minnu na, anu si wonu takerikeri.

Yɛrɛmaya 5:17 Iomraidhean Croise

Aiseya 62:8

Mari ara yili-madiyɛ kɛ. A si lanyiri wo latɔnbagaya ata sɛnbɛ la. A ko a ti wola dɔn-fannu di wo yogenu ma tun. Wo ara tɔrɔ minni-fan min sɔrɔn la, a ti sɔn sundannu ni wo min tun muk!

Aiseya 62:9

Min bi tɔrɔla dɔn-fan min na, wo le ye wo dɔnna, ado wo le si to Alla tantola. Min bi tɔrɔla minni-fan-sɔrɔn la, wo le ye a yi minna. Wo si wo min Bato-Bɔn lu-kole ma.

Aiseya 65:22

Ka a fɔ ko do ni ta a sigi a bɔla bon-nagbalanɛ kɔrɔ, wo ti ma. Do ti ki-fan ki, do ni ta a tɔnɛ dɔn. Mari ko ala mɔgɛnu si mɛ iko tili. Ata mɔgɔ-yabɔnɛnu si to anu diya nyɔ.

Yɛrɛmaya 1:15

Wati-kundu-nɛ wa tenbi, nyamanɛ minnu bi kantɔ-wara la, n si wo mɔgɛnu natugu wo ma. Nyɔ-mansɛnu si na Yerusalɛm soe tarɛ bira-a-la ka soe damasi bira-a-la Yuda nyamanɛ rɔ. Anu si na anuna mansaya-waganɛnu sigi Yerusalɛm tarɛ don-dɛnu na.

Yɛrɛmaya 25:37

Wola ninki de-nyini-tinɛnu bi gbalala. Wo ye mala le bawo Mari fonde ye bɔla dɔgɔma-ma-de!

Yɛrɛmaya 4:26

N yɛ-latɛ, n ya nyamani-hakikɛ yen. A ara ma wula-da-rakolɔn la. A soe bɛɛ ara halaki. Mari nyɛrɛta fondo-bɔɛ gbɛ le kɛ la.

Yɛrɛmaya 4:7

Sibolenuta kasara-kɛlɛ ara fɔlɔla nala iko yarɛ wa bɔ faran la. A ara a warɛ boloka ka na wola nyamanɛ tinya-tinɛ. Wola soenu si tii mɛmɛ! Hali mɔgɔ-den-kelan, a ti to wonu tɔ.

Yɛrɛmaya 5:18

Mari ko hali wo, wo la ti to wo wati rɔ.

Yɛrɛmaya 50:17

Mari ko Isirɛla mɔgɛnu mani de iko yarɛ wa sagɛnu tanyɛnsɛn. Asiriya mansɛ fɔlɔn ya anu dɔn dabira. Wo kɔma, Babilɔn Mansa Nɛbukanasa tora anu kolenu masusunna.

Yɛrɛmaya 50:7

Min ba ale Marita mɔgɛ kɛnu yen, wonu si anu mawulen. Anu yoge wonu kɛnɛna a fɔla ko, “Male ma ko-yogoma ma. Isirɛla mɔgɛ kɛnu bara bila Mari la min kɛ, woletɔ ma ara anu mawulen. Anu benbanu ya anu yigi sa Mari rɔ, ado a bɛnta, anu fanani ni Mari gbiliya nun.”

Yɛrɛmaya 8:13

Mari ko a si wola ki-fannu bi wo bolo. Wola ki-fen-gbɔ-wo-gbɔ ti taran a la. Toro-gbɔ-wo-gbɔ ti taran a la. Hali anu yanba-kunyɛ si yalan. Mari ko a ara min bɛɛ di wo ma nun, a si wo bɛɛ toronde wo la.

Yɛrɛmaya 8:16

Ma yogenu bara ke Dan soe ma kantɔ pan! Ma ye ma yogenuna kɛlɛ-kɛ-soeenu sun-tafɛ-kan lamɔɛnna. Dugi ye yɛrɛyɛrɛnna soeenu na-kan bolo. Ma yogenu bi dugi kɛ anubɛ a fan bɛɛ tinya-tinɛ le kɛ la. Anu bi Yerusalɛm soe anubɛ a mɔgɛnu halaki-tinɛ le.”

Nimisa Koe 2:12

Anu kɛnɛna dila anu nanu da la kɔnkɛ anubɛ kan-nagbalɛla ko la. Anu kɛnɛna kirɔnna-a-la soe burɔ iko mɔgɛ min bara tanban boloko-yogomɛ-kɛ. Anu kɛnɛna anu niyi makawala kinyɛ da rɔ.

Nimisa Koe 2:2

N Tigi Mari ma kinikini so-mɛsɛ fenfen ma Yuda nyamanɛ rɔ. A ara anu bɛɛ halaki pɔ! So-latankanɛ min bɛɛ ye Yuda nyamanɛ lakanan-koe la, a ara wo bɛɛ labui fugbu! A ya nyamanɛ anubɛ a mɔgɔ-banu fɛrɛn dugi la yarabiyi bolo.

Isikiyɛli 36:4

Kɔnkɛnu anubɛ gburukulinu wo, folenu anubɛ lɛɛnu wo, kan-tina-tinyanɛnu wo, tonbɔn minnu nafɛyanɛ sibolo-gbɛrɛnu bolo wo, anu ni anu tole masɔ nde, anu Tigi Mari ye nala min fɔla anu ye.

Hoseya 2:12

A ya ki-fen-gbɔ-hakikɛ min bɛɛ sɔrɔn ala keminɛnu bolo a sarayɛ la, n si wo damasi halaki. N si ala ki-fan bɛɛ ma fɔgbɛ la, ado firarɔ-sogenu si to wonu dɔnna.

Hoseya 8:14

“Wole Isirɛla mɔgɛnu bara bon-hakikɛnu sɔ wo nyɛrɛ ye ka nyina nde, wo Dali-Mari ko salon! Wole Yuda kɛnu fanan bara wola so-latankanɛnu sɔ kɔnɔ nde, Mari si tɛ layigi ka bon-hakikɛ wonubɛ so-latankanɛ wonu mintan gburr!”

Yowɛli 2:3

Anu bi ki-fannu banna le iko tɛ ye bin-gbalɛ banna nya min. Mala nyamanɛ mani de anu ya rɔ iko Alla ya nakɔɛ min nadan ma benba Hadama ye. Anu ba bɔ kan min, nyɔ si ma iko wula-da-rakolɔn. Anu ti tenbi fenfen na.

Saraka-Masɔlɛnuta Tɔnnu 26:16

n si wo tɔrɔya. N si yakɔrɔ-mamɔɛ lana wo kuma iko kiraya-yogomɛ sufa min ti dandan, anubɛ fɛrɛma-kaliyɛ min si wo fiyonya ka wo bara wao! Wo si wola suginu fui kɔnɔ wo ti fenfen sɔrɔn bawo wo yogenu si bui wo ma ka wola dɔn-fen-sabatinɛnu bi wo bolo ka ta anu na.

Sɛfanaya 3:6

Mari ko ka a tɛgɛ wole, Isirɛla mɔgɛnuna ko ma, a ara sibolo-siyaman nato nun dogbe! A ya anuna soenu kasara ka anuna tarɛnu anubɛ anuna nyamani-kumafɛlɛn-tinɛnu tinya pɔ! Anuna soenu mara tonbon-bɛrɛbɛrɛ la.

Malakayi 1:4

Idɔm kɛnu, Isɔ kegeyɛ, kɔni, tumado wonu si a fɔ ko, “Hali mala soenu bara kasara, ma si anu sɔ-kura-kɛ tun.” Ni anu ya wo fɔ, Mari si a fɔ worɔ ko ni anu ya anu sɔ tun, a si na anu tii mɛmɛ! Mɔgɛnu si na nyamanɛ wo kele ko, “Karagbɛlɛya-nyamanɛ.” Anu si to a fɔla tun fanan ko, “Mari fonde bɔnɛ nyɔ-mɔgɛnu kan ma tolon!”

Tɔn-Fɔɛ-Fila-Nyɔgɛ 28:33

Wo wa ban tɔrɔ-dɛgbɛ kɛla sɛnɛ minnu na, sibolo-gbɛrɛkɛ-mɔgɛnu si na sɛnita-fan wonu bi ka ta a la anu bolo pon! Woleta tɔnɛ si ma tɔrɛ anubɛ bosɛ la.