Yɛrɛmaya 49:23 - ALLALA KUMƐ

²³ Mari ya kɛ le fɔ Damasika kɛnuna ko rɔ. Hamati so-burɔ-mɔgɛnu wo, Arapadi so-burɔ-mɔgɛnu wo, wonu kun ma si kɔ ka a tɛgɛ anu bara yisi-tinya-kumɛ min namɔɛn. Hɔnya ye tugula anu kan ma iko gboron-gboronna-yi. Sulen sa anu ma.

Yɛrɛmaya 49:23 Iomraidhean Croise

Ko-Dabirɛnu 14:15

A ya ala kɛlɛ-dannu tatala nyɔ rɔ. Wonu tara mansɛ wonu natɛrɛna suyi rɔ ka anu kɛlɛ. Anubɛ ala kɛlɛ-dannu ya mansɛ wonu nɔ ka ta anu gbenna ha ka ke Hoba soe burɔ, Damasika soe kan tɔ.

Ko-Dabirɛnu 15:2

Kɔnɔ Burama ko, “E, n tigi Mari Alla, i ye n barayila nfenna ko la? Den sa n bolo. N kɛɛ-bila sa, fɔ nna wɔli-kɛlɛ Ɛliyesa Damasika kɛ, wo le ye n kɛɛ bila.”

2 Samuwɛli 17:10

Woletɔ ni wo ara don mɛ rɔ, hali ila kɛlɛ-dan minnu kerinte iko yarɛ, wonu kun ma si kɔ kilan bolo bawo Isirɛla mɔgɛ damasi ya a lɔn ko i fa Dawuda anubɛ ala kɛlɛ-dannu kolo gbɛlɛ.

2 Samuwɛli 8:9

Siriya mansɛ doi min bi Hamati soe kun na, Mansa Tɔyi, kɔni, wo ya a lamɔɛn min kɛ ko Mansa Dawuda ara Mansa Hadadisa nɔ,

2 Mansɛnu 17:24

So loli kɛnu, Babilɔn, Kuti, Ifa, Hamati, anubɛ Sifafeyim, Asiriya mansɛ ya ala nyamanita-mɔgɛ donu bi nyɔnu tɔ. A tara wonu to Samariya soenu tɔ Isirɛla nyamanɛ rɔ ka anu sɔ Isirɛla mɔgɛnu gbɛ rɔ. Asiriya mɔgɛ kɛnu ya Isirɛla so-kunbɛnu bi ka wonu ma anu halalɛ la.

2 Mansɛnu 18:34

Mala mansɛ ko Hamati kɛnu anubɛ Arapadi kɛnuna bɛsɛnu bi mintɔ gbɛ? Sifafeyim kɛnu wo, Hena kɛnu wo, Ifa kɛnu wo, wonuna bɛsɛnu bi mintɔ? A ko bɛsɛ kɛ do kera Samariya soe kunkala, wa?

2 Mansɛnu 19:13

Hamati kɛnuna mansɛ ye mintɔ gbɛ? Arapadi kɛnuna mansɛ ye mintɔ gbɛ? Sifafeyim kɛnuna mansɛ ye mintɔ gbɛ? Hena kɛnuna mansɛ ye mintɔ gbɛ? Ifa kɛnuna mansɛ ye mintɔ gbɛ?”

2 Mansɛnu 5:12

Yanni n ni n ku Isirɛla bɛ kɛnu tɔ, nfenna n ti ta n ku Damasika bɛnu tɔ iko Abana bɛ, ni wo ma, Fapa bɛ rɔ? Wonu gbɛra ka tenbi Isirɛla bɛ kɛnu na. N ti n ku wonu tɔ ka kɛndɛya?” A tara a yisi ma a ye.

2 Ko-Kɔrɔta-Karan 16:2

Mansa Esa ya sɛnɛ anubɛ wodi-gbɛ bi Mari Bato-Bɔn anubɛ ata bolɔn la ka wonu nata Siriya Mansa Bɛnhedadi ma Damasika soe burɔ. A ya sarakanɛ lata ale mansɛ wo ma, a ko,

Bɔ-Koe-Iyipiti 15:15

Idɔm kɛnu si kilan ha ka a dan-natenbi. Mohabu mɔgɔ-banu si yɛrɛyɛrɛn. Kenan kɛnu mankulan si bɔ anu ma kilan bolo.

Aiseya 10:9

Kalano soe wo, Kakemisi soe wo, Hamati soe wo, Arapadi soe wo, Samariya soe wonubɛ Damasika soe, n bara soe kɛ bɛɛ bira-a-la.

Aiseya 11:11

Wo wati wa ke, Mari si ata sɛnbɛ lawɔli alako ata mɔgɛ minnu bi Asiriya anubɛ Iyipiti ni sɛgi anu barɛ tun. Iyipiti nyamanɛ dugu la wo, Sudan nyamanɛ wo, Ilam nyamanɛ wo, Babilɔniya nyamanɛ wo, Hamati nyamanɛ wo, kɔgɔ-yi-dafɛ-nyamanɛnu wo, yi-tɛma-nyamanɛnu tɔ wo, anu si na ka bɔ wo bɛɛ rɔ.

Aiseya 13:7

Mɔgɛ bɛɛ bolo dunnɛ si to a la lɔsɔrɛ! Mɔgɛ bɛɛ yigi si tɛgɛ gbat!

Aiseya 36:19

Mala mansɛ ko Hamati kɛnu anubɛ Arapadi kɛnuna bɛsɛnu bi mintɔ gbɛ? Sifafeyim kɛnuna bɛsɛnu bi mintɔ? A ko bɛsɛ kɛ do kera Samariya soe kunkala, wa?

Aiseya 37:13

Hamati kɛnuna mansɛ ye mintɔ? Arapadi kɛnuna mansɛ ye mintɔ? Sifafeyim kɛnuna mansɛ ye mintɔ? Hena kɛnuna mansɛ ye mintɔ? Ifa kɛnuna mansɛ ye mintɔ?”

Aiseya 57:20

A ko karagbɛlɛnu mani de iko kɔgɔ-yi ye tugula a rɔ nya min. Anu ti bandan yi dundula bore la.

Aiseya 7:8

A ko min ya a to a ya kɛ fɔ, Siriyanu ta ma gbɛlɛ ka ke anuna so-karantan Damasika kɛnu tɔ. Damasika kɛnu fanan ta ma gbɛlɛ ka ke anuna Mansa Risen tɔ, ado yanni san bi-wɔrɔ ani san loli (65) gbɛ, a ko Isirɛla mɔgɛnu ta ara ban nyɛnsɛnna. Mɔgɛ ti anu lɔn fenfen na wo rɔ tun.

Yɛrɛmaya 39:5

Kɔnɔ Babilɔn kɛlɛ-dannu ya anu sagaran ka ale Mansa Sɛdɛkaya bira gbɛkole do ma Yɛrikɔ soe dafɛ. Anu tara a la Nɛbukanasa wara Ribila soe burɔ Hamati nyamanɛ rɔ. Nɛbukanasa ya a yiliki-koe latɛgɛ nyɔ le.

Isikiyɛli 27:18

Anubɛ Damasika kɛnu ya yilayɛ kɛ anu nyɔgɔn tɛma. Anu ya Halibɔn soeta gbɛɛ anubɛ Sahari soe saga-siyi felen Taya kɛnu ma. Anu ya nɛgɛ-da-gbɛlɛ anubɛ kɛnɛ-subolo-siyaman felen Taya kɛnu ma.

Emɔsi 6:2

Wo ye a fɔla wola mɔgɛnu ye ko anu ni ta Kalanɛ so-tinyanɛ mafɛlɛn, wo kɔma, anu ni ta Hamati so-karantan tinya-nya mafɛlɛn. Anu ni ta Kati so-wɛ mafɛlɛn min bi Filisitinu bolo. Wo ya anu manyinika ko, ‘Soe minnu bi Isirɛla anubɛ Yuda nyamanɛnu tɔ yan, wonu ma fisa sibolo-gbɛrɛ kɛnuna soenu ko, wa? Wola nyamani filɛ kɛnu ma kolo sibolo-gbɛrɛ kɛnuna nyamanɛnu ko, wa?’

Nehami 2:10

Wole Ninɛfa kɛnu, wola soe ara kasara pɔ! Wo bɛɛ ara wo buri. Nyɔ ara ma tonbɔn la. Wo ara mɔlɔkɔn kilan bolo ka ma tulan!

Yilan-Yilan Koe 13:21

Mɔgɔ-ba tan-ni-filɛ kɛnu bɔra Paran wulɛ rɔ ka ta Kenan nyamanɛ mafɛlɛn tumɛ min, anu ya Kenan nyamanɛ mafɛlɛn fɔlɔn Sini wulɛ rɔ dugula wara la. Anu tara a mafɛlɛnna dugula wara la ha Anaki bɔnsɔn-mɔgɛnu bi Hiburɔn soe burɔ kan min. Anu ya Anaki kebilɛ min taran nyɔ, wonu kunba, anu yan, anu sɛnbɛ kolo. Anuna kebila-kunyɛnu tɔgɛ le kɛnu na, Ahiman wo, Sɛsayi wo, Talamayi wo. (Hiburɔn soe kina Sowan soe ko min bi Iyipiti nyamanɛ rɔ, san wɔrɔnfila.) Anu tara Kenan nyamanɛ lakɔrɔsila fanan kantɔ ha Rihobu soe burɔ min bi Hamati kɔnkɔ-gbɛran wara la. Anu sɛgimatoe belenta nɔnbɔ-gbɔɛ tɔnsɔn kelen tɛgɛla ka wonu bi. Anu ya nɔnbɔ-tɔnsɔn min tɛgɛ, wo gbili. Ka a tɛgɛ ata gbiliyɛ ma, fɔ anu ba a kiri kɔlɔma ma. Mɔgɔ fila si kɔlɔma wo bi ka a sa anu kanban-kunyɛ ma. (Anu ya nɔnbɔ-gbo-tɔnsɔn wonu sɔrɔn fole min na, anu ya fole wo tɔgɔ sa Tɔnsɔn Fole.) Anu nara toro-gbɔɛ anubɛ kɔlɔma-gbɔɛ donu fanan na min tɔgɛ pamakarani.

Kɛwɔlɛnu 27:20

A ya tele siyaman bɔ, ma ma ke tele anubɛ lolenu yenna banda-fin-bɛ bolo. Fɔnyɔ tora bɔla bɛrɛkɛ! A laban, ma yigi bɛɛ tɛgɛra ko ni ma si kisi.

Kɛwɔlɛnu 9:2

ka kɛdinu manyinika a bolo minnu si ale Sɔli wara-koe fɔ Yahudiyanuna dina-bon-kun-tiginu na Damasika soe burɔ. Kɛdi wonu ko ni a ya mɔgɔ-wo-mɔgɔ taran Marita kilɛ fɛ nyɔ, a ni wo bira ka ta wo la Yerusalɛm, kei wo, musu wo.

2 Kɔrɛnti 11:32

N bi Damasika soe burɔ tumɛ min, sigisɔn-mansɛ min bi Mansa Arɛtasi kɔrɔ, wo ya a kandannɛnu sɔ soela foolɛ rɔ n bira-koe la.

Tɔn-Fɔɛ-Fila-Nyɔgɛ 20:8

“Kɛlɛ-kurugbɛ si nyinikalɛ sa tun ko, ‘Mɔgɛ do ye wo tɛma yan tɔ, kilandɔgɔtore min na? Ni wo tigi ye wo tɛma, a ni ta a warɛ. Ni wo tigi tara wo fɛ kɛlɛ rɔ, a si a ma, a ta-nyɔgɛnu ni kilan.’

Yasowa 14:8

Mabɛ n ta-nyɔgɛ minnu tara, wonu ko ma ti mɔgɛ wonu nɔ. Wonu ya a ma, Isirɛla mɔgɛnu kilanta. Kɔnɔ male ya Marila kumɛ bira.

Yasowa 2:11

Ma ya wo lamɔɛn wati min, ma dama kilanta. Ma yigi tɛgɛra feu! Sɛnbɛ ma taran ma bolo tun bawo ma ya a lɔn ko Mari Alla Min Bi Fan Bɛɛ Kuma san-kole rɔ anubɛ dugu-kole kuma, wo ye wole fɛ.