Yɛrɛmaya 49:16 - ALLALA KUMƐ

¹⁶ Anuna wasinteyɛ ara anu bolo labira bawo mɔgɔ-wo-mɔgɔ ti kilan anu na tun iko anu miriya ye nya min nun. Hali anu sigira fara-kolo-kɔnkɔ-layan-bɛnu kuma, hali anu yɛlɛta san ma pon iko kokɛ, Mari ko a si anu fɛrɛn dugi la. Mari kan le kɛ la.

Yɛrɛmaya 49:16 Iomraidhean Croise

2 Mansɛnu 14:7

Mansa Hamasa ya Idɔm kɛlɛ-dan waga tan (10,000) faga lɛɛ do rɔ min tɔgɛ ko Kɔgɔ lɛɛ. A tara soe do bi min tɔgɛ Sela. A ya soe wo tɔgɛ yɛlɛma ka a kele ko Yokatili. Tɔgɛ wo le tora soe wo kuma ha bi.

Yobu 39:27

Kokɛ ti ta a nyagan sa san ma, fɔ a wa i makɔni, i ni a fɔ a ye, wa?

Hɛnkilimaya-Kumɛnu 16:18

Mɔgɔ-wasinɛ ti mɛ buila. Wasinteyɛ si mɔgɛ kasara.

Hɛnkilimaya-Kumɛnu 18:21

Mɔgɔla kumɛ tenbira niyi anubɛ sayɛ la. Kuma-siyaman-fɔɛ di min ye, wo si nanparan sɔrɔn ka a tɛgɛ a darɔ-kan ma.

Hɛnkilimaya-Kumɛnu 29:23

Wasinteyɛ si mɔgɛ layigi kɔnɔ ni a ya a famayigi, a si gbiliyɛ sɔrɔn.

Keninteya-Siginu 2:14

I manɛ iko wondere minnu dogonnɛ fara-woenu tɔ kɔnkɛ kuma. N ni i yakɔrɔ-nyimɛ yen. N ni ila kuma-tuninyanɛnu namɔɛn.

Aiseya 10:14

A ko sibole min bɛɛ ye duninya rɔ, wonu mani de iko sisi-kililamɛ. A ko a ya anu bolo-fan bi anu bolo iko mɔgɛ ye sisi-kili bila nya min. A ko a ma kanban tagbesi a ma, ni wo ma ka a gbɔnkan.

Aiseya 2:21

Mari wa na dugu layɛrɛyɛrɛn tinɛ tumɛ min, mɔgɛnu si na anu dogon farannu na kɔnkɛnu tɔ. Anu bi dugu-kɔrɔ-kilɛnu sala alako anu ni bɔ Marita fondo-bɔɛ kɔrɔ. Anu sɛbɛ donnɛ ka anu dogon Marita sɛnbɛ anubɛ gbiliyɛ kɔrɔ.

Aiseya 49:25

Mari ko wo ye nala mala le yati! Mɔgɔ-biranɛ si a porokɔlɔ kɛlɛ-nyana bolo. Kɛlɛ-dannu ya min bi kɛlɛ kuma, wo si toronde anu na. Mari ko mɔgɔ-wo-mɔgɔ ya ile Yerusalɛm kɛlɛ, ale fanan si wo tigi kɛlɛ. A si to ila dannu kunyɛ bɔla gbaran rɔ.

Yɛrɛmaya 48:14

Mohabu keinu bi anu nyɛrɛ mala kɛlɛ-nyananu na nfenna ko la? Anu miri ko kɛlɛ ara anu tasuma nun, ba?

Yɛrɛmaya 49:15

Mari ko a ti mɛ tun, a si Idɔm sibole madɔgɔya. Anu bɔrɔ ti taran mɔgɔ-wo-mɔgɔ ye.

Yɛrɛmaya 50:29

A ko kalabɛn-nakɛlɛnu ni Babilɔn kɛlɛ. Minnu kusan kalabɛnnu nakɛla, anu dama ni ta. Anu ni anu mini anuna so-karantan ma alako mɔgɔ-den-kelen-kunyɛ kana bɔ a rɔ. Anu ni anuna karagbɛlɛyɛ yili sara anu na. Anu ni Babilɔn bira boloko-yogomɛ-kɛ iko anu bara doinu bira nya min, ado Babilɔn taranta anu nyɛrɛ kɔrɔbila ale Isirɛlata Alla-Sɛnimɛ kan ma.

Yɛrɛmaya 51:53

Hali Babilɔn yɛlɛta ha ka ke banda-kole ma, anu ni kan-tina-layan-bɛ sɔ nyɔ, Mari ko a si mɔgɛnu nana nyɔ ka anu kasara. Mari kan le kɛ la.

Emɔsi 9:2

A ko hali minnu ba denkɛ sin fɔɔ lakira, a si wo bira nyɔ. Hali minnu yɛlɛta san ma pon, a si wo layigi dugi ma.

Habakuku 2:9

Wole karagbɛlɛnu, wo si wota nondɔn sɔrɔn de serr! Wo ya minnu bɔ mɔgɛnu bolo karagbɛlɛyɛ la duninya rɔ, wo ara a ma, wola denbayɛnu bara ma fen-tiginu na. Wo ara wo raya ka wola soenu natanka tɔrɔyɛ ma.

Malakayi 1:3

kɔnɔ Isɔ anubɛ a kegeyɛ ma di a ye. A ko a ara Isɔla kɔnkɔ-nyamanɛ tinya ka nyɔ ma fira-wulinu-halalɛ la.