Yɛrɛmaya 49:11 - ALLALA KUMƐ

¹¹ Mari ko anu ni wola kelennɛnuna fɛ-birɛ to ale ma. Anuna kɛɛ-nyaganɛnuna dunɛ si to ale ma.

Yɛrɛmaya 49:11 Iomraidhean Croise

Yaburi 146:9

Mari kɛnɛna kɛɛ-musinu anubɛ kelennɛnu dɛnbɛna. A si sibolo-gbɛrɛnu natanka minnu bi ma tɛma kɔnɔ a si karagbɛlɛnu nata anu kasara tinɛ.

Yaburi 68:5

Alla min siginɛ a Bato-Bon-sɛnimɛ la, a kolan sanɛ kelennɛnu anubɛ kɛɛ-musinu fɛ.

Yaburi 82:3

Wo ni kelennɛnu anubɛ bolo-kolɔnnu yoe ma anu yoe la. Wo ni ko-latelennɛ ma fugarɛnu anubɛ mɔgɔ-yigi-tɛgɛnɛnu ye.

Hoseya 14:3

Wo kɔma, wo ni a fɔ ko, “Asiriyanu ti ke ma lakisila. Mala kɛlɛ-kɛ-soeenu ti ke ma lakisila. Ma ti a fɔ tun ko bɛsɛ le mata Alla la.” Wo ni a fɔ ko, “E, Mari, i ni ma dɛnbɛ bawo ma mani de iko kelennɛ minnu bi dɛnbɛnɛ sɔrɔnna ile le bolo.”

Yona 4:11

Nfen ya a to gbɛ, nde ti kinikini Ninɛfa mɔgɛ kɛnu ma? I miri de, dennɛ minnu bi Ninɛfa soe kɛ rɔ minnu ma anu hɛnkili sɔrɔn bɛ, anu tenbira mɔgɔ waga kɛmɛ ani mɔgɔ waga mogan na (120,000). Hali kolo-fannu, wonu fanan siya. Nde kana kinikini so-karantan-kɛ-mɔgɛnu ma wo rɔ, wa?”

Sakaraya 7:10

A ya a fɔ fanan ko wo kana a ragbɛlɛya kɛɛ-musinu anubɛ kelennɛnu anubɛ sibolo-gbɛrɛnu kuma minnu siginɛ wo tɛma. A ko wo kana a lagbɛlɛya fugarɛnu fanan kuma. Wo kana wo miri ko-yogomɛ ma wo nyɔgɔn kan ma.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Tɔn-Fɔɛ-Fila-Nyɔgɛ 10:18

Wo ni a lɔn ko Mari ti sɔn mɔgɛ ni kɛɛ-nyaganɛnu anubɛ kelennɛnu bira boloko-yogomɛ-kɛ. Sundan minnu bi wo tɛma, wonu di Alla ye, ado ale le ye anu makoe nyinyala.

1 Timoti 5:5

Kɛɛ-musi min kun makolɔn, wo si a yigi sa Alla kuma fasai! A si to Alla matarala ata dɛnbɛnɛla ko la su-ni-tele.

Yemesi 1:27

Ma Fa Alla si sɔn dina min ma, wo le kɛ la. Wo tigi ni kelennɛnu anubɛ kɛɛ-musinu dɛnbɛ anuna tɔrɔyɛ rɔ. A ni a nyɛrɛ sɛninyanɛ mara duninya-ko-yogomɛ-bɛɛ ma. Dina kɛ, fɛɛ-wo-fɛɛ sa a la, ado dina-latinyani ma.