Yɛrɛmaya 49:1 - ALLALA KUMƐ

¹ Mari ya kɛ le fɔ Amonnuna ko rɔ. A ko kurusi-tigi sa Isirɛla mɔgɛnu tɔ min si anuna nyamanɛ kumafunfan? Nfenna Molɛki kɔlɛnu ya Kadi bɔnsɔnta nyamanɛ bi anu yala ka sigi nyɔ, anu ma fenfen fɔ?

Yɛrɛmaya 49:1 Iomraidhean Croise

Ko-Dabirɛnu 19:38

A dɔgɔmɛ fanan ya den-kei sɔrɔn. A ya a tɔgɔ sa Bɛn-Ami. Amonnu benba le wo la.

2 Mansɛnu 10:33

tele-bɔɛ wara la Yorodan bɛ kɔgɔma. A ya kan tinɛ min bi Yorodan bɛ kɔgɔma dugula wara la, wo le tara furr, ha Arɔra soe min bi Anɔn bɛ dafɛ. Kaliyadi nyamanɛ anubɛ Basan nyamanɛ le nyɔ waralɛ la nun. Kɔnɔ Kadi bɔnsɔn anubɛ Rubɛn bɔnsɔn anubɛ Manasa bɔnsɔn-talɛ denu siginɛ nyɔ rɔ.

2 Mansɛnu 24:2

Mari ya a ma, nyamani-kun nani mɔgɔ-kurɔn donu wulita Yuda nyamanita-mɔgɛnu kan ma iko Mari ya a fɔ ala wɔli-kɛla nɛbinu ye nya min nun. Kurun do bɔra Babilɔn, do nara ka bɔ Siriya nyamanɛ rɔ, do nara ka bɔ Mohabu nyamanɛ rɔ, anubɛ do nara ka bɔ Amon nyamanɛ rɔ.

2 Ko-Kɔrɔta-Karan 20:1

Wati tenbinɛ, Mohabununa kɛlɛ-dannu wo, Amonnuna kɛlɛ-dannu wo, anubɛ Mɛhunnuna kɛlɛ-dannu ka bɔ Idɔm nyamanɛ rɔ, wonu tara bui Yuda nyamanɛ ma.

2 Ko-Kɔrɔta-Karan 20:23

Amonnuna kɛlɛ-dannu anubɛ Mohabununa kɛlɛ-dannu tara bui Idɔm kɛlɛ-dannu ma ka anu bɛɛ kasara. Anu ban wonu kɛla, Amonnu anubɛ Mohabunu ya anu ya-lamunun anu nyɔgɔn na ka anu nyɔgɔn faga.

Nihɛmaya 2:19

Kɔnɔ Sanbalati anubɛ Tobaya anubɛ Arabu min tɔgɛ Kesɛm, wonu ya a lamɔɛn min kɛ ko ma ye soe anubɛ a tarɛ mabɛnna, anu ya ma mayɛlɛn ka ma bɔrɔbɔ. Anu ko, “Wo ye nfen kun na kɛ la? A sɔgɛ ye wo la, wo ni murutiya mansɛ ma, wa?”

Nihɛmaya 4:7

Sanbalati wo, Tobaya wo, Arebiyanu wo, Amonnu wo, anubɛ Asadadi kɛnu ya a lamɔɛn min kɛ ko ma ara yanfa Yerusalɛm tara-sɔɛ rɔ, ado anu bara don a labilɛ rɔ anu nyɔgɔn ma, anu dama diminyara kosɛbɛ!

Yaburi 83:7

Kibali kɛnu wo, Amonnu wo, Amalɛkinu wo, Filisitinu wo, anubɛ Taya kɛnu.

Yaburi 9:6

I wara anuna soenu wurun ka anu tinya ka anu ma habadan-tonbɔnnu na. Mɔgɛ bɛɛ si nyina anu wara-koe la don!

Yɛrɛmaya 12:14

Mari ya a fɔ nde, Yɛrɛmaya ye ko sibolo-gbɛrɛ-karagbɛlɛ minnu si nyamanɛ bi ata Isirɛla mɔgɛnu bolo, a ye kɛ le sigila wonu ma. A ko a si anu wurun anuna nyamanɛ rɔ ka anu nakɛ a rɔ iko a si Yuda mɔgɛnu wurun anu tɛma nya min.

Yɛrɛmaya 25:21

Idɔm mɔgɛnu anubɛ Mohabu mɔgɛnu anubɛ Amon mɔgɛnu wo,

Yɛrɛmaya 25:9

a si kantɔ-mɔgɛ bɛɛ kele wo kan ma katarala Babilɔn Mansa Nɛbukanasa ma, ata wɔli-kɛlɛ, kɔni. A ko mansɛ wo si na wole Yuda nyamanita-mɔgɛ bɛɛ kɛlɛ anubɛ wo dan-masa-nyɔgɛnu. Anu ba ban wo kɛlɛla, anu si wola nyamanɛ kasaranɛ to. Mɔgɛ min ba nyɔ yen, wo kuma si tɛgɛ.

Yɛrɛmaya 27:3

Wo ya a taran, Idɔm mansɛ wo, Mohabu mansɛ wo, Amon mansɛ wo, Taya mansɛ wo, anubɛ Saidon mansɛ wo, wonu ya anuna mɔgɔ-banu nana Mansa Sɛdɛkaya kɔndɔn tinɛ Yerusalɛm soe burɔ. Mari ya a fɔ n ye ko n ni n sara nyamanɛ kɛnuna mansɛnu na kilayɛ kɛnu bolo.

Yɛrɛmaya 48:1

Mari Sɛnbɛ-Bɛɛ-Tigi ya kɛ le fɔ Mohabu nyamanɛla ko la. A ko bɛɛ ni kinikini Nibɔ kɛnu ma bawo anu si na kasara. Kiriyateyim soe si bira. A tara-layan-bɛ si bui fugbu! A mɔgɛnu yarabinɛ si to,

Yɛrɛmaya 49:23

Mari ya kɛ le fɔ Damasika kɛnuna ko rɔ. Hamati so-burɔ-mɔgɛnu wo, Arapadi so-burɔ-mɔgɛnu wo, wonu kun ma si kɔ ka a tɛgɛ anu bara yisi-tinya-kumɛ min namɔɛn. Hɔnya ye tugula anu kan ma iko gboron-gboronna-yi. Sulen sa anu ma.

Yɛrɛmaya 49:28

Mari ya kɛ le fɔ Kedarinu anubɛ Hesɔ soela ko la, Babilɔn Mansa Nɛbukanasa ye nala minnu nɔla, kɔni. A ko anu ni na Kedarinu kɛlɛ, minnu siginɛ tele-bɔɛ wara la, kɔni.

Yɛrɛmaya 49:7

Mari Sɛnbɛ-Bɛɛ-Tigi ya kɛ le fɔ Idɔm kɛnuna ko rɔ ko hɛnkilima sa Idɔm kɛnu tɔ, wa? Anu hɛnkili-kɔlɛnuna hɛnkili ara toronde anu na, wa? Anuna ko-lɔn ara tunu anu bolo, wa?

Isikiyɛli 21:25

“I ni a fɔ Isirɛla mansɛ ye ko nde, wo Tigi Mari kan le kɛ la. Ale Isirɛla mansa-yogomɛ, min sɛninyabɛlɛ ni a makɔnɔ tun. Ata tɔrɔyɛ ye a kɔma. Ale nyɛrɛ ni ala mansaya-fulɛ wo pope a kunyɛ la. Fenfen ra ti kɛnya tun! Bolo-kolɔnnu si ma sɛnbɛ-tiginu na. Sɛnbɛ-tiginu si ma yɔɔnnu na.

Isikiyɛli 25:1

Mari ya a fɔ n ye ko,

Sɛfanaya 1:5

Mɔgɔ-wo-mɔgɔ yɛlɛta kan-tina-layan-bɛ kuma alako a ni tele anubɛ karɛ anubɛ lole bato nyɔ, Mari ko a si wo tigi kasara pɔ! Minnu bi Mari batola ka telenbagaya-lanyiri kiri a ye, wo kɔma, a ni ta a gboro bɛsɛ wo rɔ min tɔgɛ Molɛki, Mari ko a si wonu fanan kasara.

Tɔn-Fɔɛ-Fila-Nyɔgɛ 2:19

Wo wa tenbi nyɔ la, wo ara gbɛrɛn Amonnuna nyamanɛ ma. Lɔti bɔnsɔn le wonu na. Wo kana yakɔrɔ-mamɔɛ anubɛ nanparan sanba anu ma bawo Mari ti anuna nyamanɛ di wo ma. A ya nyɔ di anu denu ma pe.’ ”

Tɔn-Fɔɛ-Fila-Nyɔgɛ 23:3

“Amonnu wo, Mohabu mɔgɛnu wo, ka a bi anu denu ma ha ka a sigi anu bɔnsɔn tan ma, a ma bɛn wonu ni taran wole Isirɛla mɔgɛnu fɛ Mari madiya tinɛ

Tɔn-Fɔɛ-Fila-Nyɔgɛ 23:4

bawo wo ye tagamana ka bɔ Iyipiti nyamanɛ rɔ, anu ma sɔn dɔntɛ anubɛ yi dila wo ma. Min sanɛ wo kuma, anu ya Beyorila dan Nɛbi Belam kele ka bɔ Petori soe burɔ Babilɔn nyamanɛ rɔ pon! Anu ya a sara wole Isirɛla mɔgɛnu danka-koe la.