Yɛrɛmaya 48:7 - ALLALA KUMƐ

⁷ Mohabu kɛnu yili-latɛgɛnɛ anu sɛnbɛ anubɛ anuna nɔnfuli ma, anu si ta biralɛ rɔ. Anuna bɛsi Kimɔsi fanan si ta biralɛ rɔ. Anu yogenu si ta bɛsɛ wonubɛ a kɔlɛnu anubɛ ala mɔgɔ-banu na.

Yɛrɛmaya 48:7 Iomraidhean Croise

2 Samuwɛli 5:21

Filisitinu ya anu buri Mansa Dawuda kɔrɔ tumɛ min, anu ya anuna bɛsɛnu to nyɔ. Mansa Dawudala keminɛnu ya wonu bi ka ta anu tinya.

1 Mansɛnu 11:33

Mari ko ni i ya a yen, a ye bɔnsɔn kelen pe tola Mansa Silamɛni bolo, a ye wo mala bawo mansɛ ara a kan-kɔ sɔ a la. A ko Saidon kɛnuna bɛsɛ min tɔgɛ Asitɔra, a ye wo kɔla. A ko Mohabu kɛnuna bɛsɛ min tɔgɛ Kimasi, a ye wo fanan kɔla. Amonnuna bɛsɛ min tɔgɛ Molɛki, a ye wo kɔla ka a madu wo kɔrɔ. Mari ko Mansa Silamɛni ara ala tɔn tinya. A ma sɔn ata tɔn-bira-koe ma iko a fa Mansa Dawuda duruta a mala nya min.

1 Mansɛnu 11:7

A ya bɔn sɔ Mohabu kɛnuna bɛsi Kimasi ye kɔnkɛ kuma Yerusalɛm soe tele-bɔɛ wara la. Bɛsɛ wo sɔgɔ labɔnɛ Alla la. Wo kɔma, a ya bɔn sɔ Amonnuna bɛsi Molɛki ye fanan kɔnkɛ wo kuma.

Yaburi 40:4

Mɔgɔ-sewanɛ le wonu na minnu yigi sanɛ ile Mari rɔ. Wonu ti la bɛsɛ la, hali ka kofu a kɔlɛnu ma.

Yaburi 52:7

“Wo ni mɔgɛ kɛ mafɛlɛn, a ma la Alla la ko wo le si a kanan. Fɔ ata nɔnfuli, a lara wo le la. A lara ata karagbɛlɛyɛ la ko wo le si a kisi.”

Yɛrɛmaya 13:25

A ko kɛ le ye nala sigila wo ma. A miriya bɛnnɛ min ma wo wara la, wo le kɛ la. Kɛ bɛɛ ye sigila wo ma bawo wo ara wo kan-kɔ sɔ ale Mari la ka la bɛsɛnu na.

Yɛrɛmaya 43:12

N si tɛ tugu Iyipiti bɛsi-kɔ-bɔnnu na. Ni Babilɔn mansɛ ma Iyipiti bɛsɛnu mintan, a si ta anu na a bolo. Iko saga-fɛ-biralɛ si karangbɛ tɔnbɔn ala kurɛ ma nya min, Babilɔn mansɛ ye Iyipiti kɛnu matɔnbɔnna wo nya na le ka ta a ye fanka la pon!

Yɛrɛmaya 48:13

Iko Isirɛla mɔgɛnuna bɛsi ya anu baya nya min Bɛtɛli soe burɔ, Mohabu kɛnuna bɛsi Kimasi ye anu bayala wo nya na le, ado anu lanɛ wo la kati!

Yɛrɛmaya 48:46

Gbalo si na Mohabu kɛnu ma. Bɛsi Kimasi kɔlɛnu si na kasara. Kɛlɛ si ta anuna dannu na.

Yɛrɛmaya 49:3

Hɛsibɔn kɛnu ni di sɔɛɛ! Eyai soe si na halaki. Raba musinu ni anu dɛ bolobɔ. Anu ni kasa-kurɛnu kɛ anu ma di-kɛ-tinɛ. Anu ni to yigi-ni-yɛlɛ kɛla kɔndɔfili bolo. A ko anu yogenu si ta anuna bɛsi Molɛki anubɛ a kɔlɛnu anubɛ anuna mɔgɔ-banu na.

Yɛrɛmaya 49:4

Nfenna lanayabɛlɛnu bi anu nyɛrɛ matɔgɔla ko anu tagbɛlɛ? Nfenna anu yili latɛgɛnɛ ko anu nɔla-wo-nɔla sa nyɔ?

Yɛrɛmaya 9:23

Mari ko hɛnkilimɛ kana a nyɛrɛ matɔgɔ ala hɛnkilimayɛla ko la. Fanka-tigi kana a nyɛrɛ matɔgɔ ala fankalamayɛla ko la. Nɔnfulu-tigi kana a nyɛrɛ matɔgɔ ala nɔnfulu-tigiyɛla ko la.

Hoseya 10:13

Kɔnɔ yanni wo ni telenbagayɛ fui nyɔ rɔ nun, wo ya wunduyogoyɛ le fui nyɔ rɔ, ado wo ma fenfen tɛgɛ nyɔ fɔ wunduyogoyɛ. Wo ara bɔ wola foninya-fɔɛ-tɔnɔ ma. “Wo lanɛ wola kirindinu anubɛ wola kɛlɛ-den-siyamɛnu na min kɛ,

Yilan-Yilan Koe 21:29

A ara gbɛlɛya wole Mohabu mɔgɛnu kuma gben! Wole min bi wota bɛsɛ Kimasi kɔla, wole damasi la ara to dogbe! Kei minnu bi ile Kimasi batola, wonu bara anu buri. Musi minnu bi i batola, wonu bara bira Mansa Saihɔn ye.

1 Timoti 6:17

Nɔnfuli ye minnu bolo duninya kɛ rɔ, i ni wonu makawandi ko anu kana wasi. Anu kana anu yigi sa nɔnfuli kuma iko fen de min bi mɛla. Anu ni anu yigi sa Alla kuma min bi fan bɛɛ dila ma ma foninsereyɛ la ka ma lasewa.

Lankɛnimayɛ 18:7

A ara gbiliyɛ anubɛ nɔnfuli min nyɔgɛ di a nyɛrɛ ma nun, wo ni wo nyɔgɔn nyagbɛ anubɛ yisi-gbalɛ di ale ma kaka bawo a tora a fɔla a nyɛrɛ ma ko, ‘Wo ma a yen, n siginɛ musu-mansayɛ le la gbɛ! Kɛɛ-musu ma n na. N yisi ti gbala mumɛ!’

Kɛlɛ-Kurugbɛnu 11:24

Wola bɛsɛ min tɔgɛ Kimɔsi, wo ara nyamanɛ min bɛɛ di wo ma, wo ti wonu namara wo nyɛrɛ ye, wa? Mata Mari Alla ara minnu di male fanan ma, ma ti wonu namara ma nyɛrɛ ye?