Yɛrɛmaya 48:45 - ALLALA KUMƐ

⁴⁵ Mansa Saihɔn ye Hɛsibɔn soe min kun na nun, minnu bi anu burila kɛlɛ kɔrɔ ka ta soe kɛ magbenna anu nakanan-koe la, wonu si a taran, tɛ biranɛ soe kɛ la kiribo! Ta-kelan wo si Mohabu nyamanɛ maforongban, hali mɔgɔ sa kan-tinɛ minnu tɔ, ado wasinte kɛlɛ-tɛgɛla-wɛ le anu na nun kati!

Yɛrɛmaya 48:45 Iomraidhean Croise

Yaburi 78:63

Kemini-mɛsɛnu-kunyɛ tora kɛlɛ rɔ. Sunkurun-mɛsɛnu kun-nakanɛ ye tala, anu furula sa.

Yɛrɛmaya 2:16

Iyipiti kɛ minnu bɔra Mɛmfisi anubɛ Tapanisi soenu burɔ, Mari ko wonu bara wole, Isirɛlata mɔgɛnuna gbiliyɛ anubɛ sɛnbɛ bɔ wo ma feu!

Yɛrɛmaya 48:2

ado Mohabu kɛnuta so-nyimɛ si tinya pɔ! A yogenu bi nala Hɛsibɔn soe birala. Anu bi yanfɛ kirila nyɔ le gbɛ alako anu si Mohabu nyamanɛ toe bira nya min. Madena so-burɔ-mɔgɛnu tadenɛ si to don bawo faan ye nala anu sagaranna.

Emɔsi 2:2

Woletɔ a ko a si tɛ layigi Mohabu nyamanɛ rɔ ka wola so-latankanɛ, Kɛriyoti mintan. Hali wola kɛlɛ-kurugbɛnu tenbi sɔnkɛ anubɛ buri-fɛ kun na, wole Mohabu mɔgɛnu si na faga kɛlɛ-kɛ-tinɛ.

Sakaraya 10:4

A kun-tigi wo, a mɔgɔ-ba wo, a kɛlɛ-kurugba wo, a ko wonu dama si bɔ Yuda bɔnsɔn rɔ ka to ala mɔgɛnu kuma.

Yilan-Yilan Koe 21:21

Isirɛla mɔgɛnu ya kilayɛ lata Amora mansɛ Saihɔn ma ko,

Yilan-Yilan Koe 21:26

(Mansɛ Saihɔn kɛ le ya Mohabu mɔgɛnu nɔ fɔlɔ nun ka anuna nyamanɛ do bi anu bolo ha ka ke Anɔn bɛ ma.

Yilan-Yilan Koe 21:28

Ala kɛlɛ-dannu bɔra Hɛsibɔn iko tɛ ka Ari soe kasara Mohabu nyamanɛ rɔ. Anu ya kɔnkɔrɔ-mɔgɛnu damasi faga minnu bi Anɔn ba-kunyɛ wara la.

Yilan-Yilan Koe 21:29

A ara gbɛlɛya wole Mohabu mɔgɛnu kuma gben! Wole min bi wota bɛsɛ Kimasi kɔla, wole damasi la ara to dogbe! Kei minnu bi ile Kimasi batola, wonu bara anu buri. Musi minnu bi i batola, wonu bara bira Mansa Saihɔn ye.

Yilan-Yilan Koe 24:17

‘N bi wula-yanna-koenu yenna nala kɔnɔ a ma ke wɛ fɔlɔn. N bi mansɛ do yenna nala ka bɔ Isirɛla mɔgɛnu tɛma kɔnɔ a fɛ-yan fɔlɔn. A ye malanna iko lolo-malanni-wɛnu. A si Mohabu kun-tiginu kunyɛ ratii. A si mɔgɔ-wasinɛnu anubɛ kɛlɛ-tɛgɛlɛ kɛnu tinya feu!

Matiyu 21:42

Yisa ya a fɔ anu ye ko, “A sɛbɛnɛ Allata kitabu rɔ ko, ‘Bon-sɔlɛnu ya anu ban kuri min na, wo le ara ma sɛbɛna-kuru-tɔnɔnamɛ la. Mari nyɛrɛ-nyɛrɛ ya kɛ ma, ado wo mara kabana-ko-wɛ la ma yala!’ Ha bi, wo ma wo karan bɛ, wa?