Yɛrɛmaya 48:42 - ALLALA KUMƐ

⁴² A ko Mohabu nyamanɛ si kasara. A ti ma nyamanɛ la tun bawo a ara murutiya Mari ma.

Yɛrɛmaya 48:42 Iomraidhean Croise

Hɛnkilimaya-Kumɛnu 16:18

Mɔgɔ-wasinɛ ti mɛ buila. Wasinteyɛ si mɔgɛ kasara.

Aiseya 16:14

Mari ara a fɔ kaka tun ko, “San fila a sawa nyɔgɛ, Mohabu kɛnuna nɔnfuli si ban anu bolo feufeu! Mɔgɔ-dande le si to a niyi la, ado wonu fanan ta si faga kuluba!”

Aiseya 37:23

A ko ale Sɛnakaribu mirinɛ ko a ye yon nafɛyala? A sa Isirɛlata Mari Alla-sɛnimɛ gbiliyala,

Aiseya 7:8

A ko min ya a to a ya kɛ fɔ, Siriyanu ta ma gbɛlɛ ka ke anuna so-karantan Damasika kɛnu tɔ. Damasika kɛnu fanan ta ma gbɛlɛ ka ke anuna Mansa Risen tɔ, ado yanni san bi-wɔrɔ ani san loli (65) gbɛ, a ko Isirɛla mɔgɛnu ta ara ban nyɛnsɛnna. Mɔgɛ ti anu lɔn fenfen na wo rɔ tun.

Yɛrɛmaya 30:11

A ko a si na wo kisi. Wo ranyɛnsɛnnɛ sibole min bɛɛ tɛma, a ko a si wonu dama kasara pɔ! Kɔnɔ a ti wo lato. A ko a ti wo to wo tɔrɔbɛlɛ la kɔnɔ a ko a si wo tɔrɔ iko a bɛnnɛ wo ma nya min. Mari nyɛrɛ kan le kɛ la.

Yɛrɛmaya 48:2

ado Mohabu kɛnuta so-nyimɛ si tinya pɔ! A yogenu bi nala Hɛsibɔn soe birala. Anu bi yanfɛ kirila nyɔ le gbɛ alako anu si Mohabu nyamanɛ toe bira nya min. Madena so-burɔ-mɔgɛnu tadenɛ si to don bawo faan ye nala anu sagaranna.

Isikiyɛli 35:13

N bara anu yen mankan tugula n makuma-tinɛ.”

Daniyɛli 11:36

“Min ba diya ale Siriya mansɛ ye, a ye wo le mala. A si a wasi a la ko ale kolo bɛsɛ bɛɛ ko hali Alla nyɛrɛ Min Bi Fan Bɛɛ Kun Na. A si to a sɔn kɛ kun na furr, ha a tɔrɔya-wati ni ke Alla bolo. Alla si a latɛgɛ iko a miriyanɛ ye nya min.

Matiyu 7:2

bawo wo ye mɔgɛnu yilikila nya min, Alla ye wole fanan yilikila wo nya na le. Wo wa a ma mɔgɛnu ye nya min, Alla si a ma wole fanan ye wo nya na le.

2 Tɛsalonaika 2:4

Mɔgɛnu bi bɛsɛ min bɛɛ matɔgɔla, anubɛ anu si min gbiliya Alla gbɛ rɔ, “Kirasiti-yogo-finma-wɛ” wo si wuli wo bɛɛ kan ma. A si a nyɛrɛ sigi wo bɛɛ kun na. A si a tui ka don Alla-Bato-Bɔn la ka a fɔ a nyɛrɛ ma ko Alla le ale la.

Lankɛnimayɛ 13:6

A wulita Alla dankala ka a tɔgɔ tinya. Wo kɔma, Alla mayiginɛ kan min, a ya nyɔ danka. Min sanɛ wo kuma fanan, min bɛɛ siginɛ Arinyɛni tɔ, a ya wonu fanan danka.