Yɛrɛmaya 48:37 - ALLALA KUMƐ

³⁷ Bɛɛ si a kunyɛ gbana ka anu buyɛ matɛgɛ. Bɛɛ ye nala a bole matɛgɛ-tɛgɛla di-kɛ-tinɛ ka kasa-kurɛ kɛ a ma.

Yɛrɛmaya 48:37 Iomraidhean Croise

Ko-Dabirɛnu 37:29

Anu kɔrɔ sarɛ Rubɛn nara kɔlɔn dɛ la anu kɔma tumɛ min, a ma Yusufu taran kɔlɔn wo rɔ tun. Ala duruki min bi a kan na, a ya wo rafara mɔninyɛ bolo.

Ko-Dabirɛnu 37:34

Yakoba ya ala duruki rafara a kan na mɔninyɛ bolo ka kasa-kurɛ don a kan na. A mɛra ala dan dila.

1 Mansɛnu 18:28

Beyalita nɛbi wonu ya anu kuli mayɛlɛ matarali-kɛ-tinɛ. Anu donta anu nyɛrɛ-matɛgɛ rɔ muri la ha yele yigira anu ma iko anuna namu ye nya min nun.

1 Mansɛnu 21:27

Mansa Ehabu ya Marita kumɛ wo lamɔɛn Nɛbi Ilaya bolo min kɛ, a ya ala duruki rafara yisi-tinya bolo ka kasa-kurɛ kiri a la. A ya a ban fen-dɔn-koe ma, a kira sani kasa-kurɛ wo kuma, ado hali a tenbi tagamana, a yisi magboyanɛ.

2 Mansɛnu 6:30

Mansɛ ya kumɛ kɛ lamɔɛn nya min na, a ya ala duruki rafara a kan na. Mɔgɛ minnu bi mansɛ dafɛ, wonu ya a yen ko kasa-duruki le ala duruku-kɔrɔ-don la.

1 Ko-Kɔrɔta-Karan 19:4

Henɔn ya a ma, anu ya Mansa Dawudala kilayɛ wonu bira. Anu ya anu dɛ masii. Wo kɔma, anu ya anuna duruku-yan-bɛnu tɛgɛ a la purunsan! Anu ya anu gben.

Aiseya 20:2

San sawa yanni wo ni ke, Mari ya a fɔ nde, Emɔsila den Aiseya ye ko n ni nna sanbarɛ bɔ n kian rɔ ka nna kasa-duruki bɔ n kan na. N ya Mari kan to a gbɛ rɔ. N kin-takolɔn anubɛ n gbu-makolɔn tara.

Aiseya 3:24

Kaka, anu suma-diyamɛ ye bɔla iko tulu-suma-diyamɛ kɔnɔ anu suma-yogomɛ ye nala bɔla tutu! Kaka, anu bi anu buta kirila fen-hakikɛ la kɔnɔ yarɔma, anu bi gbamɛ mala anu butɛ-kiri-fannu na. Kaka, anu kun-sigi-nyimɛ si taran anu kuma kɔnɔ yarɔma anu kunyɛ gbananɛ si to. Kaka, anu bi anu nyɛrɛ makirila kura-nyimɛ la kɔnɔ yarɔma, kura-kore, wo le si taran anu ma. Anuna kinyɛ si ma miliyɛ la.

Aiseya 37:1

Mansa Hɛsakaya ya kumɛ wonu namɔɛn tumɛ min, a ya ala duruki rafara yisi-tinyɛ bolo. A tara kasa-kurɛ don a kan na. A tara Mari Bato-Bɔn la.

Yɛrɛmaya 16:6

A mɔgɔ-ba wo, a mɔgɔ-ni wo, wo dama si faga Yuda nyamanɛ rɔ. Mɔgɔ ti wo togon hali ka di wola ko la. Mɔgɔ ti a nyɛrɛ matanban, ni wo ma, ka anu kunyɛ gbana wolela ko la di-kɛ-tinɛ.

Yɛrɛmaya 41:5

mɔgɔ bi-segin nara ka bɔ Sɛkɛm anubɛ Sailo anubɛ Samariya soenu tɔ. Anu ya anu buyɛ masii ka anuna durukinu tafara yisi-tinya bolo ka anu nyɛrɛ matanban ka a tɛgɛ Yerusalɛm tinya-koe ma. Anu nara fui-fan anubɛ isɛnti la anu bolo Mari kɔ-tinɛ Bato-Bɔn la.

Yɛrɛmaya 47:5

Kinikinɛ si na Kesa so-burɔ-mɔgɛnu ma. Asikilɔn kɛnu ti ke kumala tɔrɔyɛ bolo tun. Filisitinu si to diyi kɛ kun na ha wati nyamintan?

Yɛrɛmaya 49:3

Hɛsibɔn kɛnu ni di sɔɛɛ! Eyai soe si na halaki. Raba musinu ni anu dɛ bolobɔ. Anu ni kasa-kurɛnu kɛ anu ma di-kɛ-tinɛ. Anu ni to yigi-ni-yɛlɛ kɛla kɔndɔfili bolo. A ko anu yogenu si ta anuna bɛsi Molɛki anubɛ a kɔlɛnu anubɛ anuna mɔgɔ-banu na.

Isikiyɛli 27:31

Anu bi anu kunyɛ gbanana ala ko la ka kasa-kore kɛ anu kan ma. Anu bi diyi kɛ kun na, anu yisi fanan tinyanɛ.

Isikiyɛli 29:18

“Ile hadama-dan, Babilɔn Mansɛ Nɛbukanasa ara ta bui Taya soe ma. A ya a ma, dunɛ ya ala kɛlɛ-dan donu kunyɛ tɛmɛ gbelekan. Donu fanan kɛɛ-gbole kara a ma dunɛ bolo. Kɔnɔ anuna wɔlɛ kɛ wo damasi rɔ, mɔgɔ wo, mansa wo, anu do-wo-do ma tɔnɔ sɔrɔn wɔli kɛ rɔ.

Isikiyɛli 7:18

Anu si kasa-kurɛnu don anu kan na yakɔrɔ-mamɔɛ bolo. Anu si yɛrɛyɛrɛn kilan bolo ka anu kunyɛnu gbana miliyɛ bolo.

Saraka-Masɔlɛnuta Tɔnnu 19:28

Anu bi anu fɛrɛ masɛbɛla ka anu fɛrɛ matɛgɛtɛgɛ di-kɛ-tinɛ. Nde, wota Mari Alla ya kɛ le fɔ wo ye.

Emɔsi 8:10

Wo si wo kundɛn wola sewa-tele minnu ma, Mari si tele wonu ma di-kɛ-tele la. Mari ko a si wola sewa-siginu yɛlɛma yisi-magboya-siginu na. A si a ma, wo ni wo kunyɛ gbana ka kasa-kurɛnu don wo kan na. A si kunaya wole, Isirɛla mɔgɛnu kuma iko mɔgɔ-kɔrɔyanɛla den kelan wa sa. A si gbɛlɛya wo kuma ha wola tɔrɔya-wati da ni fa.

Maika 1:16

“Wole Yerusalɛm so-burɔ-mɔgɛnu, wo ni wo kunyɛ gbana di-kɛ-tinɛ iko dogɛ ka a tɛgɛ wola dannuna ko ma, kɛlɛ ye tala minnu na.”

Maraka 5:5

Su-ni-tele, a ye kaburu-soenu burɔ anubɛ kɔnkɛnu tɛma. A ye gbele-gbelenna ka a nyɛrɛ matɛgɛtɛgɛ kuri la.

Lankɛnimayɛ 11:3

N si nna nɛbi fila lata minnu fɛrɛya bɔnɛ kasa-kurɛ la. Wonu si Allala kumɛ fɔ tele waga kelen ani tele kɛmɛ fila ani tele bi-wɔrɔ (1,260) kɔrɔ.”