Yɛrɛmaya 48:36 - ALLALA KUMƐ

³⁶ Woletɔ a ko a si di Mohabu anubɛ Kiri-Harɛsɛti kɛnuna ko la. A si di iko mɔgɛ tenbi saya-sigi sala fuli rɔ bawo anu bolo-fan bɛɛ si na kasara anu ma.

Yɛrɛmaya 48:36 Iomraidhean Croise

2 Mansɛnu 3:25

Anu ya anuna soenu halaki. Anu tenbi belenna sɛni-dugu-nyimɛ minnu na, wo kelen-kelennamɛ-bɛɛ si kuri bi ka a lakɛ dugi wo rɔ. Anu ya anuna dugu-nyimɛ bɛɛ lafa kuri la. Anu ya anuna tenkenu gberen ka anuna ki-fan bɛɛ tinya. Fɔ anuna so-karantan min tɔgɛ Kiri-Harɛsɛti min tora. Kɔnɔ tɔ-a-la, lenfiran-tiginu ya a mini so-karantan wo ma ka wuli anu kan ma.

Hɛnkilimaya-Kumɛnu 11:4

Mari wa wuli mɔgɔ kitila, nɔnfuli ti a dɛnbɛ wulɔn kɔnɔ ko-telenni-kɛ si mɔgɔ kisi sayɛ ma.

Hɛnkilimaya-Kumɛnu 13:22

Mɔgɔ-nyimɛ mamanɛnu si do sɔrɔn a kɛɛ rɔ kɔnɔ hakɛ-tiginu bolo-fannu bi tola mɔgɔ-latelennɛ denu ye.

Hɛnkilimaya-Kumɛnu 18:11

Nɔnfulu-tigi ya ala nɔnfuli le lɔn ala kisilɛ la. A ya a lɔn ko tarɛ le ala fen-tigiyɛ wo la, mɔgɛ ti ke tenbila min na.

Aiseya 15:5

Nde, Aiseya yisi tinyanɛ Mohabu kɛnuna ko la. Minnu ya anu buri, wonu tara fɔɔ Sohari soe anubɛ Igilati-Sɛlisiya soe burɔ. Donu bi yɛlɛla dila Lohati soe kilɛ la. Donu bi tala anu dɛ sala-a-rɔ Hɔrɔnayim soe burɔ.

Aiseya 15:7

Filon min tɔgɛ Arabin, mɔgɛnu bi buri kɛla dogon tɔ anu bolo-fan na nyɔ le.

Aiseya 16:11

N bi kurunna Mohabu kɛnuna ko la iko anu tenbi bɔlɔn fɔla saya-koe kuma. N yisi tinyanɛ Kiri-Harɛsɛti soela ko la.

Aiseya 63:15

Mari, i kolan layigi ma ma dugi ma. I tenbi ita sɛninya-tina-makawanɛ rɔ, i miri ma ma. Ita keninteya-belebele-wɛ ye mintɔ? Nfenna i ye ita keninteyɛ anubɛ ita kinikinɛ dogonna ma ma?

Yɛrɛmaya 17:11

Kona wa kɛwɔli do latii ale ma min sa, wo mani de iko mɔgɛ wa ma-a-la kensunteyɛ rɔ. Mɔgɛ wo siyi wa tala a tɛma, ala nɔnfuli bɛɛ si ban. Yanni a siyi ni ban, bɛɛ si a lɔn kuntan la.

Yɛrɛmaya 4:19

Nde, Yɛrɛmaya ye a fɔla ko, “E, dumɛ! N yisi ye n tɔrɔla kosɛbɛ!” A ye tugula n burɔ. N ti ke a birala n tɔ tun. A ye wo nya na le bawo n bi kɛlɛ-buru-kan lamɔɛnna. N bi kɛlɛ-sɔnkɛ lamɔɛnna.

Yɛrɛmaya 48:31

Woletɔ Mari ko a si di Mohabu kɛ bɛɛ anubɛ Kiri-Harɛsɛti kɛnuna ko la.