Yɛrɛmaya 48:1 - ALLALA KUMƐ

¹ Mari Sɛnbɛ-Bɛɛ-Tigi ya kɛ le fɔ Mohabu nyamanɛla ko la. A ko bɛɛ ni kinikini Nibɔ kɛnu ma bawo anu si na kasara. Kiriyateyim soe si bira. A tara-layan-bɛ si bui fugbu! A mɔgɛnu yarabinɛ si to,

Yɛrɛmaya 48:1 Iomraidhean Croise

Ko-Dabirɛnu 14:5

A san tan-ni-nani nyɔgɛ ma, Mansa Kɛdolama anubɛ mansɛ minnu bi a dafɛ tele bɔɛ wara la, wonu tara sibolo-gbɛrɛkɛ-mɔgɛnu kɛlɛ tinɛ. Anu ya mɔgɔ-layan-bɛnu kɛlɛ Asirokanam soe burɔ. Anu ya Susinnu kɛlɛ Hama soe burɔ. Anu ya Eminnu kɛlɛ Kiriyateyim lɛɛ rɔ.

Ko-Dabirɛnu 19:37

Ala den fɔlɔtɛ ya den-kei sɔrɔn. A ya a tɔgɔ sa Mohabu. Mohabu mɔgɛnu benba le wo la.

2 Ko-Kɔrɔta-Karan 20:10

“Kaka gbɛ, i ma a yen, Amonnuna kɛlɛ-dannu wo, Mohabununa kɛlɛ-dannu wo, anubɛ Idɔm nyamanita-mɔgɛnuna kɛlɛ-dannu wo, wonu bara wuli ma kɛlɛla. Wo le, ma benbanu bɔra Iyipiti tumɛ min, i ma sɔn anu ni tenbi mɔgɛ kɛnuta nyamanɛ rɔ. Wo le ya a to, anu tenbira anuna nyamanɛ kan-kɔma-kilɛ la alako anu kana anu kasara.

Aiseya 25:10

Mari si ata kɔnkɔ-sɛnimɛ lakanan kɔnɔ Mohabu kɛnu ta si tɛntɛn iko binyɛ anubɛ ninki-nyɛ yabasannɛ ninki kɔrɔ nya min.

Aiseya 25:12

A si Mohabu so-latankanɛ bɛɛ tii mɛmɛ hali tarɛ min bi yɛlɛla fulufele! Wo bɛɛ si bui gbangban rɔ.

Aiseya 27:3

ale nyɛrɛ le ye anu yi kɛla tuma-wo-tuma. A ye nyɔ makandanna su-ni-tele alako ko kana ma a la.

Yɛrɛmaya 25:21

Idɔm mɔgɛnu anubɛ Mohabu mɔgɛnu anubɛ Amon mɔgɛnu wo,

Yɛrɛmaya 27:3

Wo ya a taran, Idɔm mansɛ wo, Mohabu mansɛ wo, Amon mansɛ wo, Taya mansɛ wo, anubɛ Saidon mansɛ wo, wonu ya anuna mɔgɔ-banu nana Mansa Sɛdɛkaya kɔndɔn tinɛ Yerusalɛm soe burɔ. Mari ya a fɔ n ye ko n ni n sara nyamanɛ kɛnuna mansɛnu na kilayɛ kɛnu bolo.

Yilan-Yilan Koe 24:17

‘N bi wula-yanna-koenu yenna nala kɔnɔ a ma ke wɛ fɔlɔn. N bi mansɛ do yenna nala ka bɔ Isirɛla mɔgɛnu tɛma kɔnɔ a fɛ-yan fɔlɔn. A ye malanna iko lolo-malanni-wɛnu. A si Mohabu kun-tiginu kunyɛ ratii. A si mɔgɔ-wasinɛnu anubɛ kɛlɛ-tɛgɛlɛ kɛnu tinya feu!

Yilan-Yilan Koe 32:3

“Ma ya a lɔn ko Mari ya soe kɛnu di ma ma ka a mɔgɛ bɛɛsi faga. Ataroti wo, Dibon wo, Yasa wo, Nimira wo, Hɛsibɔn wo, Ɛlɛyela wo, Sibima wo, Nibɔ wo, Biyɔn wo, ma ya wo bɛɛ bi anu bolo. Ma ya a yen ko nyamanɛ wo kin ninkinu ye, ado ninki siyaman bi ma bolo.

Yilan-Yilan Koe 33:47

Anu bɔra nyɔ ka ta anu daga makɛ Nibɔ kɔnkɛ kɔrɔ Abarim kɔnkɛ kuma.

Yasowa 13:19

Kiriyateyim, Sibima, Sirɛti-Sehari min bi lɛɛ tɛma kɔnkɛ la,