Yɛrɛmaya 47:4 - ALLALA KUMƐ

⁴ Filisitinuna nyamanɛ kasara-wati ara ke. Minnu tora anu niyi la ka Saidon anubɛ Taya kɛnu dɛnbɛ, wonu nato-wati ara ke. Mari ko ale nyɛrɛ si Filisitinu halaki, minnu bɔra Kariti nyamanɛ rɔ, kɔni.

Yɛrɛmaya 47:4 Iomraidhean Croise

Ko-Dabirɛnu 10:15

Hamala den Kenan wo ya den mɔgɔ fila sɔrɔn, ala den-kei-sarɛ Sadon anubɛ Hɛti.

1 Ko-Kɔrɔta-Karan 1:12

Patirusi wo, Kasilu wo, anubɛ Kafitori. (Filisitinu benba le Iyipitila den Kafitori wo la.)

Yobu 9:13

Allata diminyɛ dan sa. Hali kɔgɔ-yi-nyinɛ minnu bi ninkinankɛ dɛnbɛna, wonu si anu madu a kɔrɔ.

Yaburi 37:13

Kɔnɔ Mari ye yɛlɛnna karagbɛlɛ wonu ma bawo a ya a lɔn ko wonu sa mɛla halakila.

Aiseya 10:3

Alla wa a lasɔ wole tɔrɔla, wo si nfen ma gbɛ? A wa kasarɛ lana wo kuma ka bɔ nyamani-yan rɔ, wo si na nfen ma? Wo burimatoe si ta yon bara wo dɛnbɛn-koe rɔ? Wo si wola fen-da-gbɛlɛnu dogon mintɔ?

Aiseya 14:31

“Wole Filisiti so-burɔ-mɔgɛnu, wo ni wo dɛ sa-a-rɔ wo dɛnbɛn-koe la. Wo kun ma ni kɔ. Kirindinu bi nala gbangban tugula ka bɔ bolo-maran wara la, ado kɛlɛ-dan minnu bi nala wonu na, yuto-wo-yuto sa wonu tɔ.”

Aiseya 20:6

Wo wati wa ke, mɔgɛ minnu siginɛ Filisiti nyamanɛ rɔ kɔgɔ-yi dafɛ, Mari ko wonu si a fɔ ko, “Ma lanɛ minnu na ko anu si ma lakanan Asiriyanu masibɛ ma, wo ni wo yɛ lata anu bi nya min kaka. Male si ke kisila kama gbɛ?”

Aiseya 31:8

Asiriyanu-kunyɛ si to kɛlɛ rɔ kɔnɔ mɔgɔni-gbuta sɛnbɛ ma wo la de! Asiriyanu si anu buri kɛlɛ kɔrɔ. Anuna fonikenu si ma yɔɔnnu na.

Yɛrɛmaya 46:10

Ma Tigi Mari Alla Sɛnbɛ-Bɛɛ-Tigita tele le kɛ la. A ye nala a tayili sarala bi. A ye nala anu yogenu tɔrɔla bi. Ala faan si anu dɔn ha a buyi la ni fa. A si anu yele min ha a ni wasa. Mari Sɛnbɛ-Bɛɛ-Tigi si a ma, Babilɔn kɛlɛ-dannu bi a yogenu kan natɛgɛla Yufereti bɛ dafɛ kantɔ-wara la.

Isikiyɛli 21:25

“I ni a fɔ Isirɛla mansɛ ye ko nde, wo Tigi Mari kan le kɛ la. Ale Isirɛla mansa-yogomɛ, min sɛninyabɛlɛ ni a makɔnɔ tun. Ata tɔrɔyɛ ye a kɔma. Ale nyɛrɛ ni ala mansaya-fulɛ wo pope a kunyɛ la. Fenfen ra ti kɛnya tun! Bolo-kolɔnnu si ma sɛnbɛ-tiginu na. Sɛnbɛ-tiginu si ma yɔɔnnu na.

Isikiyɛli 21:29

“Wole Amonnu, wo ya ko-rayirɛ minnu yen, tonya sa wonu tɔ. Wo ye sinan-kumɛ minnu fɔla, foninyɛ le wo bɛɛ la. Wo wunduyogo kosɛbɛ, ado wati ye nala, wo si wota tɔrɔya-laban sɔrɔn. Faan ye nala wo kunyɛnu tɔnbɔnna a daga rɔ.

Isikiyɛli 25:16

woletɔ n bara a latɛgɛ ko n si bui Filisitinu ma ka anu ban feu! Min bɛɛ siginɛ Filisitinuna lɛɛ wo rɔ, n si wo bɛɛ kasara pɔ!

Isikiyɛli 30:8

N ba tɛ tugu Iyipiti nyamanɛ la, anubɛ a kɛlɛ-den-masannɛ bɛɛ kunyɛ wa to-a-rɔ, bɛɛ ye a lɔnna wo le ma ko Mari le nde la.

Isikiyɛli 7:12

“Wati ye nala kɔɔ! Fen-sannɛnu kana nyagalen anuna tɔnɛla ko la. Fen-mayiralɛnu yisi kana tɔrɔ anuna bɔnɛla ko la bawo nde, Marita tɔrɔyɛ si taran anu bɛɛ kuma nya-kun-kelen.

Hoseya 9:7

Wo tɔrɔ-wati ara ke. Wo si wotɛ sɔrɔn iko a bɛnta wo ni a sɔrɔn nya min. Wo tumɛ wa ke, wole Isirɛla mɔgɛnu si a lɔn yati, ko wo tɔrɔya-wati ara ke. Wo ye a fɔla ko, “Nɛbi kɛ, yuwɛ le kɛ la.” Wo hakɛ da ara koloya min kɛ, woletɔ n gboyanɛ wo ye dɔgɔma-ma-de!

Emɔsi 9:7

Mari ko wole Isirɛla mɔgɛnu, wobɛ Sudan kɛnu takɛn a ya la. A ko a nara Filisitinu na ka bɔ Kariti yi-tɛma-dugi rɔ. A nara Siriyanu na ka bɔ Kira nyamanɛ rɔ. A ko a nara wole fanan na ka bɔ Iyipiti nyamanɛ rɔ wo nya na le.

Luka 21:22

Wo bɛɛ si ma tɔrɔya-telenu na, ado Allata kitabu ya min fɔ, wo bɛɛ ni bɔ-a-la.

Tɔn-Fɔɛ-Fila-Nyɔgɛ 2:23

Mɛdetereniyan yi-tɛma-dugi do ye nyɔ min tɔgɛ Kariti. Mɔgɛ minnu siginɛ nyɔ, wo donu bɔra nyɔ ka ta anu sigi Mɛdetereniyan kɔgɔ-yi-kɔnkɔn la. Kɔnɔ yanni Kariti kɛnu ni na anu sigi nyɔ, Afi mɔgɛnu siginɛ nyɔ nun. Kariti kɛnu nara ka Afi mɔgɛnu gben nyɔ rɔ. Anu tara nyamanɛ wo bi anu bolo ka ta ke Kesa soe ma min bi dugula wara la.)

Yasowa 22:30

Finihasi anubɛ Isirɛla bɔnsɔn kebila-kun-tiginu ya wo bɛɛ lamɔɛn tumɛ min, Rubɛn bɔnsɔn anubɛ Kadi bɔnsɔn anubɛ Manasa bɔnsɔn-talɛ ya min bɛɛ fɔ, wo ya anu wasa.