Yɛrɛmaya 47:3 - ALLALA KUMƐ

³ Anu si soeenu kinta-kan lamɔɛn. Anu si kirindinu ta-kan lamɔɛn. Anu si kirindinu sɔnkɔ-kan namɔɛn. Sɔrɔnbagɛnu ti sɛgi anu kɔma anuna dannu bi-tinɛ. Anu bolenu tafaganɛ kɔlɔbɔ!

Yɛrɛmaya 47:3 Iomraidhean Croise

Aiseya 5:28

Anuna bɛɛnnu nasulennɛ boliboli! Anuna kalɛnu tabɛnnɛ. Anuna soeenu kiannu gbɛlɛyanɛ iko fara-kole. Anuna kirindi kiannu bi tintanna anu kɔrɔ iko tɔnkɔlɔn.

Yɛrɛmaya 46:9

Wo ni soeenu naburi wɛ kɛ. Kirindinu gbɛ ni to. Ini kɛlɛ-dannu nata. Sudan kɛnu anubɛ Libiya kɛnu si nɛgɛ-lufɛnu bi. Lidiya kɛnu si kalɛnu tasagan.”

Yɛrɛmaya 50:42

Anu bara na anuna kalabɛn anubɛ anuna faannu na. Anu wunduyogo, ado anu ti kinikini. Anu siginɛ soee minnu na, wonu na-kan mani de iko kɔgɔ-yi tenbi tugula a rɔ. Anu bara anu kɔnkɔn Babilɔn kɛlɛ-kan ma.

Yɛrɛmaya 8:16

Ma yogenu bara ke Dan soe ma kantɔ pan! Ma ye ma yogenuna kɛlɛ-kɛ-soeenu sun-tafɛ-kan lamɔɛnna. Dugi ye yɛrɛyɛrɛnna soeenu na-kan bolo. Ma yogenu bi dugi kɛ anubɛ a fan bɛɛ tinya-tinɛ le kɛ la. Anu bi Yerusalɛm soe anubɛ a mɔgɛnu halaki-tinɛ le.”

Isikiyɛli 23:24

Anu si na i kan ma kɛlɛ-den-siyamɛ la kɛlɛ-kɛ-kirindinu anubɛ miran-madunu-kirindinu na anu bolo ka bɔ kan tɔ. Anu makirinɛ si a mini i ma nɛgɛ-lufɛnu anubɛ kɛlɛ-kɛ-fulɛnu na anu bolo. N si i don anu bolo. Anu ni i kiti anuta sereyanu na.

Nehami 2:4

Soeenu bi kirindinu saganna wola Ninɛfa soe tonke bɛɛ rɔ. Kirindinu bi yigi-ni-yɛlɛ kɛla soe barɛnu tɛma. Anu dɔnkɔnyɔ ye tenbila iko tɛ tenbi sigila wɔnɔ-gbalɛ la. Anu bi anu burila iko banda-nyin-masɔgɛ.

Nehami 2:8

Wole Ninɛfa kɛnu bi wo burila wo yogenu kɔrɔ iko balan wa keri, wo yi ye a burila yigila nya min. Wola kɛlɛ-den-kunyɛnu bi a fɔla ko, “Wo ni wo sɔ. Wo kana ta.” Kɔnɔ hali mɔgɔ-den-kelen ma a yɛ lasɛgi anu ma.

Lankɛnimayɛ 9:9

Fan do ye anu kɔgɔ-dɛ rɔ min manɛ iko kɔgɔ-matanka-fan min nadannɛ nɛgɛ la. Anu kanban-tagbesi-kan manɛ iko so-siyamɛnu tenbi kirindinu saganna anu burimatoe kɛlɛ-kɛ-tinɛ.

Kɛlɛ-Kurugbɛnu 5:22

Sisarala soeenu-kinta-kan ye nala ma magbenna.