Yɛrɛmaya 47:1 - ALLALA KUMƐ

¹ Yanni Iyipiti mansɛ ni Kesa soe bira wati min, Mari kumara nde, Yɛrɛmaya ye Filisitinuna nyamanɛla ko la.

Yɛrɛmaya 47:1 Iomraidhean Croise

Ko-Dabirɛnu 10:19

Kenannuna nyamanɛ-dan le Saidon soe la. Anuna nyamanɛ wo tara ha ka ta ke Kirari soe ma min bi Kesa soe dafɛ. Anuna nyamanɛ-dan wo le tara furr, ha ka ta ke soe kɛnu ma, Sɔdɔm wo, Kɔmɔra wo, Adima wo, Sebom wo, anubɛ Lesi soenu ma.

1 Mansɛnu 4:24

Mansa Silamɛni ya kun-tigiyɛ kɛ nyamanɛ wo bɛɛ kun na. Ale le ye Yufereti bɛ tele-yigi waralɛ bɛɛ kun na ka a bi Tifisa soe ma ha ka ta sigi Kesa soe la. Mansɛ min bɛɛ ye Yufereti bɛ tele-yigi wara la, wonu bi ale le kɔrɔ. A ya yisi-kimɛ sɔrɔn a sigi-nyɔgɛ bɛɛsi bolo.

Aiseya 14:29

A ko, “Wole Filisitinu, hali wo gbesinɛ gbeleka-kundi min na, wo ra ara keri, wo kana ma wo sewa-kunya la. Ni duguma-fen-yogomɛ do fagara, do si bɔ a gbɛ rɔ min yogo ale ko. Mansa-kurɛ min bi sigila, wo marɛ si tenbi doi kɛtɛ la.

Yɛrɛmaya 25:20

sundannu wo, Yusi nyamanita mansɛnu wo, Filisiti so-tigi minnu bi Asikalɔn wo, Kesa wo, anubɛ Ɛkirɔn soenu, anubɛ Asadadi soe toe min tonɛ wo,

Isikiyɛli 25:15

“Nde, wo Tigi Mari ko Filisitinu bara anu tayili sara anu yogo-kɔrɔkɔrɛnu, Yuda kɛnu na min kɛ, ado anu ya anu halaki ka anu serendi yisi-bɔɛ bolo,

Isikiyɛli 25:16

woletɔ n bara a latɛgɛ ko n si bui Filisitinu ma ka anu ban feu! Min bɛɛ siginɛ Filisitinuna lɛɛ wo rɔ, n si wo bɛɛ kasara pɔ!

Yowɛli 3:4

Mari ya Filisiti nyamanita-mɔgɛnu anubɛ Taya anubɛ Saidon so-burɔ-mɔgɛnu manyinika, ni anu bi min mala kɛ la, ni anu bi ale Mari tayili sara le la wo rɔ. Nba, ni wo le, ale Mari ko ale fanan si a tayili sara anu na tiriya!