Yɛrɛmaya 46:4 - ALLALA KUMƐ

⁴ Wo ni karafɛnu sa wola soeenu dɛ ma ka sigi anu na. Wo ni wola nɛgɛ-fulɛnu don wo kunyɛnu na ka wo sɔ wo sansan-yili ma. Wo ni wola tanbɛnu nasulen. Wo ni wola nɛgɛ-durukinu don wo kan na.”

Yɛrɛmaya 46:4 Iomraidhean Croise

2 Ko-Kɔrɔta-Karan 26:14

Mansa Yusaya ya nɛgɛ-walannu, tanbɛnu, nɛgɛ-fulɛ, nɛgɛ-duruki, kalabɛn anubɛ lenfiran-kurinu don ala kɛlɛ-dannu bolo.

Nihɛmaya 4:16

Ka a dabira wati wo ma, mɔgɛ donu bi tara-sɔɛ la, a toe wonubɛ anuna kɛlɛ-kɛ-mirannu sɔnɛ ka anu makandan. A nɛgɛ-fagbatarɛ min sanɛ anu kɔgɔ-dɛ ma wo, a kalabɛn wo, a tanba wo, a nɛgɛ-walan min si kɛlɛ-dan matanka wo, wonu bi anu bolo, ado mala mɔgɔ-banu ya anu se koe kɛ

Aiseya 8:9

A ko wole sibolo-gbɛrɛnu, wo ni wo ladɛn kilan bolo. Wole minnu bi duninya-dan la pon, a ko wo ni wo tole masɔ. Hali wo rabɛnnɛ kɛlɛ-koe la kɔnɔ wo kun ma si kɔ kilan bolo.

Yɛrɛmaya 46:14

nde, Yɛrɛmaya ni kumɛ kɛ lawanka Iyipiti nyamanɛ rɔ. N ni a mayon Migidɔli anubɛ Mɛmfisi anubɛ Tapanisi soe burɔ ko, “Wo ni wo rabɛn kɛlɛ kan ma bawo wo bɛɛ ye nala lakira sɔrɔnna kɛlɛ rɔ.

Yɛrɛmaya 51:11

Mari ara Midiya mansɛnu natugu Babilɔn kɛnu ma bawo a miriya sa fenfen ma fɔ ka anu nato. Anu bara a Bato-Bɔn tinya min kɛ, a ye wo le yili-sarɛ la wo la. Midiya kɛlɛ-den-kunyɛnu si a fɔ ko, “Wo ni wola kalabɛnnu nasulen boiboi! Wo ni wola nɛgɛ-lufɛ bira wo bolo tɔ ka wo sɔ-bole rabɛn.

Yɛrɛmaya 51:3

Anu ti fɛrɛ di kɛlɛ-den kalabɛn-nakɛlɛnu ma a rasagan-koe rɔ. Anu ti fɛrɛ sɔrɔn ka anu makiri anuna kɛlɛ-kɛ-mirannu tɔ. Anu ti kinikini fonike ma fɔ ka anu bɛɛ lato.

Isikiyɛli 21:28

Mari ya a fɔ tun ko, “Ile hadama-dan, nde, wo Tigi Mari ye nala min fɔla Amonnu ye kɛ la, i ni wo latenbi anu ma bawo anu bi Isirɛla mɔgɛnu tasɛla kati! A fɔ anu ye ko, ‘Faan do ye wo tinya kan ma. A masusanɛ mɔgɔ-faga-koe la. A ye malan-malanna iko san-sɛran.’

Yowɛli 3:9

Wo ni kɛ fɔ bɛɛ ye duninya rɔ ko, “Bɛɛ ni a rabɛn kɛlɛla ko la. Wo ni wola kɛlɛ-kurugbɛnu kele. Wola kɛlɛ-dan bɛɛ ni anu gbɛrɛn anu nyɔgɔn ma ka kɛlɛ labui anu yogenu ma.

1 Samuwɛli 17:38

A ya ala kɛlɛ-mirannu nabɔ a si a makiri minnu na ka Dawuda makiri wonu na. A ya sila-fulɛ don a kunyɛ la. A ya nɛgɛ-fagbatarɛ do bi ka wo kiri a kɔgɛ ma.

1 Samuwɛli 17:5

Sila-fulɛ le ye a kunyɛ la. Sila-fagbatarɛ min sanɛ a kɔgɔ dɛ ma, wola gbiliyɛ anubɛ yi kalɔn tan anubɛ a talɛ rakɛn de!