Yɛrɛmaya 46:12 - ALLALA KUMƐ

¹² Duninya ye anuna miliya-koe lamɔɛnna. Bɛɛ ye anu di-kɛ-kan lamɔɛnna. Kɛlɛ-dannu si to fɛrɛnna anu nyɔgɔn na. Anu ni bui anu nyɔgɔn fɛ fugbu!

Yɛrɛmaya 46:12 Iomraidhean Croise

Aiseya 10:4

Wo kunyɛ si to kɛlɛ rɔ, ni wo ma, kɛlɛ si ta wo la pon! Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ wo tɔrɔ-koe la.

Aiseya 19:2

Mari ko a si na-kelen-nyɔgɛnu nakɛ anu nyɔgɔn ma ka sigi-nyɔgɔma-gbansan fanan nakɛ anu nyɔgɔn ma. A ko a si soenu natugu anu nyɔgɔn ma. Nyamanɛnu si anu nyɔgɔn kɛlɛ.

Aiseya 24:11

Gbɛɛ wa ban, mɔgɛnu si belen worondola soe burɔ. Sewɛ si a buri anu kɔrɔ. A ti taran nyamanɛ rɔ tun.

Yɛrɛmaya 14:2

wole, Yuda nyamanita-mɔgɛnu bi diyi kun na gbɛ bawo wola so-burɔ-mɔgɛ bɛɛ ye faga-tinɛ le. Wo bonnɛ dugi ma di-kɛ-tinɛ, ado wole, Yerusalɛm kɛnu bi wo dɛ sala-a-rɔ wo dɛnbɛn-koe rɔ lungbɔn!

Yɛrɛmaya 2:36

Wo toni ma kan-tina-kelen ma wo dɛnbɛn-koe rɔ. Asiriya kɛnu ya wo baya nya min, Iyipiti kɛnu bi nala wo bayala wo nya na le,

Yɛrɛmaya 46:6

Hali a buri-kɛla-wɛnu, anu kunyɛ ti bɔ a rɔ. Anuna kɛlɛ-dannu kunyɛ ti bɔ a rɔ. Anu bi anu kian latugula kantɔ-wara la Yufereti bɛ dafɛ ka ta bui fugbu!

Yɛrɛmaya 47:2

A ko n ni n yɛ lata kɛlɛ-dannu tɔkɔkɛ ma nala ka bɔ kantɔ-wara la iko gboron-gboronna-yi ye tugula a rɔ nya min. Mɔgɔ ti ke dugi yenna kɛlɛ-dan wonuna siyayɛ bolo. Soenubɛ mɔgɛnu si to anuna sɛnbɛ kɔrɔ. Mɔgɛnu si anu dɛ sa-a-rɔ dɛnbɛn-koe la. Anu dama si di biribiri!

Yɛrɛmaya 48:34

Hɛsibɔn kɛnu anubɛ Ɛlɛyela kɛnu si anu dɛ sa-a-rɔ di-kɛ-tinɛ. Anu di-kɛ-kan si ta ha Yehasi soe burɔ. A si ta ha Sowa soe. A si ta fanan Hɔrɔnayim anubɛ Igilati-Sɛlisiya soe burɔ. Hali Nimirim yi-nɛ si gbala a dagɛ rɔ todo!

Yɛrɛmaya 49:21

Idɔm nyamanɛ wa bui tumɛ min, a bu-kan wo si duninya ramaga. Anu di-kɛ-kan la si mɔɛn ha Kɔgɔ-Yi-Wulen bolɔn doi ma pon!

Yɛrɛmaya 50:46

Babilɔn nyamanɛ wa bui tumɛ min, wo bui-kan si duninya ramaga. Sibole doi wonu si anu di-kɛ-kan lamɔɛn.

Yɛrɛmaya 51:54

Mari ko wo ni wo tole masɔ Babilɔn di-kɛ-kan la. Anu bi dila ka a tɛgɛ anuna nyamanɛ tinya-bole ma.

Nehami 2:5

Anuna kɛlɛ-kuruba-wɛ ye ala kɛlɛ-den-kunyɛnu takelela. Wonu bi nala tonko-tankanna latiriyɛ bolo. Wo kɛlɛ-nyɔgɛnu burimatoe ye tarɛ magbenna ka tara-keri-fan sɔ-bole rabɛn ka wo tuwa anu matanka-koe la.

Sɛfanaya 1:10

Mari ko wo-wulɔn-tele rɔ, ma si di-kɛ-kan lamɔɛn Yerusalɛm soe burɔ yan, don-dɛ min tɔgɛ Yɛgɛ, wo telen tɔ. Ma si mɔgɛnu gbele-gbelen-kannu namɔɛn soe tonke wo rɔ, anu ban-san min nadanna, kɔni. Ma si bɔnnu nawuya-kannu namɔɛn Yerusalɛm kɔnkɛnu kuma.

1 Samuwɛli 5:12

Hali minnu tora anu kɛndɛ la, wonu ya kirayɛ kɛ sɔrɔn de! Anu tora dila anuna bɛsɛnu dala anu dɛnbɛn-koe rɔ.