Yɛrɛmaya 46:10 - ALLALA KUMƐ

¹⁰ Ma Tigi Mari Alla Sɛnbɛ-Bɛɛ-Tigita tele le kɛ la. A ye nala a tayili sarala bi. A ye nala anu yogenu tɔrɔla bi. Ala faan si anu dɔn ha a buyi la ni fa. A si anu yele min ha a ni wasa. Mari Sɛnbɛ-Bɛɛ-Tigi si a ma, Babilɔn kɛlɛ-dannu bi a yogenu kan natɛgɛla Yufereti bɛ dafɛ kantɔ-wara la.

Yɛrɛmaya 46:10 Iomraidhean Croise

2 Mansɛnu 24:7

Iyipiti mansɛ anubɛ ala kɛlɛ-dannu ma ke bɔla Iyipiti tun bawo Babilɔn mansɛ ara ala nyamanɛ donu bi a bolo ka a bi Yufereti bɛ ma ha ka ke Iyipiti dan doi ma kantɔ-wara la.

Yobu 24:1

A bɛnta Alla Sɛnbɛ-Bɛɛ-Tigi ni wati-yɔnyɔn sa hadama-dan kiti-tɛgɛ-koe rɔ, ado ata mɔgɛnu sa a yenna karagbɛlɛnu kiti tɛgɛla.

Aiseya 13:6

Wo ni kurun dumɛ bolo. Marita lɔgɔ-latɛgɛnɛ ara gbɛrɛn. Mari Sɛnbɛ-Bɛɛ-Tigi si kasarɛ lana tele wo ma.

Aiseya 2:12

Wo tele wa ke, wasintenu wo, nyɛrɛ-kɔrɔtanɛnu wo, anubɛ sɛnbɛ-tiginu, Mari Sɛnbɛ-Bɛɛ-Tigi si wonu famayigi.

Aiseya 31:8

Asiriyanu-kunyɛ si to kɛlɛ rɔ kɔnɔ mɔgɔni-gbuta sɛnbɛ ma wo la de! Asiriyanu si anu buri kɛlɛ kɔrɔ. Anuna fonikenu si ma yɔɔnnu na.

Aiseya 61:2

Mɔgɛnu bi hɔrɔyala san min na, Mari ya n sɔ ka wo le wara-koe fɔ anu ye. Wo wati wa ke, Alla si karagbɛlɛnu tɔrɔ. Min bɛɛsi kɔrɔtɔnɛ, a ya n sɔ ka wonu manugu-nɛgɛ.

Aiseya 63:4

A ko ala mɔgɛnu tayili-sara-wati ara ke. Anu yogenu-tɔrɔ-wati ara ke.

Yɛrɛmaya 12:12

Kɛlɛ-den-siyaman si tenbi kɔnkɔ-manunkunɛ wonu ma. Nde, Mari si a ma, kɛlɛ-dan wonu ni nyamanɛ wo tɔrɔ. Ka a bi nyamanɛ-dan doi ma ka a sigi a dan doi la, anu si mɔgɛ wo bɛɛ tɔrɔ. Mɔgɔ-wo-mɔgɔ ti kisi.

Yɛrɛmaya 46:14

nde, Yɛrɛmaya ni kumɛ kɛ lawanka Iyipiti nyamanɛ rɔ. N ni a mayon Migidɔli anubɛ Mɛmfisi anubɛ Tapanisi soe burɔ ko, “Wo ni wo rabɛn kɛlɛ kan ma bawo wo bɛɛ ye nala lakira sɔrɔnna kɛlɛ rɔ.

Yɛrɛmaya 46:2

A ya a dabira Iyipiti ma. Yahoyakimta san nani nyɔgɛ ma Yuda nyamanɛ kun na, Babilɔn Mansa Nɛbukanasa ya Iyipiti Mansa Nikola kɛlɛ-dannu nɔ Yufereti bɛ dafɛ Kakemisi soe burɔ.

Yɛrɛmaya 46:6

Hali a buri-kɛla-wɛnu, anu kunyɛ ti bɔ a rɔ. Anuna kɛlɛ-dannu kunyɛ ti bɔ a rɔ. Anu bi anu kian latugula kantɔ-wara la Yufereti bɛ dafɛ ka ta bui fugbu!

Yɛrɛmaya 50:15

Wo ni kɛlɛ-sɔnkɛ layɛlɛ Babilɔnna foolɛ bɛɛ rɔ, ado nyɔ-mɔgɛnu bara dɛgɛ min. Anuna soe tarɛ si keri ka bui fugbu! Nde, Mari si n tayili sara Babilɔn kɛnu na. Woletɔ wo ni anu bira boloko-yogomɛ-kɛ iko anu fanan taranta mɔgɛnu birala nya min.

Yɛrɛmaya 50:18

Woletɔ Mari Sɛnbɛ-Bɛɛ-Tigi Isirɛlata Alla si Babilɔn mansɛ anubɛ ata nyamanɛ tɔrɔ iko a ya Asiriya mansɛ tɔrɔ nya min.

Yɛrɛmaya 51:6

Anu burumatoe ni bɔ Babilɔn nyamanɛ rɔ. Anu ni anu buri alako anu niyi la ni kisi. Anu kana faga, anu tɔgɛ ni to Babilɔn kɛnuna hakɛ la. Mari ko a si a tayili sara anu na iko a bɛnta, a ni a ma nya min.

Isikiyɛli 21:28

Mari ya a fɔ tun ko, “Ile hadama-dan, nde, wo Tigi Mari ye nala min fɔla Amonnu ye kɛ la, i ni wo latenbi anu ma bawo anu bi Isirɛla mɔgɛnu tasɛla kati! A fɔ anu ye ko, ‘Faan do ye wo tinya kan ma. A masusanɛ mɔgɔ-faga-koe la. A ye malan-malanna iko san-sɛran.’

Yowɛli 1:15

Marita wati ara gbɛrɛn. Tele wo nyɛrɛ wa ke, Mari Sɛnbɛ-Bɛɛ-Tigi si tinyalɛ kɛ, ado tinyalɛ wo, kasarɛ le ye a kɔma.

Yowɛli 2:1

Wo ni mɔgɛnu-nalɔn-buri fɛ Bato-Bɔn la Yerusalɛm soe burɔ. Wole Yuda nyamanita-mɔgɛnu, wo ni yɛrɛyɛrɛn kilan bolo bawo Mari natoe le, ado wo wati ara gbɛrɛn.

Sakaraya 6:6

So-finyɛnu bi kirindi min saganna, wonu tamatoe Babilɔn wara la le. So-gbɛnu tamatoe tele-yigi wara la. So-mapusan wonu tamatoe Iyipiti nyamanɛ wara la.

Luka 21:22

Wo bɛɛ si ma tɔrɔya-telenu na, ado Allata kitabu ya min fɔ, wo bɛɛ ni bɔ-a-la.

Tɔn-Fɔɛ-Fila-Nyɔgɛ 32:42

Mari ko yele si bɔ ata kalabɛn-sungbannu na ka tinti dugi ma. A ma di minnu ye, ata faan si wo bɛɛsi faga le. A yoge fenfen ti to a niyi la, hali mɔgɔ-tanbannɛnu anubɛ mɔgɔ-biranɛnu fanan si faga.