Yɛrɛmaya 44:7 - ALLALA KUMƐ

⁷ Woletɔ ale Mari Sɛnbɛ-Bɛɛ-Tigi Isirɛlata Alla ya wo manyinika ko nfenna wo ye karagbɛlɛya su kɛ sigila wo nyɛrɛ la? Kei wo, musu wo, denni wo, den-pulan wo, wo ye a fɛ ka wo dama kasara, hali mɔgɔ-den-kelen ti to a niyi la, wa?

Yɛrɛmaya 44:7 Iomraidhean Croise

Hɛnkilimaya-Kumɛnu 1:18

Kɔnɔ mɔgɔ-yogomɛ kɛnu bi gbɛrɛ lasigila anu nyɛrɛ ye, anu ya sa a la, ado anu si faga anu nyɛrɛta gbɛrɛ-lasiginɛ la.

Hɛnkilimaya-Kumɛnu 15:32

Ni min ye a kan-kɔ sɔla latelan la, wo tigi ma di a nyɛrɛ ye kɔnɔ ni min sɔnta labilɛ ma, wo tigi si ko nya-yen.

Hɛnkilimaya-Kumɛnu 5:22

Ko-yogomɛ si ma gbɛrɛ la ko-yogoma-kɛlɛ ye, ado a si bira a halala gbɛrɛ-lasiginɛ wo la, yɔ!

Hɛnkilimaya-Kumɛnu 8:36

Kɔnɔ mɔgɛ min sa sɔnna n nyinina, wo ara a nyɛrɛ tanban, ado a ara sayɛ keni.”

Yɛrɛmaya 25:6

Nɛbi wonu ya a fɔ wo ye ko Alla ma minnu na, wo kana wonu kɔ. Anu bi a fɔla fanan tun ko wo kana Alla ladiminya wola bɛsi-kɔ-koe fɛ wo ya minnu nadan wo bole la. Ni wo ya Mari sako kɛ nun, a ti wo tɔrɔ nun.

Yɛrɛmaya 25:7

Kɔnɔ Mari nyɛrɛ ko wo ma wo tole masɔ a kin na! A ko wo ara a fonde magboya wola bɛsɛnu na, ado a ko wole le ya tɔrɔyɛ wo sanba wo nyɛrɛ ma.

Yɛrɛmaya 26:19

Kɔnɔ Mansa Hɛsakaya anubɛ ala mɔgɛnu ma Nɛbi Maika faga wola ko la de, ado Mansa Hɛsakaya ya Mari gbiliya ka kuma-diyamɛnu fɔ ale Mari ye. Wo le ya a ma, Mari ya a miriya yɛlɛma Yerusalɛm kasara-koe ma. Nba, male nyɛrɛ-nyɛrɛ le ye kasarɛ lanala ma kuma gbɛ!”

Yɛrɛmaya 3:24

“Ka a bi ma dennɛ ma, ma fanu bi tɔrɔla min na, ma ye wonu dila layarabi-bɛsɛ kɛnu ma sarakayɛ la. Bɛsi-fufafuyi wonu bara ban ma fanuna kolo-fannu kunyɛ latola a rɔ. Anu bara ma fanuna dannu bi fanan.

Yɛrɛmaya 38:17

N ya a fɔ Mansa Sɛdɛkaya ye ko, “Mari Sɛnbɛ-Bɛɛ-Tigi Isirɛlata Alla ko ni ile ya dɛgɛ min Babilɔn Mansɛla kɛlɛ-dannu ye, i si to i niyi la. Soe kɛ ti mintan wo rɔ. A ko wobɛ ila denbayɛ si kisi.

Yɛrɛmaya 42:20

wo ara wo nyɛrɛ baya min si a ma, wo kunyɛ si to-a-rɔ. Wo ya n manyinika ko n ni mata Mari Alla madiya wo ye, ado wo ko a miriya ye ko-wo-ko ma, wo ye wonu denu kɛla.

Yɛrɛmaya 44:14

Wole Yuda mɔgɛ toe minnu nara sigi Iyipiti yan, wo siyaman ti wo buri ka to wo niyi la. A ko wo fenfen ti wo kɔ-sɛgi wola nyamani-diyamɛ rɔ tun fɔ kɛlɛ-kɔrɔ-burilɛ dori donu.

Yɛrɛmaya 44:8

A ko nfenna wo ye a ladiminyala wola bɛsi-ladannɛnu na ka isɛnti mintan anu ye Iyipiti nyamanɛ kɛ rɔ wo siginɛ kan min? Wo ye wo nyɛrɛ le dɔrɔn tinya-tinɛ. Sibolo-gbɛrɛnu ba wo yen tumɛ min, wonu si nyima worɔ ka wo tɔgɛ ma dankali-kɛ-fan la.

Yɛrɛmaya 7:19

Kɔnɔ Mari ko wole, Yuda kɛnu sa ale tɔrɔla. Wo ye wo nyɛrɛ tɔrɔla. A ko wo ye wo nyɛrɛ le lamiliyala.

Yɛrɛmaya 9:21

Sayɛ ara don wundan la. A ara don mala so-latankanɛnu tɔ. Mala dan minnu bi tolonna luyinu ma, sayɛ ara ban wonu matɔnbɔnna ma kɔrɔ. Keminɛ minnu bi kundɛnna barɛnu tɔ, ale sayɛ ara ta wonu na pon!

Nimisa Koe 2:11

N yɛ wulennɛ puipui, di-kɛ bolo. N yisi tinyanta feu! N tora ma yogenu yenna ma fagala min kɛ, n bandanta di-kɛ bolo. Dennɛnu bi belenna kirɔnna-a-la da-wo-da kɔnkɛ bolo soe burɔ.

Nimisa Koe 2:22

I ya ma yogenu kele ma kan ma alako anu ni ma kɛlɛ kan-tinɛ bɛɛ rɔ. Anu tugura ma kan ma iko anu keleta dɔn-fan le ma. Mɔgɔ-wo-mɔgɔ ma ke a sɔrɔnna anu na. Mɔgɔ ma to a niyi la min si a rakaran. Hali ma diyana-dan minnu siginɛ ma kɔnkɔn tɔ, anu ya wonu faga.

Isikiyɛli 33:11

A fɔ anu ye ko nde, anu Tigi Mari min bi n niyi la, n bara n keli n nyɛrɛ rɔ ko n ti sewa hakɛ-tigila fagɛ la. Yanni wo ni ma, a ni fara ala hakɛ-kɛ la ka to a niyi la. Wole Isirɛla mɔgɛnu, wo ni wo fara ko-yogomɛnu na wo ye minnu da kun tɔ. Nfenna fagali-sɔgɛ ye wo la?

Isikiyɛli 9:6

A kɛmɔgɔ wo, a kemini wo, a sunkurun-mɛsɛ wo, a denba wo, a den wo, wo ni anu bɛɛsi faga tɛrr! Kɔnɔ ni wo ya tamasere yen min telɛ ma, yanba kana yalan wo ma de! Wo ye a dabirala Bato-Bon-luyi ma yan de!” Anu ya a dabira mɔgɔ-ba mogan-ni-lolinu denu ma minnu bi luyi ma.

Habakuku 2:10

Wola kɛwuyɛ ara a ma, wola denbayɛnu bara miliya. Wo ara sibolo-siyaman kasara min kɛ, wo ara a ma, wo ara halakiyi lana wo nyɛrɛ kuma.

Tɔn-Fɔɛ-Fila-Nyɔgɛ 32:25

Wo si belenna fagala wola luyinu ma kɛlɛ bolo. Hali wo tenbi bɔn la, wo kumakɔnɛ si to kilan bolo. Kemini-mɛsɛ wo, sunkurun-mɛsɛ wo, a bɛɛ si faga. Hali dennɛnu anubɛ kun-gbɛnu ti to anu niyi la.

Yasowa 6:21

Kɛlɛ-dannu ya soe bira-a-la ka mɔgɛnu faga faan la, kei wo, musu wo, anubɛ anuna dennɛnu. Anu ya kolo-fan fanan bɛɛ faga.

1 Samuwɛli 15:3

A ko wo ni ta bui Amalɛkinu ma ka anu nato dogbe! Wo ni anu bolo-fan bɛɛsi halaki pɔ! Kei wo, musu wo, den wo, anubɛ anuna kolo-fannu, wo ni wo damasi halaki.”

1 Samuwɛli 22:19

Wo kɔma, Mansa Sɔli ya a ma, Dowɛgi tara Nobi kɛnu faga, saraka-masɔlɛnuna soe, kɔni. Kei wo, musu wo, denni wo, kolo-fen wo, a ya anu damasi faga tɛrr!