Yɛrɛmaya 44:6 - ALLALA KUMƐ

⁶ Woletɔ a ko a ya a fonde labɔn Yuda soenu anubɛ Yerusalɛm soe burɔ ka soe wonu mintan gburr! Ha bi, soe wonu bi tonbonyɛ la.

Yɛrɛmaya 44:6 Iomraidhean Croise

Aiseya 1:7

Wole Isirɛla mɔgɛnu, wola nyamanɛ kasaranɛ. Wola soenu bara mintan gburr! Sibolo-gbɛrɛnu bi wola sɛnita-fannu dɔnna wo yala ka wo kasaranɛ to.

Aiseya 51:17

Ile Yerusalɛm soe, kunden. I rasagan ka i lawuli. Mari fonde bɔnɛ ya tɔrɔya-yi-lafɛ min di i ma, i wara i min wo la. I ya i min a la tumɛ min, i ya yi-lafɛ ragbala todo! Wo ya a ma, i tora tonko-tankanna.

Aiseya 51:20

Mɔgɛnu mɔlɔkɔn-mɔlɔkɔnnɛ ye belenna buila. Anu sanɛ belenna soe lu-kunyɛnu na dinkirɛ bɛɛ. Anu mani de iko soge wa bira gbɛrɛ la. Anu bara banna Allata fondo-bɔɛ lɔnna.

Aiseya 6:11

N ya Mari manyinika. N ko, “Kɛ si to a la ha wati nyamintan?” A ya a fɔ n ye ko, “Kɛ si to a la ha soenu ta ni kolonya ka tii mɛmɛ! Ha bɔnnu na ni kolonya filili! Fɔ nyamanɛ bɛrɛn ni kasara pɔ!

Yɛrɛmaya 21:5

Mari ko a si wole, Yerusalɛm kɛnu kɛlɛ a sɛbɛ-kuna-wɛ anubɛ ata fondo-bɔ-wɛ la.

Yɛrɛmaya 34:22

A ko a wa wo kɛlɛ-koe fɔ wo yogenu ye tumɛ min, wonu si ta wo kɛlɛ-tinɛ ka wola soe bira ka a mintan gburr! A ko a si Yuda soenu ma wula-da-rakolɔn la, mɔgɔ sa kan min. Ale Mari kan le kɛ la.

Yɛrɛmaya 36:7

Bawo Mari ara anu tagbɛrɛn ata fondo-bɔɛ la, tumado anu si Mari madiya ka anu bɔ anu gbɛ da la.”

Yɛrɛmaya 4:27

Mari kuman-kan le kɛ la. A ko a si nyamanɛ tinya kɔnɔ a ti a mumɛ bɛɛ halaki.

Yɛrɛmaya 4:4

Wo ni wo nyɛrɛ dantɛgɛ Marita wɔlɛ ma. Wo ni ala kumɛ bira wo yisi bɛɛ la. Wole Yerusalɛm kɛnu anubɛ Yuda nyamanta-mɔgɛ bɛɛ, Mari ko wo ni kɛnu ma. A ko ni wo tantanta kɛ do ma, a si wo halaki ata fondo-bɔɛ la min manɛ iko tɛ, ado mɔgɔ ti ke tɛ wo ladufenna ka a tɛgɛ wo sɔn-yogomɛla ko ma.

Yɛrɛmaya 42:18

“Mari Isirɛlata Alla ko iko a fonde bɔra Yerusalɛm kɛnu kuma nya min, ni wo tara Iyipiti nyamanɛ rɔ, a fonde ye bɔla wo kan ma wo nya na le. A ko min ba wo yen, wo kuma si tɛgɛ. Mɔgɛnu si wo bira boloko-yogomɛ-kɛ ka wo tɔgɛ ma dankali-kɛ-fan la. A ko wo ti kan-tinɛ kɛ yen tun!

Yɛrɛmaya 44:22

Bi, wola nyamanɛ ye tonbonyɛ le la gbɛ! Mɔgɔ sigini sa a rɔ. Mɔgɛnu ba nyɔ yen, anu si anu bole sa anu dɛ la ka kawa. Anu si wo tɔgɛ ma dankali-kɛ-fan la bawo Mari ti ke a munyuna wola karagbɛlɛya-koe kɛnu kɔrɔ muk!

Yɛrɛmaya 7:17

A ya n manyinika ni n sa a yenna wo ye min kun na Yerusalɛm luyinu ma anubɛ Yuda soe toenu burɔ.

Yɛrɛmaya 7:20

Ma Tigi Mari ya a fɔ ko a si ata fondo-bɔɛ labɔn kan-tinɛ kɛ ma. A hadama-den wo, a sogo wo, a kɔlɔma wo, a fui-fen wo, a si ata fondo-bɔɛ rawuya wonu dama ma. A ko ata fondo-bɔɛ si ma iko tɛ, ado mɔgɔ-wo-mɔgɔ ti ke tɛ wo ladufenna.

Yɛrɛmaya 7:34

Wo wati rɔ, Mari ko kɔnyɔ-tolon ti taran nyamanɛ kɛ kan-tinɛ fenfen tɔ. Sewa-wo-sewa ti taran Yerusalɛm luyinu ma anubɛ Yuda nyamanɛ toe bɛɛ rɔ. Nyamanɛ wo si ma dugu-magbalanɛ la.

Yɛrɛmaya 8:3

Mari Sɛnbɛ-Bɛɛ-Tigi ko wole, mɔgɔ-yogomɛ toe minnu tonɛ, a si wo gben wola nyamanɛ rɔ, ado gbɛlɛyɛ si karagbɛlɛ wonu bira nyamanɛ wonu tɔ ha saya-sɔgɛ ni wo bira a ye wo ranyɛnsɛnna kan min.

Nimisa Koe 1:1

Fɔlɔ nun, Yerusalɛm soe lafanɛ mɔgɛnu na penpen, kɔnɔ kaka, a ra ara kolonya filili! A ara ma iko kɛɛ-musi min bi a diya nun kɔrɔma la. Ale Yerusalɛm min mani de nun iko mansa-tɔgɔlamɛla musi kɔnɔ kaka, a ara ma iko yɔɔn-bolo-kolɔn.

Nimisa Koe 1:13

“Alla ara fɛrɛma-kaliyɛ ladon n fɛrɛ rɔ iko tɛ. Mari ara gbɛrɛ lasigi n ye alako a si n nabui nya min. Wo kɔma, a ya a kɔɛn bɔ n tɔ ka mabɛ duma-belebele to sigini.

Isikiyɛli 20:33

“Nde, wo Tigi Mari ya n keli n nyɛrɛ rɔ, n bi Isirɛla mɔgɛnu makawandila ko n si mansayɛ kɛ anu kuma yisi-bɔɛ anubɛ n sɛnbɛ bɛɛ la.

Isikiyɛli 20:34

N ba anu nadɛn kan-tina-kelen tumɛ min ka bɔ nyamani-gbɛrɛkɛnu tɔ anu tanyɛnsɛnnɛ kan minnu tɔ nun, n si nna yisi-bɔɛ anubɛ n sɛnbɛ yira anu na tumɛ wo le tɔ.

Isikiyɛli 24:13

Yerusalɛm soela sɔn-yogomɛ ara a kɔsɔ feu! Hali n ya n karan ka a sɛninya, a kɔsɔnɛ si to. A ti ban sɛninyala fɔ n ba nna diminya-wɛ bɛɛ labɔ a ma.

Isikiyɛli 24:8

N bara yele wo to gbɛ rɔ nyɔ, ado tayili-sara-sɔgɛ ye yele wo la.

Isikiyɛli 5:13

“Wo si nna yisi-bɔɛ sɛnbɛ-dan lɔn ha wo tɔrɔya-nya ni n hɛnɛ. Wo wa ma, wo ti tɛrɛna wo la ko nde, Mari le wara kuma. N yisi ara bɔ ka a tɛgɛ wola telenbɛlitayɛ ma.

Isikiyɛli 6:12

Minnu bi wula-yan la, kirayɛ le tala wonu na. Minnu bi i dafɛ, wonu kunyɛ si to kɛlɛ rɔ. Minnu bi tola anu niyi la, kɔnkɛ le wonu natola. Anu dama si a lɔn n yisi-bɔɛ ye nya min.

Isikiyɛli 8:18

Anu si na nna yisi-bɔɛ dan-natɛgɛ lɔn. N ti kinikini anu ma. N ti anu to anu niyi la. Hali anu ya anu dɛ sa-a-rɔ n madiya-tinɛ, n ti anu denkun.”

Daniyɛli 9:12

I ya a fɔ ko i ye nala koe min bɛɛsi mala male anubɛ mala kun-tiginu na, i wara wonu ma ma la serr! I wara Yerusalɛm soe tɔrɔ ka tenbi soe bɛɛ la duninya rɔ.

Saraka-Masɔlɛnuta Tɔnnu 26:28

n fonde si bɔ wo kuma ka tenbi a nani nyɔgɛ wo la.

Saraka-Masɔlɛnuta Tɔnnu 26:31

N si wola soenu bira ka anu kasara. N si wola bɛsi-kɔ-tinɛ bɛɛsi tinya fanan. Hali wo ya sarakɛnu bɔ n ye, n ti sɔn anu na. Anu mintan-sumɛ ti diya n ye muk!

Nehami 1:2

Mari Alla ti sɔn a senɛ ma. Minnu bi a rasɛla, a si wonu tɔrɔ. A fonde bɔnɛ si a tayili sara.

Sakaraya 1:2

Mari Sɛnbɛ-Bɛɛ-Tigi ya a fɔ nde, Sakaraya ye ko n ni a fɔ wole, ala mɔgɛnu ye ko ale Mari fonde bɔnɛ wo benbanu kuma nun dɔgɔma-ma-de!

Sakaraya 1:6

Ala wɔli-kɛlɛ wonu minnu bi ata nɛbiyɛ la, a ko wonu ya wo benbanu makawandi-siyaman kɛ ka tɔn fanan di anu ma kɔnɔ anu ya wonu kan bɔrɔbɔ ka tɔrɔya-belebele sɔrɔn. Wo kɔma, a ko anu ya anu sɔ anu hakɛ la ka a fɔ ko anu ya tɔrɔyɛ min sufa sɔrɔn Mari Sɛnbɛ-Bɛɛ-Tigi bolo, wo bɛnta le, yɔ, ado wo bɔra-a-la iko ale Mari ya a miri a ma nya min! Soeenu Yen-Koe

Sakaraya 7:14

A ko wo le ya a ma, a tara wo ranyɛnsɛn nyamani-gbɛrɛkɛnu tɔ iko fɔnyɔ wa fen ranyɛnsɛn. A ya wola nyamani-hakikɛ kɛ rakolonya. A kasaranɛ tora pɔ!