Biblia Todo Logo
Bìoball air-loidhne

- Sanasan -




Yɛrɛmaya 44:23 - ALLALA KUMƐ

23 Min bi a tola kasarɛ kɛ ye nala wo ma kaka, bawo wo ye isɛnti mintanna bɛsɛnu ye ka wo kan-kɔ sɔ Marita tɔnnu na. Wo ara bila ale Mari la.”

Faic an caibideil Dèan lethbhreac




Yɛrɛmaya 44:23
24 Iomraidhean Croise  

Mɔgɛnu si wo yabi ko, ‘Mari ya kasarɛ kɛ bɛɛ lana anu kuma kamasɔrɔn anu bara bɛsɛnu kɔ ka anuta Mari Alla boloka min ya anu nabɔ Iyipiti.’ ”


Mari ko anu ma sɔn ata sereyanu birala. Anubɛ anu benbanu sarata min na, anu ma sɔn wo birala. A ko a ya anu makawandi minnu ma, anu ma sɔn anu tole masɔla wonu na. Anu ya bɛsi-fufafuyinu kɔ ka anu nyɛrɛ ma mɔgɔ-fufafuyinu na. Mari ya a fɔ anu ye nun ko anu kana anu dan-masa-nyɔgɛnuna namunu bi kɔnɔ anu ya wonuna namunyɛnu bi.


Kɔnɔ hali wo, anu tora Allata kilayɛnu manyinina. Anu bi anu tengberenyala Marita kuma-lamɔɛn-koe ma ka ata nɛbinu mayɛlɛn. Kɔnɔ tɔ-a-la, Marita diminyɛ warata anu kuma ha anu bɔ-kunya ma sɔrɔn tun Marita diminya kɔrɔ.


Ko sufa kɛ le ya a ma, Alla ya wo benbanu tɔrɔ ha soe kɛ kasarata. Ha bi, wole fanan bi sɔn kelan wo le kun na. Wo si a ma, Allata diminyɛ ni bui Yerusalɛm kɛ kuma bawo wo ye Sulen-Tele lafɛyala.”


N ya-yi ye yigila iko bɛ bawo mɔgɛnu sa sɔnna ita tɔnnu bira-koe ma.


N yoge minnu bara a lagbɛlɛya n kuma, wonu denu bi anu gbɛrɛnna n ma. Wonu ti sɔn ila tɔnnu bira-koe ma mumɛ!


Karagbɛlɛnu ti kisi bawo anu sa ita tɔnnu birala.


Sarama-kan min bi anubɛ Alla tɛma, anu denu ma anutɛ latɔnbagaya. Anu ya anu ban ata tɔn-bira-koe ma.


Hali wo, anu murutiyara Alla Sɛnbɛ-Bɛɛ-Tigi ma ka don a kɔrɔbɔɛ rɔ. Anu ma ata tɔnnu bira mumɛ!


Mari ya a fɔ wole, ala mɔgɛnu ye ko wo ni ala kumɛ bira tɔn-birɛ fɛ iko a ya wo labila nya min.


ado a ya min fɔ, wo le wara bɔ-a-la kɛ la. Kɛ bɛɛ mara le bawo ila mɔgɛnu bara bila ale Mari la ka hakɛ kɛ.


Ha bi, wo ma wo famayigi Mari kɔrɔ wɛ, ado ha bi, wo ma ale Mari gbiliya. Ale Mari ya tɔn minnu di wobɛ wo benbanu ma, ha bi, wo ma wonu bira.


Kebi ma farata sarakɛnu dila mala bɛsi-musu-mansɛ wo ma, ma wara-koe mara le gbɛ yuliyali! Mala mɔgɛnu kunyɛ tora kɛlɛ anubɛ kɔnkɔ-fitinɛ rɔ.”


Mari Sɛnbɛ-Bɛɛ-Tigi Isirɛlata Alla ko a ara kasarɛ min lana Yerusalɛm anubɛ Yuda soenu ma, a ko wo ara wo rayen, ado ha bi, soe wonu tinyanɛ nyɔ. Mɔgɔ-wo-mɔgɔ sigini sa anu tɔ tun


“Wobɛ wo benbanu bi min kun na nun wo, wola mansɛnu anubɛ wola kun-tiginu bi min kun na nun wo, anubɛ minnu bi Yerusalɛm soe anubɛ Yuda nyamanɛ rɔ wo, wole miri ko wo ye isɛnti-mintan-koe min kun na, Mari sa wo kalama, wa? A la ara nyina le, wa?


bawo wole nyɔ-mɔgɛnu bara ko-yogomɛnu nadan ka ale Mari ladiminya. Wo ya bɛsɛnu kɔ ka isɛnti mintan anu ye nyɔ, ado wole wo, wo benbanu wo, wo fenfen ma duru bɛsɛ wonu kɔla nun.


A ko nfenna wo ye a ladiminyala wola bɛsi-ladannɛnu na ka isɛnti mintan anu ye Iyipiti nyamanɛ kɛ rɔ wo siginɛ kan min? Wo ye wo nyɛrɛ le dɔrɔn tinya-tinɛ. Sibolo-gbɛrɛnu ba wo yen tumɛ min, wonu si nyima worɔ ka wo tɔgɛ ma dankali-kɛ-fan la.


Yerusalɛm soe ara a nyɛrɛ latinya bawo a ara hakɛ-yogomɛ kɛ. A gbiliyanɛ minnu bolo nun, wonu ya a magboya bawo anu bara a lakolɔn yen. Ale fanan bi dila a yakɔrɛ dogonna miliyɛ bolo.


I ya ma tɔrɔ iko Musa ya a sɛbɛ ala tɔn-buku rɔ nya min. Kɔnɔ mata Mari Alla, ma ma ma raya ka duwɛ nyini i bolo ka fara mala hakɛnu na alako ma ni bila ita kila-telennɛ fɛ.


Ade! N bi min fɔ tinɛ, wo le ko anu bi sarakɛ min bɔla wo la, anu sa wo bɔla Alla ye fɔ nyinɛnu, ado n sa a fɛ, wo ni ta-nyɔgɔnyɛ kɛ nyinɛ wonu fɛ.


Diyanayɛ mintan bi Alla-Bato-Bɔn anubɛ Alla-batobɛlɛnuna bɛsɛ kɔ tinɛnu tɛma? Male le Alla nimɛ Bato-Bɔn la iko Alla nyɛrɛ ya a fɔ nya min ko, “N si sigi anu fɛ ka to anu tɛma. N si ma anuta Alla la. Anu si ma nta mɔgɛ la.”


Lean sinn:

Sanasan


Sanasan