Yɛrɛmaya 44:2 - ALLALA KUMƐ

² Mari Sɛnbɛ-Bɛɛ-Tigi Isirɛlata Alla ko a ara kasarɛ min lana Yerusalɛm anubɛ Yuda soenu ma, a ko wo ara wo rayen, ado ha bi, soe wonu tinyanɛ nyɔ. Mɔgɔ-wo-mɔgɔ sigini sa anu tɔ tun

Yɛrɛmaya 44:2 Iomraidhean Croise

2 Mansɛnu 21:13

N si Yerusalɛm kɛnu tɔrɔ iko n ya Samariya kɛnu anubɛ Ehabu kegeyɛ tɔrɔ nya min nun. N si mɔgɛnu kian firan Yerusalɛm soe burɔ iko mɔgɛ ye fi rafiranna nya min ka a laburun.

Bɔ-Koe-Iyipiti 19:4

‘N bara min ma Iyipiti kɛnu na, wo ara wo rayen. N bara wo bi ka wo ma ntɛ la ka wo fɛ-bira kilɛ la iko bibi tenbi ala dannu fɛ-birala gban tinɛ.

Aiseya 24:12

Anuna soe si ban kasarala feufeu! A don-dɛ si keri.

Aiseya 6:11

N ya Mari manyinika. N ko, “Kɛ si to a la ha wati nyamintan?” A ya a fɔ n ye ko, “Kɛ si to a la ha soenu ta ni kolonya ka tii mɛmɛ! Ha bɔnnu na ni kolonya filili! Fɔ nyamanɛ bɛrɛn ni kasara pɔ!

Yɛrɛmaya 25:11

Nyamanɛ mumɛ bɛɛ kasaranɛ si to. San bi-wɔrɔnfila dɛgɛdɛgɛ, wobɛ wo dan-masa-nyɔgɛnu bi Babilɔn mansɛ kɔrɔ.

Yɛrɛmaya 34:22

A ko a wa wo kɛlɛ-koe fɔ wo yogenu ye tumɛ min, wonu si ta wo kɛlɛ-tinɛ ka wola soe bira ka a mintan gburr! A ko a si Yuda soenu ma wula-da-rakolɔn la, mɔgɔ sa kan min. Ale Mari kan le kɛ la.

Yɛrɛmaya 4:7

Sibolenuta kasara-kɛlɛ ara fɔlɔla nala iko yarɛ wa bɔ faran la. A ara a warɛ boloka ka na wola nyamanɛ tinya-tinɛ. Wola soenu si tii mɛmɛ! Hali mɔgɔ-den-kelan, a ti to wonu tɔ.

Yɛrɛmaya 44:22

Bi, wola nyamanɛ ye tonbonyɛ le la gbɛ! Mɔgɔ sigini sa a rɔ. Mɔgɛnu ba nyɔ yen, anu si anu bole sa anu dɛ la ka kawa. Anu si wo tɔgɛ ma dankali-kɛ-fan la bawo Mari ti ke a munyuna wola karagbɛlɛya-koe kɛnu kɔrɔ muk!

Yɛrɛmaya 44:23

Min bi a tola kasarɛ kɛ ye nala wo ma kaka, bawo wo ye isɛnti mintanna bɛsɛnu ye ka wo kan-kɔ sɔ Marita tɔnnu na. Wo ara bila ale Mari la.”

Yɛrɛmaya 7:34

Wo wati rɔ, Mari ko kɔnyɔ-tolon ti taran nyamanɛ kɛ kan-tinɛ fenfen tɔ. Sewa-wo-sewa ti taran Yerusalɛm luyinu ma anubɛ Yuda nyamanɛ toe bɛɛ rɔ. Nyamanɛ wo si ma dugu-magbalanɛ la.

Yɛrɛmaya 8:3

Mari Sɛnbɛ-Bɛɛ-Tigi ko wole, mɔgɔ-yogomɛ toe minnu tonɛ, a si wo gben wola nyamanɛ rɔ, ado gbɛlɛyɛ si karagbɛlɛ wonu bira nyamanɛ wonu tɔ ha saya-sɔgɛ ni wo bira a ye wo ranyɛnsɛnna kan min.

Yɛrɛmaya 9:11

Mari ko a si Yerusalɛm soe ma iko sundu-kunyɛ. Nyɔ si ma fira-wulinu barɛ la. A ko a si soenu bunden Yuda nyamanɛ rɔ ha mɔgɔ ti sigi nyɔ tun.

Nimisa Koe 1:1

Fɔlɔ nun, Yerusalɛm soe lafanɛ mɔgɛnu na penpen, kɔnɔ kaka, a ra ara kolonya filili! A ara ma iko kɛɛ-musi min bi a diya nun kɔrɔma la. Ale Yerusalɛm min mani de nun iko mansa-tɔgɔlamɛla musi kɔnɔ kaka, a ara ma iko yɔɔn-bolo-kolɔn.

Nimisa Koe 1:16

“Wo le wara a ma, n ya-denkɛ ra sa gbalala tun. N madiya-mɔgɔ-wo-m͔ɔgɔ sa nyɔ. N kɔntɔ-diya-mɔgɔ sa tun. Nna mɔgɛ bɛɛ ara ma fugarɛ la bawo ma yogenu bara ma nɔ.

Daniyɛli 9:12

I ya a fɔ ko i ye nala koe min bɛɛsi mala male anubɛ mala kun-tiginu na, i wara wonu ma ma la serr! I wara Yerusalɛm soe tɔrɔ ka tenbi soe bɛɛ la duninya rɔ.

Saraka-Masɔlɛnuta Tɔnnu 26:31

N si wola soenu bira ka anu kasara. N si wola bɛsi-kɔ-tinɛ bɛɛsi tinya fanan. Hali wo ya sarakɛnu bɔ n ye, n ti sɔn anu na. Anu mintan-sumɛ ti diya n ye muk!

Saraka-Masɔlɛnuta Tɔnnu 26:43

Kɔnɔ a fɔlɔfɔlɛ, fɔ wo ni nyamanɛ wo boloka, woletɔ nyamanɛ si a sulen bɛrɛbɛrɛkɛ. N bara tɔrɔyɛ min bɛɛsi lana wo kuma wola kalabanteyɛla ko la, fɔ wo kegeyɛnu ni anu munyu wo damasi kɔrɔ.

Maika 3:12

“Woletɔ mɔgɛ kɛnu bara-koe le ye a mala, sibolo-gbɛrɛkɛ-mɔgɛnu ni Yerusalɛm ma tonbɔn la. Anu si so-karantan kɛ rasin ka a ma sɛnɛ la. Wo kɔma, hali Marita Bon-Sɛnimɛ sɔnɛ kɔnkɛ min kuma, wo fanan si ma anuna sangban la.”

Sakaraya 1:6

Ala wɔli-kɛlɛ wonu minnu bi ata nɛbiyɛ la, a ko wonu ya wo benbanu makawandi-siyaman kɛ ka tɔn fanan di anu ma kɔnɔ anu ya wonu kan bɔrɔbɔ ka tɔrɔya-belebele sɔrɔn. Wo kɔma, a ko anu ya anu sɔ anu hakɛ la ka a fɔ ko anu ya tɔrɔyɛ min sufa sɔrɔn Mari Sɛnbɛ-Bɛɛ-Tigi bolo, wo bɛnta le, yɔ, ado wo bɔra-a-la iko ale Mari ya a miri a ma nya min! Soeenu Yen-Koe

Tɔn-Fɔɛ-Fila-Nyɔgɛ 29:2

Musa ya Isirɛla mɔgɛnu nadɛn ka a fɔ anu ye ko, “Wo nyɛrɛ-nyɛrɛ ya a yen Mari ya min ma Iyipiti nyamani-tigi la anubɛ ala mɔgɔ-banu anubɛ anuna nyamanɛ.

Yasowa 23:3

“Kaka, n bara kɔrɔya. Wo ara koe bɛɛ yen Mari ya min ma sibolo-gbɛrɛ kɛ bɛɛsi la wolela ko la. Wota Mari le ya anu kɛlɛ wo ye.