Yɛrɛmaya 44:16 - ALLALA KUMƐ

¹⁶ “I ye min bɛɛ fɔla Mari tɔgɛ rɔ, ma ti ma tole masɔ wo la muk!

Yɛrɛmaya 44:16 Iomraidhean Croise

Yaburi 2:3

Anu bi a fɔla ko, “Ma ni ma bɔ ata sɛnbɛ kɔrɔ. Hali ma ma taran ala sarati kɔrɔ tun.”

Bɔ-Koe-Iyipiti 5:2

Mansɛ wo ko, “Mari kɛ ye yon na, n bi min kuman-kan birala ka Isirɛla mɔgɛnu boloka? N ma Mari wo lɔn hali! N ti Isirɛla mɔgɛnu boloka muk!”

Hɛnkilimaya-Kumɛnu 1:24

N bara wo rakele-siyamɛ kɛ kɔnɔ wo sa wo tole masɔla n na. N bɔrɔ sa wo ye.

Aiseya 3:9

Hali anu yala-yen si a yira ko anu yilikinɛ. Anu hakɛ sanɛ gbɛ rɔ iko Sɔdɔm kɛnutɛ mara nya min. Anu tinya-koe ara to a ma, ado anu nyɛrɛ gbɛ le wo la, yɔ!

Yɛrɛmaya 11:10

Ado nfan, a ko wo benbanu ya hakɛ minnu kɛ, wole fanan bi wonu denu gbɛ latugunna. Wo benbanu ya anu ban anu tole masɔla a la. Anu bilara bɛsɛnu fɛ ka wonu kɔ. A ko Isirɛla mɔgɛnu anubɛ Yuda mɔgɛnu bara sarama-kan tinya wo benbanu anubɛ Alla ya min kiri anu nyɔgɔn tɛma.

Yɛrɛmaya 11:8

A ko kɔn-gbalɛ kerinɛ wo benbanu tole rɔ. Anu tole gbɛlɛ gben! Min ba diya anu ye, anu bi wo le mala, ado sarama-kan wo ko ni min ma ata kumɛ bira, wo tigi si dankɛ sɔrɔn. Woletɔ a ko a ya a ma, anu ya dankɛ wo su bɛɛ sɔrɔn. A ya sarama-kan kɛ bira-koe fɔ anu ye kɔnɔ anu ma anu sɛbɛ don a ma hali!

Yɛrɛmaya 13:10

A ko wole, kalabantenu sa sɔnna wo tole masɔla ata makawandili-kan la. Wola tolo-gbɛlɛyɛ le ye a mala, wo ye wo nyɛrɛ diyana-koenu mala. Wo ye bɛsɛnu kɔla, woletɔ wo ye mala iko kufama kɛ. Wo ti ko-wo-ko nyinya mɔgɛ ma.

Yɛrɛmaya 18:18

Nde, Yɛrɛmaya ban kɛ fɔla, wole ko, “Wo na, ma ni ko-rabɛn-kɛ Yɛrɛmaya kan ma. Saraka-masɔlɛ donu si taran a gbɛ rɔ ka ma labila. Hɛnkilimɛ donu si to ma hɛnkili kɔla. Nɛbinu si to Marita kumɛ dila ma ma. Ma mako sa Yɛrɛmaya kɛ la tun. Ma ni ta a la mɔgɔ-banu yakɔrɔ. Ni a ya fenfen fɔ, ma kana ma tole masɔ wo la.”

Yɛrɛmaya 38:4

Mɔgɔ-ba wonu tara a fɔ mansɛ ye ko, “Fɔ kei kɛ wa faga. Masiba-kuma-fɔɛ kɛ si a ma, kɛlɛ-dannu anubɛ a mɔgɛ toenu yigi ni tɛgɛ! A darɔ-sigi-kunya le wo la soe kɛ burɔ tolon! A sa mɔgɛnu dɛnbɛna fɔ ka anu kɔntɔ-gboya.”

Yɛrɛmaya 42:13

“Kɔnɔ wole min tora Yuda nyamanɛ kɛ rɔ, wo kana wota Mari Alla sɔsɔ ka wo ban sigila nyamanɛ kɛ rɔ. Wo kana to a fɔla ko wo ye tala Iyipiti ka kɛlɛ masangba bawo kɛlɛ anubɛ kɔnkɔ sa nyɔ. Mari Sɛnbɛ-Bɛɛ-Tigi Isirɛlata Alla ko ni wo tora a fɔla ko fɔ wo ni ta sigi Iyipiti nyamanɛ rɔ,

Yɛrɛmaya 43:2

Hosayala den Asaraya anubɛ Kareyala den Yohenan anubɛ wasinte gbɛrɛnu ya a fɔ n ma ko, “I foni. Mata Mari Alla ma a fɔ ko ma kana ta sigi Iyipiti.

Yɛrɛmaya 44:24

N ya a fɔ mɔgɛnu ye katarala musinu ma ko Mari Sɛnbɛ-Bɛɛ-Tigi Isirɛlata Alla kumara wole, Yuda kɛnu ma minnu siginɛ Iyipiti. A ko, “Wobɛ wola musinu bara lanyiri kiri bɛsi-musu-mansɛ ye gben! Wo ya isɛnti mintan ale bɛsɛ wo ye ka minni-sarakɛnu di a ma.” Ado nfan, Mari ko wo ye wola lanyiri wonu da kun tɔ. Nba, wo ni wo raya! A ko wo ni wo sɛbɛ don!

Yɛrɛmaya 6:16

Mari ko wole, ata mɔgɛnu sɔnɛ kila-faran rɔ. Wo ni wo yɛ lakalan. Wo ni ata kila-kɔrɛ manyinika. A ko wo ni kila-nyimɛ manyinika alako wo ni ta wo fɛ nya min, ado ni wo bɔra kilɛ wo fɛ, wo yisi la si fɛrɛ. Kɔnɔ hali wo, wo bannɛ bɔla kila-nyimɛ wo fɛ.

Yɛrɛmaya 8:12

A bɛnta kun-tigi wonu ni miliya anu kɛ-nya-yogomɛ la. Kɔnɔ miliyɛ-bɔrɔ-pɛrɛ, a sa anu yɛ la. Hali anu bara hakɛ-siyaman kɛ, mɔgɔ ti miliyɛ bira anu yakɔrɛ ma lefan! Wo le si a ma, anu fanan bi buila iko doinu. Mari ko mɔgɛnu-tɔrɔ-tele wa ke, wonu denu si fɛrɛn dugu la.

Yɛrɛmaya 8:6

Mari ko a ya a wɔlɔ matɔlɔ wo la a kin na kɔnɔ fenfen ti bɔ wo da rɔ fɔ foninyɛ. Wo fenfen ma nimisa wo hakɛla ko la. Wo miriya ma ke wo sɔn-kɔrɛ wonu ma lefan anu boloka-koe ma. Bɛɛ ye a kun fɛ iko soee-kɛlɛta talɛ.

Daniyɛli 3:15

Kɔnɔ ni wo ya tolon-kan lamɔɛn gbɛ ka wo madu nna bɛsɛ kɔrɔ, wo kin. Kɔnɔ ni wo ma sɔn wo madu-koe ma, anu si wo lafili sulubondon tɛ rɔ tiriya! Wola bɛsɛ nyamintan si ke wo kunyɛ bɔla wo rɔ nde bolo?”

Luka 19:14

Kɔnɔ a ma di ala nyamanita-mɔgɛnu ye min kɛ, anu ya kilayɛnu nata a gbere la ka a fɔ ko, ‘Ma sa a fɛ, kei kɛ ni ma mala mɔgɔ-ba la tun.’

Luka 19:27

Nba, n yoge kɛnu, a ma di minnu ye ko n ni ma anuna mansɛ la, wo na wonu na yan ka anu faga n yala!’ ”

1 Samuwɛli 8:19

Kɔnɔ hali wo, mɔgɛnu ma sɔn anu tole masɔla Samuwɛlita kumɛ wonu na. Anu ya a fɔ a ye ko, “Hali wo, male ye nyinina mata mansɛ le ma,