Yɛrɛmaya 43:12 - ALLALA KUMƐ

¹² N si tɛ tugu Iyipiti bɛsi-kɔ-bɔnnu na. Ni Babilɔn mansɛ ma Iyipiti bɛsɛnu mintan, a si ta anu na a bolo. Iko saga-fɛ-biralɛ si karangbɛ tɔnbɔn ala kurɛ ma nya min, Babilɔn mansɛ ye Iyipiti kɛnu matɔnbɔnna wo nya na le ka ta a ye fanka la pon!

Yɛrɛmaya 43:12 Iomraidhean Croise

2 Samuwɛli 5:21

Filisitinu ya anu buri Mansa Dawuda kɔrɔ tumɛ min, anu ya anuna bɛsɛnu to nyɔ. Mansa Dawudala keminɛnu ya wonu bi ka ta anu tinya.

Ɛsita 6:9

Wo kɔma, i ni ila mɔgɔ-ba do sɔ soee wo yarɔ, kei kɛ ye sigila min na ila mansaya-duruki ye a kan na. Mɔgɔ-ba wo ni ta a la soe tɛma ka ala ko fɔ mɔgɛnu ye. A ni to a fɔla ko, ‘Ni a bɛnta, mansɛ ni min gbiliya-belebele-wɛ kɛ, a si a ma a ye ka le.’ ”

Yobu 40:10

Nba, ni ile si ke wonu mala le, i nyɛrɛ makiri gbiliyɛ anubɛ sɛnbɛ la. Fanka anubɛ bonya bila i kan na.

Yaburi 104:2

I wara waan ma i nyɛrɛta duruku-ba la. I wara san-kole rafulen iko fani-bɔn.

Yaburi 132:16

A si kisi-ko-duruki don saraka-masɔlɛnu kan na. A ko ata mɔgɛnu si to sigi sala sewɛ bolo nyɔ rɔ.

Yaburi 132:18

A ko a si a yogenu namiliya kɔnɔ ata mansayɛ si ta yarɔ ka wara.

Bɔ-Koe-Iyipiti 12:12

Mari ko tun, “N si tenbi Iyipiti nyamanɛ rɔ wulɔn suyi nyɛrɛ rɔ ka Iyipiti mɔgɛnuna den-kei-sarɛnu faga anubɛ anuna kolo-fen den fɔlɔtɛnu, a keimɛnu, kɔni. Nde le Mari la, min si Iyipiti bɛsɛ wara-koe halaki.

Aiseya 19:1

Kilayɛ le kɛ la Iyipiti kɛnuna ko la. Mari si a mayigi banda-finyɛ rɔ, a ni ta tiriya Iyipiti nyamanɛ rɔ. Bɛsɛ min bɛɛ ye nyɔ, wonu si yɛrɛyɛrɛn a kɔrɔ, ado nyɔ-mɔgɛnu yisi si tɛgɛ gbat!

Aiseya 21:9

A ma mɛ lefan, a ya so-laburilɛ wonu yen nala fila-filanyɛ ma. So-laburilɛ ya a kan lake ko, “E, Babilɔn ara bui! Anu bi bɛsɛ minnu kɔla, wonu takerikerinɛ belenna Babilɔn soe burɔ.”

Aiseya 46:1

Mari ko Babilɔn bɛsɛnu wara-koe dan le kɛ la sɔɛn! Bɛsɛ min tɔgɛ Bɛli anubɛ Nibɔ, anu bi wonu kɔla nun kɔnɔ kaka, bɛsɛ wonu kirinɛ sofɛlɛnu kɔ tɛma. Anu bara ma dunɛ la dɔrɔn kolo-fen-bandannɛnu ye.

Aiseya 46:2

Bɛsɛ wonu ti ke anu nyɛrɛ lakisila. Anu tara biralɛ rɔ. Babilɔn bɛsɛnu wara-koe laban le kɛ la.

Aiseya 49:18

Wo ni wola foolɛ mafɛlɛn min bi mala. Wola mɔgɛ minnu kundɛnnɛ, wonu namatoe le. Mari ko a fotɛ a nyɛrɛ rɔ ile Yerusalɛm soe, i si i wasi ila mɔgɛ wonu na iko kɔɛn-kurɛ wa a wasi ala fen-kolomɛnu na.

Aiseya 52:1

Ile Yerusalɛm, i ragbɛlɛya. Ile Allata so-sɛnimɛ, i nyɛrɛ makiri, i mafɛlan ni diya tun. Alla-batobɛlɛnu ti don so-tarɛ don-dɛnu na tun.

Aiseya 59:17

Marita ko-nyimɛ le manɛ a nyɛrɛta duruku-ba la. Kisi-koe le manɛ ata fulɛ la. Tayili-sarɛ le manɛ a fɛrɛya-bɔɛ la. Kerinteyɛ le manɛ ala kan-makɛ-fan la.

Aiseya 61:10

Mari le ya a ma, ma ara sewa dɔgɔma-ma-de! Alla ya a ma, n niyi ra ara diya. Mari ara kisi-koe fɛrɛya-bɔɛ di ma ma. A ya ata nyimayɛ ma duruku-ba la. Ma manɛ iko kɔɛn-tigi min mabɛnnɛ yɔnyɔn! Ma manɛ fanan iko kɔɛn-kurɛ min makirinɛ fen-kolomɛnu na.

Aiseya 61:5

Wole ata mɔgɛnu, sundannu si na ka wola kolo-fannu fɛ-bira wo ye. Nyamani-gbɛrɛkɛ-mɔgɛnu fanan si na wola ki-fannu fɛ-bira.

Yɛrɛmaya 10:11

Mari ko bɛsɛ wonu ma san-kole anubɛ dugu-kole ladan, ado anu si tinya ka tunu dugu-kole rɔ.

Yɛrɛmaya 10:15

Fufafuyi le anu na. Anu ti ko-wo-ko nyinya. Yɛlɛnma-fan le anu na. Kiti-tɛgɛ-lunyɛ wa ke, bɛsɛ wonu si kasara.

Yɛrɛmaya 25:19

Minnu ya anu min Marita tɔrɔya-yi-lafɛ kɛ la, wo le kɛnu na, Iyipiti mansɛ anubɛ ala mɔgɔ-banu anubɛ nyɔ-kun-tiginu wo, Iyipiti dugurannu anubɛ

Yɛrɛmaya 43:13

Iyipiti mɔgɛnu bi tele kɔla kan min, kuru-lɛsɛnɛ minnu gbili anu ma nyɔ, Babilɔn mansɛ si kuru-lɛsɛnɛ wonu tatii ka anuna kɔ-tinɛ wonu mintan.”

Yɛrɛmaya 46:25

Mari Sɛnbɛ-Bɛɛ-Tigi Isirɛlata Alla ko a sa mɛla tun, a ye tɔrɔyɛ lanala Tibisi kɛnuta bɛsɛ ma min tɔgɛ Amuna. A si Iyipiti kɛnuna mansɛnu anubɛ ala mɔgɛnu anubɛ anuta bɛsɛnu tɔrɔ anu nyɔgɔn fɛ. A ko a si Iyipiti mansɛ wurun anubɛ min bɛɛsi lanɛ ale mansɛ la.

Yɛrɛmaya 48:7

Mohabu kɛnu yili-latɛgɛnɛ anu sɛnbɛ anubɛ anuna nɔnfuli ma, anu si ta biralɛ rɔ. Anuna bɛsi Kimɔsi fanan si ta biralɛ rɔ. Anu yogenu si ta bɛsɛ wonubɛ a kɔlɛnu anubɛ ala mɔgɔ-banu na.

Yɛrɛmaya 49:27

Mari ko a si tɛ tugu Damasika tarɛ la. Mansa Bɛnhedadila bolɔn si mintan. Mari Sɛnbɛ-Bɛɛ-Tigi kan le kɛ la.

Yɛrɛmaya 50:2

“Wo ni kɛ fɔ sibolenu ye ka a mayon ko anu ka a ma gbundu la de! Wo ni falafalɛ layɛlɛ tamasereyɛ la ko Babilɔn si na bui, yɔ! Anuna bɛsɛ min tɔgɛ Maraduku, wo si na nyɛnsɛn kesemeren! Babilɔn kɛnuna bɛsɛnu bara miliya kɔgɔrɔyɔlɔ! Anuna kisimiriya-bɛsɛ wonu si na serendi ha ka anu nunku iko gbangban.

Yɛrɛmaya 51:44

Mari ko a si Babilɔn kɛnuna bɛsi Bɛli tinya. Mɔgɛnu ya min bɛɛ kankan bɛsi wo ye, anu si wo bɛɛ lasɛgi a tiginu ma. Sibolo-wo-sibolo ti a kɔ tun! Babilɔn tarɛnu si na bui.

Isikiyɛli 29:11

Mɔgɔ ti tagama nyɔ hali soge. San bi-nani dɛgɛdɛgɛ, nyɔ-rakolonyanɛ si to filili!

Isikiyɛli 29:19

Nde, i Tigi Mari ye nala min fɔla, wo le kɛ la ko n bi nala Iyipiti nyamanɛ latenbila Mansa Nɛbukanasa ma. A wa bui nyɔ ma, a si fen-kolomɛ bɛɛ bi ka wonu ma ala kɛlɛ-dannu sarɛ la.

Isikiyɛli 30:13

“Nde, i Tigi Mari ya a fɔ ko a bɛsi wo, a batoli-fen wo, n si wo bɛɛ kasara Mɛmfisi soe burɔ pɔ! Mɔgɔ-wo-mɔgɔ ti taran tun min si Iyipiti mara. N si bɛɛ rakilan.

Daniyɛli 11:8

A si ta anuna bɛsɛnu na. Sɛnɛ anubɛ wodi-gbɛ-miran minnu dantɛgɛnɛ bɛsɛ wonu ma, a si ta wonu na fanan. Ni yisi-kimɛ taranta san kurun kɔrɔ,

Sɛfanaya 2:11

Mari si a ma, anu ni kilan dɔgɔma-ma-de! A si a ma, duninya-mɔgɛnuna bɛsɛnu bara-koe ni to dɔgɔyala ha fenfen ti to tun. Wo kɔma, duninya sibole bɛɛ si ale bato tun anuna nyamanɛnu tɔ.

Romu 13:12

Suyi-banmatoe le. Banda-ka-dɛ ara gbɛrɛn. Ma ni pinpirɔ-koenu boloka wona ka mala kɛlɛ-kɛ-mirannu bi ka Allata kɛlɛ kɛ wan-takanɛ rɔ.

Ɛfɛsa 4:24

Fɔ wo ni kɛ-nya-kurɛ bi min nadannɛ iko Allatɛ ye nya min. Mɔgɛ min si kɛ-nya-kurɛ bi, wo si gbɛ ko wonu telennɛ Alla yala, ado wo bɛɛ sɛninyani de!

Ɛfɛsa 6:11

Alla ye kɛlɛ-kɛ-miran min bɛɛsi dila wo ma, wo ni wo bɛɛsi bi, woletɔ wo sɔnɛ si to Setanɛta halliya-yogomɛnu kuma.

Kɔlɔsi 3:12

Allala mɔgɛ le wole la. A ara wo keni ka wo yabɔ a nyɛrɛ ye. Woletɔ wo ni kinikinɛ anubɛ nyimayɛ anubɛ famayigiyɛ anubɛ dinyɛ anubɛ munyɛ don wo ma.

Kɔlɔsi 3:14

Keninteyɛ min bi wo kirila wo nyɔgɔn ma, wo ni sa kɛ bɛɛ kuma alako wo ni ma kelen na.