Yɛrɛmaya 42:22 - ALLALA KUMƐ

²² Woletɔ wo hɛnkili ni to kɛ ko. Sigi-sɔgɛ ye wo la nyamanɛ min tɔ, wo tɔgɔ si to kɛlɛ la nyɔ, ni wo ma, kɔnkɛ anubɛ kiraya-fitinɛ.”

Yɛrɛmaya 42:22 Iomraidhean Croise

Aiseya 30:3

Kɔnɔ hali wo, a ko sɛnbɛ ti taran mansɛ wo bolo anu dɛnbɛn-koe rɔ, ado Iyipiti kɛnu bi anu kumafunfan minnu kɛla, a ko wo si a laban anu bolo kasarɛ ma.

Yɛrɛmaya 24:10

A ko a si kɛlɛ anubɛ kɔnkɛ anubɛ kirayɛ latugu wo ma. Hali wo mɔgɔ-den-kolo-kelan, wo ti to a niyi la nyamanɛ wo rɔ a ya min di wobɛ wo benbanu ma.

Yɛrɛmaya 42:17

A ko Iyipiti ta-sɔgɛ ye mɔgɛ minnu na, ni wonu tɔgɔ ma to kɛlɛ la, anu tɔgɔ si to kɔnkɛ la, ni wo ma, kirayɛ. Hali mɔgɔ-den-kelan, a ti to a niyi la. A ko a ye kasarɛ min nanala anu ma, mɔgɔ-wo-mɔgɔ kunyɛ ti bɔ wo rɔ.

Yɛrɛmaya 43:11

Nɛbukanasa si na Iyipiti nɔ feu! Minnu bɛnta, anu tɔgɔ ni to kirayɛ la, wonu tɔgɔ si to kirayɛ la. Minnu bɛnta, anu ni ta birɛ rɔ, fɔ wonu ba ta birɛ rɔ. Minnu bɛnta, anu tɔgɔ ni to kɛlɛ la, wonu tɔgɔ ye tola wo le la.

Yɛrɛmaya 44:12

Wole Yuda mɔgɛ toe minnu bara Iyipiti sigi-koe latɛgɛ, a ko fɔ a wa a yen, wo damasi ara kasara. A kina wo, a denni wo, wo kunyɛ si to kɛlɛ anubɛ kɔnkɛ bolo Iyipiti nyamanɛ rɔ yan. Mɔgɛnu ba wo yen tumɛ min, anu si anu bole sa anu dɛ la ka kawa. Mɔgɛnu si wo mayɛlɛn ka wo tɔgɛ ma dankali-kɛ-fan la.

Isikiyɛli 33:27

“I ni anu makawandi ko nde, i Tigi Mari min bi n niyi la, n bara n keli n nyɛrɛ rɔ ko minnu siginɛ so kasaranɛ wonu tɔ, fɔ anu ba faga. Minnu bi binyɛ rɔ, sogenu si wonu dɔn. Minnu bɛɛ dogonnɛ kɔnkɛnu anubɛ farɛnu na, wonu si faga kirayɛ bolo.

Isikiyɛli 6:11

N Tigi Mari Alla ya a fɔ nde, Isikiyɛli ye ko, “I bole sa i kuma ka i kiannu matɛn di-kɛ-tinɛ bawo Isirɛla bɔnsɔn-mɔgɛnu bara kisimiriya-ko-siyaman ma. Kɛlɛ wo, kɔnkɔ wo, kiraya wo, anu kunyɛ si to wo dama rɔ.

Isikiyɛli 6:12

Minnu bi wula-yan la, kirayɛ le tala wonu na. Minnu bi i dafɛ, wonu kunyɛ si to kɛlɛ rɔ. Minnu bi tola anu niyi la, kɔnkɛ le wonu natola. Anu dama si a lɔn n yisi-bɔɛ ye nya min.

Hoseya 9:6

Hali wo ya wo buri tɔrɔyɛ kɔrɔ, Iyipiti mɔgɛnu si wo kundɛn tun kan-tina-kelen. Anuna so-karantan-mɔgɛnu si wo togon soe do rɔ nyɔ min tɔgɛ, “Mɛmfisi.” Wola wodi-gbɛnu namara tinɛnu anubɛ wola bon-kinyanɛnu si ma gbɔfɛ la binyɛ anubɛ wɔnɛ bolo.