Yɛrɛmaya 41:9 - ALLALA KUMƐ

⁹ Isirɛla Mansa Beyasa tara Yuda kɛnu kɛlɛ san min na nun, Yuda Mansa Esa ya kɔlɔn-belebele wo sin san wo le la. Sumanyila ya furi wonu nakɛ kɔlɔn wo le tɔ ka a lafa furinu na.

Yɛrɛmaya 41:9 Iomraidhean Croise

2 Samuwɛli 17:9

Tumado kɔrɛ, a dogonnɛ faran la kan do. Ni wo ma, a ye kan tinɛ do rɔ. Ni Mansa Dawuda wulita ila kɛlɛ-dan donu kɛlɛla tumɛ min, mɔgɔ-wo-mɔgɔ ya wo lamɔɛn, wonu si belenna a fɔla anu nyɔgɔn ye ko mansɛ ara wuli Abasalɔmta kɛlɛ-dannu natola.

Aiseya 14:19

kɔnɔ ile Babilɔn mansɛ ma sa kaburu tɔ fɔ anu ya i furi lakɛ-a-rɔ le alako a ni tuli. Anu ya a lakɛ-a-rɔ fole burɔ ka ila kɛlɛ-dannu furi lakɛ i kuma. Mɔgɛnu ya i furi ratɛntɛn anu kian kɔrɔ.

Hiburunu 11:38

Dinkira-nyima ma duninya kɛ la mɔgɔ-su-kɛnu ye. Anu tora yilan-yilanna wulɛ rɔ anubɛ kɔnkɛnu tɛma. Anu sigira farannu na anubɛ denkɛnu tɔ dugi kɔrɔ.

Kɛlɛ-Kurugbɛnu 6:2

Midiyan mɔgɛnu tagbɛlɛ Isirɛla mɔgɛnu ko. Woletɔ Isirɛla mɔgɛnu ya anu dogon farannu na kɔnkɔ-woenu tɔ.

1 Samuwɛli 13:6

Anu tara bui Isirɛla mɔgɛnu ma ka a lagbɛlɛya anu kuma ha Isirɛla mɔgɛ donu ya anu dogon farannu na anubɛ farɛnu tɛma anubɛ kɔlon-tagbalanɛnu tɔ.

1 Samuwɛli 14:11

Anu tara sɔ gbɛ rɔ alako Filisitinu ni anu yen. Filisitinu ya anu yen min kɛ, wonu ya a fɔ ko, “Wo ni wo yɛ lata. Hiburu donu bi bɔla denkɛnu na anu dogon-kɛ-tinɛnu tɔ.”

1 Samuwɛli 14:22

Hali Isirɛla kɛlɛ-dan minnu dogonnɛ Ifɛrɛmta kɔnkɔ-nyamanɛ rɔ, wonu ya a lamɔɛn tumɛ min ko Filisitinu bara anu buri, wonu kofura anu na-kelen-nyɔgɛnu ma kɛlɛ-kɛ-tinɛ.

1 Samuwɛli 24:3

A tara ke faran do ma kilɛ dafɛ saga-wɔrɛnu bi kan min. Mansa Sɔli tara da kɔma faran wo la. Kɔnɔ yaga, Dawuda anubɛ ala keminɛnu dogonnɛ faran wo burɔ pon!