Yɛrɛmaya 41:2 - ALLALA KUMƐ

² Sumanyila anubɛ ala mɔgɔ tan wonu ya anuna faannu sagan a lɛɛ rɔ ka ale Kɛdalaya faga nyɔ. Babilɔn mansɛ ya ale Kɛdalaya wo ma kun-tigi la Yuda nyamanɛ kun na nyɔ nun.

Yɛrɛmaya 41:2 Iomraidhean Croise

2 Samuwɛli 3:27

Abina ke soe tarɛ dɛ ma, Yohabu ya a bi. Anu ya anu mata doni. Yohabu ya a nyɛrɛ ma iko a ye gbundu-kumɛ do le fɔla a ye. A ya Abina buyi punsɔgɔ. A ya Abina faga bawo wo le fɔlɔn ya ale dɔgɛ Asahɛli faga.

2 Mansɛnu 25:25

Kɔnɔ san wo karɛ wɔrɔnfila nyɔgɛ ma, Nɛtanayala den Sumanyila kɛ, wo tara mɔgɔ tan la a bolo Misipa ka Kɛdalaya faga nyɔ. Sumanyila kɛ, mansa-bon-kɔrɛ-dan do le ale la. A benba tɔgɛ Ilasama. Babilɔn mɔgɛ anubɛ Yuda mɔgɛ minnu siginɛ Mansa Kɛdalaya fɛ, anu ya wonu fanan faga.

Yaburi 109:5

Ha bi, anu bi ko-nyimɛ sarala ko-yoge la ka keninteyɛ sara gboyanayɛ la.

Yaburi 41:9

Hali n lara n kenite-bɛrɛbɛrɛ min na, ma ye ma bole layigila miran kelen tɔ, wo fanan bara a kan-kɔ sɔ n na.

Yɛrɛmaya 40:14

Anu ya a fɔ ale Kɛdalaya ye ko, “I ma a lɔn ko Amonna Mansa Beyalisi ara Sumanyila sɔ i faga-tinɛ le?” Kɔnɔ Kɛdalaya ma la wo la.

Yɛrɛmaya 40:16

Kɛdalaya ko, “I kana a faga. I ye min fɔla ala ko rɔ, tonya sa wo rɔ.”

Yɛrɛmaya 40:5

N ma kuma min kɛ, ale Nɛbusaradan ko, “Sɛgi Ahaikamna den Kɛdalaya wara, Safan mamanɛ, kɔni. Babilɔn mansɛ ara Yuda nyamanɛ kerifa wo le la. Ni a di i ye, i si to wo wara. Ni wo ma, kan-bo-kan diyara i ye, i ni ta nyɔ.” A ban wo fɔla, a ya n masara ka dɔn-fan di n ma, a ko n ni ta n ta-tinɛ.

Yɛrɛmaya 40:7

Yuda kɛlɛ-den-kunyɛ anubɛ kɛlɛ-dan donu ya anu buri, ado wonu ma sɔn dɛgɛ minna Babilɔn mansɛ ye. Kɛlɛ-maburilɛ wonu ya a lamɔɛn ko fugarɛ minnu ma ta birɛ rɔ Babilɔn, nyɔ-mansɛ ara wonubɛ Yuda nyamanɛ kerifa Kɛdalaya la.

Yɛrɛmaya 40:8

Nɛtanayala den Sumanyila wo, Kareyala dannu Yohenan anubɛ Yonatan wo, Tanhumɛtila den Sɛraya wo, Ifayila dan minnu bɔra Nɛtofa soe burɔ wo, anubɛ Yeyasanaya min bɔra Meyaka soe burɔ wo, wonubɛ anuna kɛlɛ-dannu tara kofu Kɛdalaya ma Misipa soe burɔ.

Yɛrɛmaya 41:3

Sumanyila ya Isirɛla mɔgɛnu faga minnu bi Kɛdalaya fɛ nyɔ Misipa soe burɔ. Babilɔn kɛlɛ-dan minnu taranta a fɛ nyɔ, a ya wonu fanan faga.

Yɔni 13:18

“N sa kɛ bɛɛ fɔla wo damasi ma. N bara minnu yabɔ, n ya wonu lɔn. Kɔnɔ min sɛbɛnɛ Allata kitabu rɔ, fɔ wo ni bɔ-a-la. A sɛbɛnɛ ko, ‘Mabɛ min bara ma bole layigi miran kelan rɔ, wo ara a kan-kɔ sɔ n na.’