Yɛrɛmaya 41:10 - ALLALA KUMƐ

¹⁰ Wo kɔma, mansɛla dunmusinu anubɛ Misipa so-burɔ-mɔgɛ toenu, Nɛbusaradan ya minnu kerifa Kɛdalaya la, Sumanyila ya Amon kilɛ bira ka ta mɔgɔ-biranɛ wonu na a bolo.

Yɛrɛmaya 41:10 Iomraidhean Croise

Nihɛmaya 2:10

Sanbalati ye Bɛti-Hɔrɔn soe burɔ anubɛ Tobaya siginɛ Amon nyamanɛ mɔgɔ-bayɛ la wo wati rɔ. Mɔgɔ filɛ wonu ya a lamɔɛn min kɛ ko mɔgɛ do ara na Isirɛla mɔgɛnu dɛnbɛn-koe la, wo ma anu yisi sa mumɛ!

Nihɛmaya 2:19

Kɔnɔ Sanbalati anubɛ Tobaya anubɛ Arabu min tɔgɛ Kesɛm, wonu ya a lamɔɛn min kɛ ko ma ye soe anubɛ a tarɛ mabɛnna, anu ya ma mayɛlɛn ka ma bɔrɔbɔ. Anu ko, “Wo ye nfen kun na kɛ la? A sɔgɛ ye wo la, wo ni murutiya mansɛ ma, wa?”

Yɛrɛmaya 22:30

Ale Mari ko a ara ban a latɛgɛla ko fɔ ale Mansa Yɛhoyasin kɔrɔ wa kolonya filili! A wara-koe ti ta yarɔ muk! A kegeya-wo-kegeya ti taran a gbɛ rɔ Yuda nyamanɛ kun na Mansa Dawudata bɔn la. Mari kan le kɛ la.

Yɛrɛmaya 38:23

N ko, “Min sanɛ wo kuma, anu bi tala ila musinu anubɛ ila dannu na Babilɔn kɛnu bara. Ile nyɛrɛ-nyɛrɛ kunyɛ ti bɔ anu bolo. Babilɔn mansɛ si ta i la. Anu si soe kɛ mintan gburr!”

Yɛrɛmaya 39:6

Ale mansɛ ya ala den-keinu anubɛ Yuda mɔgɔ-banu faga a yala Ribila soe burɔ nyɔ.

Yɛrɛmaya 40:14

Anu ya a fɔ ale Kɛdalaya ye ko, “I ma a lɔn ko Amonna Mansa Beyalisi ara Sumanyila sɔ i faga-tinɛ le?” Kɔnɔ Kɛdalaya ma la wo la.

Yɛrɛmaya 40:7

Yuda kɛlɛ-den-kunyɛ anubɛ kɛlɛ-dan donu ya anu buri, ado wonu ma sɔn dɛgɛ minna Babilɔn mansɛ ye. Kɛlɛ-maburilɛ wonu ya a lamɔɛn ko fugarɛ minnu ma ta birɛ rɔ Babilɔn, nyɔ-mansɛ ara wonubɛ Yuda nyamanɛ kerifa Kɛdalaya la.