Yɛrɛmaya 40:14 - ALLALA KUMƐ

¹⁴ Anu ya a fɔ ale Kɛdalaya ye ko, “I ma a lɔn ko Amonna Mansa Beyalisi ara Sumanyila sɔ i faga-tinɛ le?” Kɔnɔ Kɛdalaya ma la wo la.

Yɛrɛmaya 40:14 Iomraidhean Croise

Aiseya 26:10

Hali i ye ko-nyimɛ kɛla karagbɛlɛnu ye, anu ti anu degen ko-telenni-kɛ ma. Hali mɔgɔ-telennɛnu taranta nyamanɛ kɛ rɔ, anu bi karagbɛlɛyɛ kɛla. Anu ma ila kabana-koe lɔn fenfen na.

Yɛrɛmaya 25:21

Idɔm mɔgɛnu anubɛ Mohabu mɔgɛnu anubɛ Amon mɔgɛnu wo,

Yɛrɛmaya 40:13

Wo kɔma, Yohenan anubɛ kɛlɛ-den-kunyɛ minnu ma dɛgɛ min nun, wonu nara Kɛdalaya taran Misipa soe burɔ.

Yɛrɛmaya 40:8

Nɛtanayala den Sumanyila wo, Kareyala dannu Yohenan anubɛ Yonatan wo, Tanhumɛtila den Sɛraya wo, Ifayila dan minnu bɔra Nɛtofa soe burɔ wo, anubɛ Yeyasanaya min bɔra Meyaka soe burɔ wo, wonubɛ anuna kɛlɛ-dannu tara kofu Kɛdalaya ma Misipa soe burɔ.

Yɛrɛmaya 41:1

San wo karɛ wɔrɔnfila nyɔgɛ ma, Nɛtanayala den Sumanyila kɛ tara mɔgɔ tan na a bolo Misipa soe Kɛdalaya yen-tinɛ. Sumanyila kɛ, mansaya-bon-kɔrɛ mɔgɛ do le ale la. A benba tɔgɛ le Ilasama. Mansa kɔrɔmɛta mɔgɔ-ba le nun. Anu dama ye fen-dɔn kun na tumɛ min,

Yɛrɛmaya 41:10

Wo kɔma, mansɛla dunmusinu anubɛ Misipa so-burɔ-mɔgɛ toenu, Nɛbusaradan ya minnu kerifa Kɛdalaya la, Sumanyila ya Amon kilɛ bira ka ta mɔgɔ-biranɛ wonu na a bolo.

Yɛrɛmaya 41:2

Sumanyila anubɛ ala mɔgɔ tan wonu ya anuna faannu sagan a lɛɛ rɔ ka ale Kɛdalaya faga nyɔ. Babilɔn mansɛ ya ale Kɛdalaya wo ma kun-tigi la Yuda nyamanɛ kun na nyɔ nun.

Maika 7:5

Dannu si anu fanu lɔn yuwɛnu na. Den-sunkurɔnnu si tɛgɛ anu nanu tɔ kasikasi! Musunɛ minnu ba ta kei-wara-sigi rɔ, wonu si anu mamanu kɛlɛ. Kei bɛɛ yoge si ma ala bonna-mɔgɛ la. Wo ni a ma wo fɛrɛma kuma tinɛ. Wo kana wo kɔntɔ-koenu fɔ wo diyana-mɔgɛnu yala hali wola musinu.