Yɛrɛmaya 4:30 - ALLALA KUMƐ

³⁰ Ile Yuda nyamani-tinyanɛ, i ye nfen kun na? Nfenna i ye kura-hakikɛnu donna i kan na? Nfenna i ye i makirila sɛnɛ la? Nfenna i ye i ya-siyi lafinna? I ye i nyɛrɛ mabɛnna fu! I gbo i kenintenu ye, ado i faga-sɔgɛ ara anu bira.

Yɛrɛmaya 4:30 Iomraidhean Croise

2 Mansɛnu 9:30

Wo kɔma, Mansa Yehu wulita ka ta Yɛsɛreli soe burɔ. Mansa Ehabula kɛɛ-musi Yɛsɛbɛli wo ya a lamɔɛn min kɛ ko Mansa Yehu min ya ala dan faga, wo ara na, a ya a ya-siyi lafin ka a kunyɛ rabɔ. A ya a sɔ mansɛla bolɔn wundan la ka a yɛ layigi kilɛ ma.

Hɛnkilimaya-Kumɛnu 6:25

Hali yɛlannu kinyara ka a dan-natenbi, anuna kinyɛ kana i bole labira. Anu bi anu yɛ min tɛgɛla a kɔrɔ, wonu kana i bole labira.

Hɛnkilimaya-Kumɛnu 7:10

Musi wo bɔra ka a taran luyi ma. Musi wo makirinɛ ala yɛlɛnya-fanɛnu na. A ya keminɛ wola nyinɛ dabira.

Aiseya 10:3

Alla wa a lasɔ wole tɔrɔla, wo si nfen ma gbɛ? A wa kasarɛ lana wo kuma ka bɔ nyamani-yan rɔ, wo si na nfen ma? Wo burimatoe si ta yon bara wo dɛnbɛn-koe rɔ? Wo si wola fen-da-gbɛlɛnu dogon mintɔ?

Aiseya 20:6

Wo wati wa ke, mɔgɛ minnu siginɛ Filisiti nyamanɛ rɔ kɔgɔ-yi dafɛ, Mari ko wonu si a fɔ ko, “Ma lanɛ minnu na ko anu si ma lakanan Asiriyanu masibɛ ma, wo ni wo yɛ lata anu bi nya min kaka. Male si ke kisila kama gbɛ?”

Aiseya 33:14

Yerusalɛm hakɛ-tiginu bi yɛrɛyɛrɛnna kilan bolo. Anu bi a fɔla ko, “Marita kiti mani de iko tɛ min ti sa mumɛ! Ta-sufa wo si male do to a niyi la?”

Yɛrɛmaya 13:21

Wo ye a fɔla minnu ma ko wo diyana-mɔgɛ le, wonu ba sigi wo kun na, wo si nfen fɔ? Wo ti yakɔrɔ-mamɔɛ anubɛ dumɛ sɔrɔn? Wo dumɛ si ma wo bolo iko musi buyi wa a lamaga.

Yɛrɛmaya 22:23

Wola mansɛla bɔn sɔra sida-fɛran minnu na ka bɔ Lɛbanan kɔnkɛnu kuma, ale mansɛ lafɛrɛnɛ sanɛ wo burɔ! Kɔnɔ dumɛ wa tagbaya a ma, a makinikininɛ si to iko nyaganɛ wa sigi tin kɔrɔ.

Yɛrɛmaya 30:14

Wo diyana-mɔgɛ sibolo-gbɛrɛ bɛɛsi ara nyina wo wara-koe la. Anuna ko ti taran wola ko rɔ. Mari ko a ya wo kɛlɛ iko wo yogenu. Wola tɔrɔyɛ ara gbɛlɛya wo kuma bawo wo hakɛ ara siyaya, ado wola karagbɛlɛyɛ ara wara.

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Nimisa Koe 1:19

“N ya n kenintenu kele n dɛnbɛn-koe rɔ kɔnɔ anu ya anu ban n bolo gbat! Nna saraka-masɔlɛnu anubɛ kun-tiginu bi fagala kɔnkɛ bolo. Anu bi anu niyi lakandanna fen-nyini-tinɛ kɔnɔ anu ti ke a sɔrɔnna.

Nimisa Koe 1:2

A ye kila dila min kɛ kudu, woletɔ a ya-denkɛ rakimanɛ a ya-yi bolo. Mɔgɔ-den-kelen sa tun ala kemini-kɔrɛnu tɔ minnu si a madiya alako a ni a rade. A diyana-mɔgɛnu bara anu kan-kɔ sɔ a la ka ma a yoge la.

Nimisa Koe 4:17

Ma ya ma yɛ lakalan ma dɛnbɛn-koe ma furr, kɔnɔ ma ma a sɔrɔn. Ma mɛra makɔnɛ kɛla. Ma ko, “Tumado sibolo-gbɛrɛ do si na ma dɛnbɛ” kɔnɔ ko-wo-ko ma bɔ wo rɔ.

Isikiyɛli 28:13

A siginɛ nde, Allata nakɔɛ rɔ nun Idɛn. Kuru-da-gbɛlɛnu denu manɛ a makiri-fan la. Wonu tɔgɛ le kɛnu na, rubi wo, daimon wo, topasi wo, bɔrɔ wo, ɔnikisi wo, yasipa wo, safaira wo, ɛmarɔdi wo, anubɛ tukɔsi. Kuri bɛɛ siginɛ sɛnɛ tɛma. Kɛ bɛɛ rabɛnta a ye, kebi a bɔnkɛ kɔra lunyɛ min.

Isikiyɛli 28:9

Anu ba na a faga-tinɛ tumɛ min, a si to a fɔla ko Alla le ale la, wa? Anubɛ a fagalɛ yakɔrɛ wa ma kelen na, a si a lɔn worɔ ko hadama-den-gbansan le ale la. Alla ma ale la feu!

Hɔbadaya 1:7

Wo dɛnbɛnɛ-kɛnu si wo yanfa ka wo gben wola nyamanɛ rɔ. Wobɛ kɛ minnu bi ko-kelan rɔ nun, wonu si yɛlɛma wo kuma ka wo nɔ. Wobɛ minnu bi fan dɔnna wo nyɔgɔn tɛma nun, a ko wonu si gbɛrɛ lasigi wo ye kɔnɔ wo ti anu kɔrɔ yen muk!

Hiburunu 2:3

Min tenbira wo la, ma Mari Yisa nyɛrɛ fɔlɔn ya kisi-koe min nabɔ gbɛ rɔ ma ye, ni ma ma ma tole masɔ kisi-ko-wɛ wo la, ma kunyɛ si bɔ a rɔ kama? Minnu ya a lamɔɛn, wonu ya a yira ma la ko tonyɛ le.

Lankɛnimayɛ 17:13

Mansa tan wonu miriya kelen. Anu si anuna sɛnbɛ anubɛ anuna sarati di sogo-feremɛ wo ma.

Lankɛnimayɛ 17:2

Mansɛnu bara yɛlɛnyɛ kɛ musu-yɛlan wo fɛ, ado mɔgɛ bɛɛ ara ma gbɛɛtoe la ala yɛlɛnyɛ bolo.”

Lankɛnimayɛ 17:4

Musi wo fɛrɛya bɔnɛ kura-bilolamɛ anubɛ a wulenmɛ la. A makirinɛ sɛnɛ anubɛ kuru-da-gbɛlɛ anubɛ kɔnɔ-kolo-da-gbɛlɛ-gbɛmɛ la. Sɛnɛ-yi-lafɛ ye a bolo tɔ. Wo lafanɛ ko-latinyanɛnu anubɛ ala yɛlɛnya-ko-haramunɛnu na.