Yɛrɛmaya 4:24 - ALLALA KUMƐ

²⁴ N ya kɔnkɛnu mafɛlɛn, anu bi yɛrɛyɛrɛnna. A bɛɛ ye magala a rɔ.

Yɛrɛmaya 4:24 Iomraidhean Croise

1 Mansɛnu 19:11

Mari ya a fɔ Nɛbi Ilaya ye ko, “Bɔ faran la. I ni i sɔ n yakɔrɔ kɔnkɛ kuma bawo n ba tenbi, i ni n mafɛlɛn.” Mari ya fɔn-belebele-wɛ lana. Kɔnkɛnu tafarata. Kurinu tatiira kɔnɔ Mari sa fɔnyɔ wo rɔ nun. Fɔnyɔ wo ratora min kɛ, dugi yɛrɛyɛrɛnta. Kɔnɔ Mari sa dugi yɛrɛyɛran wo rɔ nun.

Yaburi 18:7

Marita fondo-bɔɛ ya a ma, dugu-kole ramagara ka yɛrɛyɛrɛn. A ya kɔnkɛnu kurukɛ tinɛ layɛrɛyɛrɛn.

Yaburi 77:18

Ila san-sɛrɛn-kan ye bɔla iko mɔgɛ tenbi durɔmu-takolɔn makuru-kurunna. Ila banda-nyin-masɔgɛ ye malanna duninya kuma. Dugi nyɛrɛ ye yɛrɛyɛrɛnna.

Yaburi 97:4

Allata banda-nyin-masɔgɛ ye duninya bɛɛ tola gbɛ rɔ. Dugu-kole wa a yen, a si yɛrɛyɛrɛn.

Bɔ-Koe-Iyipiti 19:18

Ta-sisi bɔra Sinayi kɔnkɛ kuma bawo Mari le wara yigi kɔnkɛ wo kuma iko tɛ. Ta-sisi wo yɛlɛta kulakula! Kɔnkɛ wo kan tinɛ bɛɛsi yɛrɛyɛrɛnta.

Aiseya 13:13

A ko ale Mari Sɛnbɛ-Bɛɛ-Tigi wa diminya lunyɛ min, san-kole ra si maga. Dugi si bɔ a gbɛ rɔ.

Aiseya 24:20

Dugi si to tonko-tankanna iko gbɛɛ-minna-wɛ. A si to magala iko fɔnyɔ si to bugi lamagala nya min. Hakɛ ara a ma, dugi ara gbiliya kirimimi! A wa bui, a ti a lasɔ tun!

Aiseya 5:25

Mari fonde bɔnɛ wole, ata mɔgɛnu ma, ado a ara a kɔɛn kɔrɔbi wo tɔrɔ-koe la. Kɔnkɛnu si yɛrɛyɛrɛn. Minnu bi fagala, wonu furi-bolokanɛ si to belenna lu-kolenu ma iko yefe-gbalɛ. Kɔnɔ hali wo, wo ti a ma, Marita fondo-bɔɛ ni ban. A si wo tɔrɔ serr!

Yɛrɛmaya 10:10

Kɔnɔ a tora ile Mari le kelen petɛ ma, ile Alla kelen pe le ye min bi mansayɛ la tolon! I wa diminya, duninya mumɛ ra si maga. Mɔgɔ-wo-mɔgɔ ti ke ila fondo-bɔɛ rakɔnɔna.

Yɛrɛmaya 8:16

Ma yogenu bara ke Dan soe ma kantɔ pan! Ma ye ma yogenuna kɛlɛ-kɛ-soeenu sun-tafɛ-kan lamɔɛnna. Dugi ye yɛrɛyɛrɛnna soeenu na-kan bolo. Ma yogenu bi dugi kɛ anubɛ a fan bɛɛ tinya-tinɛ le kɛ la. Anu bi Yerusalɛm soe anubɛ a mɔgɛnu halaki-tinɛ le.”

Yɛrɛmaya 9:10

Nde, Yɛrɛmaya si di biribiri kɔnkɛnuna ko la. N si saya-sigi sa dugu-da-rakolɔnla ko la. Wola wɔli-kɛ-tinɛnu bara tinya. Hali mɔgɛ, a sa tenbila nyɔ. Hali ninki kan la sa mɔɛnna nyɔ. Konanu bara anu gban ka ta pon! Sogo bɛɛ ara tunu nyɔ yen!

Isikiyɛli 38:20

A ko a yɛgɛ wo, a koni wo, a sogo-kinama wo, a sogo-mɛsɛ wo, a hadama-den wo, anu dama si yɛrɛyɛrɛn kilan bolo ka a tɛgɛ Marita kabana-koe ma wulɔn. Kɔnkɛnu si bui. Farɛnu dɛ la si ka. Tarɛ bɛɛ si ta sala a ma dundulu!

Maika 1:4

Kɔnkɛnu si lee a tontɛ kɔrɔ iko mɔgɔ wa kɛɛn sa tɛ rɔ. Kɔnkɔ-leenɛ wonu si to yigila folo-wɛnu tɔ iko gboron-gboronna-yi.”

Habakuku 3:10

Kɔnkɛnu bara i yen tumɛ min, anu tora yɛrɛyɛrɛnna. San-kole ya a dɛ bɔ banda-yi kɔrɔ. Yi min bi dugu kɔrɔ, wo ya dugi punsɔgɔ kurɔn bolo. A tora tugula a rɔ.

Habakuku 3:6

Ile Alla wa dan kan min, dugu si yɛrɛyɛrɛn nyɔ rɔ. Hali i wa i kolan tɔnkɔn sɔ minnu na, wonu kun ma si kɔ. Kɔnkɛ minnu bara mɛ, wonu si tii nya-kun-kelen ka ma lɛɛ la. Hali i wara i tontɛ sɔ kɔnkɛ minnu kuma nun, wonu fanan si tii mɛmɛ!

Lankɛnimayɛ 6:14

San-kole laminita iko gbolo-lamininɛ ka tunu yen! Kɔnkɛnu anubɛ yi-tɛma-dugi bɛɛ bɔra anu gbɛ rɔ.